ESHTA 8:5 - Jinghpaw Common Language Bible 2009

⁵ “Nye a madu hkawhkam awng sharawng ai hte ngai hpe myit manoi nna na a matu jaw hkrak ai zawn myit nawn la n yang gaw hkawseng mungdan hta nga ai Yuda masha ni yawng hpe sat shagrawm kau na matu Agag amyu matu na Hamedahta a kasha Haman a hkang da ai ga hkan galaw na matu matsun dat ai lam hpe hkan shabai na matu ndau laika hpe chyeju hte ka shapraw ya e.

Jinghpaw Hanson Version Bible

⁵ “Hkawhkam wa hkraw nna ngai shi a man e myi man pa ai hte, hkawhkam wa dai lam ra nna, shi ngai hpe yu ra ai rai yang gaw, hkawhkam wa mungdaw shagu hta nga ai Yuda masha ni hpe sat shagrawm kau na nga, Agag amyu masha, Hamedahta a kasha Haman hpaji daw nna, ka shabra dat ai laika ni hpe, hkawhkam wa hkan ka shabai kau u ga.

ESHTA 8:5 ပူးပေါင်းရင်းမြစ်များ

ESHTA 2:17

Dai hkawhkam wa gaw kaga numsha ni kadai hta mung shi hpe grau yu ra nga ai rai nna, kaga ni hta grau nna myi man pa ai hte tsaw ra ai lam hkam la lu nga ai. Hkawhkam wa gaw shi hpe hkawhkam janmau gup ya nhtawm Washti a shara hta shi hpe hkawhkam jan shatai da wu ai.

ESHTA 2:4

Dai hpang nang ra sharawng htum ai numsha langai mi hpe la nna, Washti a shara hta shi hpe hkawhkam jan shatai da u,” ngu nna hpaji jaw ma ai. Hkawhkam wa mung dai gaw mai kaja ai hpaji jaw ga rai nga ai ngu myit la ai rai nna dai lam hpe hkan galaw shangun nga ai.

ESHTA 3:1

Ya aten ram ram na jang, Hkawhkam Ahasuru wa gaw Haman mying ai wa hpe hkringmang daju arawng aya hta shagrau shatsaw da wu ai. Haman gaw Agag amyu matu Hamedahta a kasha rai nga ai.

ESHTA 7:3

Hkawhkam jan Eshta chyawm gaw, “Grit nem let nye a hpyi lajin ai ga hpe nye a madu hkawhkam jaw ya na sharawng awng nga ai rai yang, ngai hte nye a amyu masha ni hkrung nga lu na gaw nye a myit ra sharawng ai lam rai nga li ai.

PRU MAT 33:13

Ya chyawm gaw, na a yaw shada ai lam ni ngai hpe tsun dan nga ndai rai nna, nang hpe ngai daw jau na nngai. Ndai amyu masha ni hpe na a amyu masha majing hku nna nang lata la nit dai hpe mung dum nga u law.

PRU MAT 33:16

Nang anhte hte rau n hkan sa ai rai yang, na a amyu masha ni hte mung, ngai hte mung nang kaning rai awng sharawng nga ai hpe kadai wa chye lu na rai nga a ta? Anhte hte rau nga nga ai na a hpung shingkang gaw ginding aga ntsa e nga ai kaga masha ni hta na anhte hpe garan ginhka da na rai nga ndai,” ngu nna htan wu ai.

1 SAMUELA 20:29

Shing rai shi gaw, ‘Nye a dinghku masha ni dai mare hta shagu hkungga nawng jau ya ai poi galaw nga ma ai majaw mung, dai shara de wa na matu nye a kahpu htet dat ai a majaw mung, nang nan nye a manang rai nga ndai gaw, nye a jinghku ni hpe wa hkrum shangun na, chyeju hte ngai hpe wa shangun e law,’ nga nna tsun ai a majaw, shi ndai sha ku na shi a shara hta n du lu ai rai nga ai,” ngu nna htan wu ai.