ESHTA 8:6 - Jinghpaw Common Language Bible 2009

⁶ Nye a amyu masha ni a ntsa e du na ndai ru yak tsin-yam tsindam hpe mung, nye a jinghku kahpu kanau ni sat kau hkrum na hpe mung, ngai kaning rai hkam jan lu na rai nga a ta?,” ngu nna tsun wu ai.

Jinghpaw Hanson Version Bible

⁶ Nye amyu a ntsa e du ai tsin-yam tsindam hpe mung, nye a kahpu kanau ni hten byak hkrum nga ai hpe mung, ngai kaning rai yu nga lu na rai ta?” ngu wu ai.

ESHTA 8:6 ပူးပေါင်းရင်းမြစ်များ

NINGPAWT NINGHPANG 44:34

Dai ma ngai hte rau n rai yang, kaning rai wa kaw ngai nhtang wa na rai nga a ta? Nye wa a ntsa hta hkrat wa na ru yak tsin-yam tsindam dai hpe ngai n lu yu na nngai,” ngu nna tsun wu ai.

NEHEMIA 2:3

“Madu hkawhkam gaw htani htana ahkrung nga u ga law! Nye a kaji kawa ni hpe lup makoi da ai mare hten run mat nna de a mare chyinghka ni hkru mat yang, ngai kaning rai myi man n sum ai nga lu na rai ta?,” ngu nna htan we ai.

ESHTA 7:4

Nye a amyu masha ni hte ngai gaw sat shamyit kau hkrum na matu, dut kau ai hkrum nga saga ai. Mayam tai na matu dut kau hkrum ai hta hpa mung grau n sawng ai rai yang, ngai atsin sha nga nna dai hte seng ai lam nang hpe n sharu shatsang na nngai; rai ti mung anhte gaw shamyit kau hkrum na matu ri ri sha rai nga saga ai-atsai awai sat shagrawm kau hkrum na saga ai!,” ngu nna htan wu ai.

ESHTA 9:1

Hkawhkam wa ndau shabra dat ai nhtoi ngu ai Adara shata shi masum ya shani hta, Yuda masha ni a gumlau hpyen ni gaw shanhte a daru magam n-gun hte ka-up dang la na myit mada nga ma ai. Rai ti mung shing rai lu na malai, Yuda masha ni mahtang shanhte hpe padang dip la lu nga ma ai.

YEREMIA 4:19

Machyi ai law! Ngai gaw dai machyi ai hpe n hkam lu nngai! Nye a myit masin! Nye a myit masin ja ja htuk htak nga li ai! Ngai atsin sha nga lu ai n rai; Ngai gaw pahtau dum ai nsen hte majan a jahtau garu ai nsen hpe na nngai.

YEREMIA 9:1

Nye a baw gaw hka htung hka, nye a myi ni gaw myi prwi hka hpawk tai mat na ngai ra sharawng nngai, shaloi ngai gaw sat kau hkrum sai nye a amyu masha ni a matu shani shana hkrap lu na rai nngai.

ROMA 10:1

Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.