ESHTA 8:14 - Jinghpaw Common Language Bible 2009

¹⁴ Hkawhkam wa a hkang da ai ga hte maren, gumra jawn ai ni gaw hkawhkam hte seng ai gumra ni hta jawn let nachying shachyang nna pru mat wa ma ai. Dai aming gaw mare daju Susa hta mung shana shabra nga ai.

Jinghpaw Hanson Version Bible

¹⁴ Dai dawdan ai ga gaw, Shushan htingnu na pru nna, hkawhkam a hkang dat ai ga hte shanhte hpe tin shangun ai majaw, laika sa ai ni gaw, hkawhkam wa amu hta lang ai, grai lawan chye ai gumra jawn let, pru sa wa ma ai.

ESHTA 8:14 ပူးပေါင်းရင်းမြစ်များ

1 HKAWHKAM 4:28

Mung du shagu hte gaw leng garawt ai gumra ni hte bungli shangun ai yam nga ni a matu muk-yaw mam hte yihku ni hpe ra ai made shapraw ya ra nga ma ai.

2 HKAWHKAM LABAU 30:6

Hkawhkam wa hte shi a du salang ni hkang dat mu ai hte maren, shiga shana ai ni gaw Yuda hte Israela mung ting de jawt hkawm let ning ngu saw shaga dat ma ai: “Israela amyu masha ni e, nanhte gaw Asuri e gasat ka-up la ai kaw na naw hkrung nga lu ai ni rai myit dai. Dai re ai majaw dai Madu Abraham, Isak hte Yaku a Karai Kasang hpang de ya kayin wa marit; shi nanhte kaw kayin wa na ra ai.

NEHEMIA 1:1

Da ndai gaw kung kyang ai Hakalia a kasha Nehemia a lam rai nga ai. Hkun ning ngu na Hkesle shata hta, Ngai Nehemia gaw mare daju Susa hta nga nga yang, Artazazi gaw Persi mung a hkawseng rai nga ai.

ESHTA 2:3

Nang gaw hkawseng mungdan npu na mungdaw shagu hta nga ai du salang ni hpe san da ai hte mare daju ndai Susa mare na numsha ni a nta de dai ahpraw tsawm ai numsha ma ni yawng hpe woi sa na matu shanhte hpe hkang dat lu nga ndai; shaloi na a numsha ni hpe yu hpareng ai Hegai Unuk a lata de shanhte hpe ap ya u; shing rai shanhte hpe shanhte a tsawm shingni madun dan shangun u.

ESHTA 3:13

Adara shata shi masum ya shani e nan Yuda masha yawng ngu na kaji kaba, ma kaji ni hte numsha ni yawng hpe htau sat sharu kau na matsun ga ni rawng ai ndau laika hpe mungdan a mungdaw shagu de laika sa ai ni la mat wa shajang ma ai. Yuda masha ni gaw matsan dum myit n rawng ai sha sat sharu kau ai hkrum nna shanhte a lanep ni la mat wa ai hkrum na ma ai.

ESHTA 3:14

Masha shagu mung dai shani du jang shajin da lu mu ga, ndau laika hta rawng ai malawm ni hpe mungdaw shagu na mung shawa ni hpang de shabra dat na rai nga ai.

ESHTA 3:15

Hkawhkam wa hkang dat ai hte maren dai aming hpe Susa mare daju hta ndau shana ai hpang, shiga sa ai ni mungdaw shagu de dai shiga gun sa mat wa ma ai. Susa mare kashuk kashak kaming kamawng byin hkrum nga yang, hkawhkam wa hte Haman yan chyawm gaw dung let sabyi lu nga ma ai.

ESHTA 8:13

Dai shani du jang, Yuda masha ni shanhte a gumlau hpyen ni hpe matai dawp la lu hkra nga, mungdaw shagu de nga nga ai masha shagu hpang de ndai tara laika hpe ndau shabra nna chye na shangun ai lam rai nga ai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.

Daniela 8:2

Dai shingran hta, Elam mungdaw na bunghku kum ai Susa mare hta nye hkum hpe ngai akajawng sha mu nngai. Ulai hka nu makau e ngai tsap nga yang,

1 SAMUELA 21:8

Dawi gaw Ahimelek hpe, “Ngai hpe jaw ya lu na ri nhtu n lu n ni? Hkawhkam wa ndai zawn tin shapun rai ngai hpe pru sa na hkang dat ai majaw nye a nhtu hte kaga laknak ni hpe hta la na aten n lu kau nngai,” ngu nna tsun wu ai.