ESHTA 8:9 - Jinghpaw Common Language Bible 2009

⁹ Ndai lam gaw shata masum ngu na Siwan shata hkun masum ya shani e byin nga sai. Mordehkai gaw hkawhkam wa a amu madu ni hpe shaga la nhtawm laika ni ka la ai hte India mungdan kaw nna Hkusha mung du hkra rai nga ai mungdaw latsa e hkun sanit hta de nga ai Yuda masha ni, munggyi ni, up hkang ai ni hte du salang ni yawng hpang de, mungdaw langai hte langai tinang a ga hte laika ka ai hku Yuda masha ni hpang de mung, shanhte shaga ai ga hte laika ka ai hku hkan nna shabra dat ma ai.

Jinghpaw Hanson Version Bible

⁹ Shaloi shata masum ngu na, Siwan shata nhtoi hkun masum ya e, hkawhkam wa a chyare ni hpe shaga la nhtawm, Mordehkai hpa lam hkang dat mayu ai hte maren, India mung kaw nna, Hkusha mung du hkra rai nga ai, mungdaw latsa e hkun sanit hta de nga ai Yuda masha ni, hpyen du ni, munggyi ni hte du salang ni mahkra hpang de, mungdaw langai hte langai a laika ka ai hku, amyu langai hte langai a ga tsun ai hku, Yuda masha ni a laika ka ai hku hte ga tsun ai hku hkan nna, ga shabra dat mu ai.

ESHTA 8:9 ပူးပေါင်းရင်းမြစ်များ

2 HKAWHKAM 18:26

Dai hpang Eliakim, Shebna, hte Yoa ni gaw dai du salang wa hpe, “Madu e, anhte hpe Aramik ga shaga mi. Anhte ga dai hpe chye na ga ai. Hebre ga hte hkum shaga et; bunghku ntsa hku nga nga ai ni yawng madat nga ma ai,” ngu nna tsun mu ai.

2 HKAWHKAM LABAU 15:10

Shanhte gaw Asa hkaw dung ai shi manga ning a shata masum hta Yerusalem mare e hpawng nga ma ai.

ESHTA 1:1

Hkawhkam Ahasuru gaw Persi mung a mare daju Susa hta nga ai shi a hkawhkam tingnyang ntsa e hkaw dung let India mung kaw nna Ehtiopi mung du hkra, mungdaw 127 hpe up hkang nga ai.

ESHTA 1:22

Madu wa shagu gaw tinang a dum nta a madu tai nna hpang jahtum ahkang aya hte tsun nga na matu mungdaw langai hte langai tsun ai ga hte dai mungdaw hta ka ai lai masa laika mungga hpe hkawhkam mungdaw shagu de shabra dat wu ai.

ESHTA 10:1

Hkawhkam Ahasuru gaw shi a hkawseng mungdan na hkin-gau mayan ginwang ni hkan nga ai masha ni hpe mung, mungdan kata de nga ai ni hpe mung bungli laja lana galaw na hkang da nga wu ai.

Daniela 4:1

Hkawhkam Nebuhkadneza gaw masha amyu baw ni, amyu bawsang ni hte kaga ga amyu myu shaga ai masha amyu ni yawng hpang de ning ngu nna htet shana dat wu ai: “Nanhte hta ngwi pyaw nga malit ga!

Daniela 6:1

Dari gaw shi a hkawseng mungdan ting hta rung dung na matu munggyi latsa e hkun san da na daw dan da wu ai.

Daniela 6:25

Dai hpang Dari hkawhkam gaw ginding aga ntsa e nga ai masha amyu ni yawng a masha ni hpe mung, amyu bawsang ni hte ga amyu myu tsun ai masha ni hpang de laika ka dat wu ai: Ngwi pyaw ai lam anga nga u ga law!