ESHTA 8:1 - Jinghpaw Common Language Bible 2009

¹ Dai shani jang, Hkawhkam Ahasuru gaw Yuda masha ni a gumlau hpyen Haman a sut gan yawng hkawhkam jan Eshta a lata de ap ya kau wu ai. Eshta gaw Mordehkai shi hte amyu daw hkat ai lam hkawhkam wa hpe tsun dan wu ai; Mordehkai gaw dai shani kaw nna hkawhkam wa a man de shang lu na ahkang lu wu ai.

Jinghpaw Hanson Version Bible

¹ Dai shani jang hkawhkam Ahasuru gaw, Yuda masha ni hpe hpyen ai Haman a nta, hkawhkam jan Eshta hpe ap ya kau wu ai. Eshta gaw hkawhkam wa hpe, Mordehkai hte shi kaning rai daw hkat ai lam hkai dan ai majaw, Mordehkai gaw hkawhkam wa kaw shang lu ai.

ESHTA 8:1 ပူးပေါင်းရင်းမြစ်များ

ESHTA 1:14

Shi hpe hpaji jaw la na matu grau nna shi kam ging ai ni gaw Hkarashena, Shehta, Admahta, Tarshi, Mare, Marasena hte Memuhkan ni rai nga ai; dai ni gaw Persi hte Medi mung na du salang sanit hte rai nna, mungdan kata hta tsaw htum ai arawng lu ai ni rai ma ai.

ESHTA 2:15

Kasha zawn yin la sai hte Mordehkai a kanau daw ai Abihala a shayi sha Eshta gaw hkawhkam wa kaw pru sa wa na aten du ai shaloi, Eshta hpe mu mamu ni shi hpe shakawn shagrau nga ma ai. Shing rai shi a aten du jang shi bu hpun na matu numsha ni a nta woi hpareng ai Hegai unuk shi hpe hpaji jaw ai hku sha, shi bu hpun sumraw nga ai.

ESHTA 2:7

Shi hta kasha daw ai Hebre hku Hadasa mying ai Eshta nga nga ai; dai numsha gaw ahpraw nsam tsawm nna hkum shingyan htap nga ai. Kanu kawa si mat ai hpang Mordehkai gaw shi hpe shi a shayi sha majing zawn bau kaba dat wu ai.

ESHTA 7:6

Eshta gaw, “Anhte a gumlau hpyen, anhte hpe zingri ai wa gaw ndai n hkru ai Haman nan rai nga ai,” ngu nna htan wu ai. Shaloi Haman gaw hkawhkam wa hpe azi yu let hkawhkam jan a man e hkrit gari nga ai.

ESHTA 8:7

Hkawhkam Ahasuru gaw hkawhkam jan Eshta hte Yuda masha Mordehkai yan hpe, “Yu mu! Yuda masha ni hpe sat kau na maw mawn ai majaw Haman hpe ngai noi sat kau se ai. Eshta hpe mung shi a sut gan ngai ap ya se ai.

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

GA SHAGAWP 13:22

Mai kaja ai masha wa gaw shi a kashu ni a matu sut gan sali wunli ngam da ya na ra ai; rai ti mung, yubak kap ai wa a sut gan chyawm gaw ding hpring ai masha ni hpang de du mat na ra ai.

GA SHAGAWP 28:8

Amyat sha nna masha kaga wa hpe zai hku nna dip sha let na a sut gan hpe shalaw la ai wa rai yang, matsan mayan ni hpe matsan dum ai wa a lata de, na a sut gan shang mat wa na ra ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.