ESHTA 8:15 - Jinghpaw Common Language Bible 2009

¹⁵ Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

Jinghpaw Hanson Version Bible

¹⁵ Ya Mordehkai gaw amut, ahpraw nsan ai, hkawhkam hpun palawng bu hpun nna, ja janmau kaba gup ai hte mani ai lachyit nba ahpraw hte hkyeng sawm ai nba lawai let, hkawhkam wa kaw na pru wa nna, Shushan mare masha ni gaw, kabu gara ai hte jahtau garu nga ma ai.

ESHTA 8:15 ပူးပေါင်းရင်းမြစ်များ

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

ESHTA 1:6

Dai hkaw wang na lung hpraw shadaw hta gumhpraw shanghkawng ni hte shaba pu nsam rawng nna mani tsawm ai sumri ni hte hkang nhtawm lamu tsit nsam hte hpraw ai sumpan ni hte mawn sumli da nga ai. Yup ku ni hpe aja gumhpraw hte galaw nhtawm hpraw ai lunghpraw, hkyeng ai nlung, pale kanu zawn hpraw tu ala ai hte lung mut ni hte nep da ai shara hta tawn da nga ai.

ESHTA 10:2

Shi galaw nu ai mauhpa galu kaba ai amu yawng mayawng hpe mung, Mordehkai hpe shi kaning rai arawng aya shatsaw tawn ai maumwi lam ni hpe mung, Persi, Medi hkawhkam ni a labau gawn laika hta tara shang ka matsing da nga ai.

ESHTA 3:15

Hkawhkam wa hkang dat ai hte maren dai aming hpe Susa mare daju hta ndau shana ai hpang, shiga sa ai ni mungdaw shagu de dai shiga gun sa mat wa ma ai. Susa mare kashuk kashak kaming kamawng byin hkrum nga yang, hkawhkam wa hte Haman yan chyawm gaw dung let sabyi lu nga ma ai.

ESHTA 5:1

Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

ESHTA 5:11

Shi gaw shanhte hpe shi gade sut su nga ai lam hpe mung, shi lu ai shadang sha ni gade daram law nga ma ai hpe mung, hkawhkam wa shi hpe gade wa shagrau shatsaw da sai lam hpe mung, kaga hkawhkam wa a du salang ni hta shi hpe gade daram ahkyak tawn ai lam hpe mung tsun shakawng dan wu ai.

ESHTA 6:11

Dai rai nna Haman mung palawng galu ni hte gumra hpe la nna Mordehkai hpe palawng galu ni jahpun ya wu ai; dai hpang Mordehkai hpe gumra shajawn nhtawm mare lam hku shi hpe woi nna shanhte hkawm sa wa yang masha ni hpe ning ngu ndau tsun wu ai: “Hkawhkam wa shagrau sha-a mayu ai wa hpe shi ning rai shagrau nga ai hpe yu yu mu!”

ESHTA 8:14

Hkawhkam wa a hkang da ai ga hte maren, gumra jawn ai ni gaw hkawhkam hte seng ai gumra ni hta jawn let nachying shachyang nna pru mat wa ma ai. Dai aming gaw mare daju Susa hta mung shana shabra nga ai.

GA SHAGAWP 11:10

Myit malang ai masha ni ngamu ngamai yang, mare ting kabu gara nga ai; tara n lang ai masha ni si wa yang chyawm gaw, dai mare hta kabu gara marawn jahtau nga ma ai.

GA SHAGAWP 28:12

Mai kaja ai masha ni hkawhkam tingnyang hta dung ai shaloi, masha shagu wa awng padang ninglaw poi hta shang lu ma ai; n hkru n shawp ai ni up hkang ai shaloi, masha ni makoi mat nga ma ai.

GA SHAGAWP 29:2

Ding hpring ai mung du, ngai hpe madun dan e, shaloi ngai nang hpe kabu gara ai amyu masha ni hpe madun dan na we ai. Tara n lang ai mung du, ngai hpe madun dan e, shaloi ngai nang hpe nchyi nmu re ai masha ni hpe madun dan na we ai.

MAHTE 11:8

Mani tsawm ai bu hpun palawng bu hpun ai ni gaw Hkawhkam htingnu hta nga ma ai.

MAHTE 6:29

Rai ti mung, ngai nanhte hpe tsun made ai gaw, lu su dik ai Hkawhkam Shawlumon pyi dai nampan ni hta na langai mi zawn tsawm htap hkra bu hpun lu ai n rai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.