ESHTA 7:8 - Jinghpaw Common Language Bible 2009

⁸ Hkawhkam wa sun kaw nna gawk de bai nhtang shang wa yang, shi gaw Eshta a yup ku ntsa e gum dagup let matsan dum la na matu hpyi nem nga ai hpe wa mu nna, hkawhkam wa gaw, “Ndai wa gaw nye a hkawhkam htingnu kata nye a man ndai yang e nan hkawhkam jan hpe roi na hkyen nga a hka i?,” ngu nna jahtau tsun wu ai. Hkawhkam wa ga naw shaga nga yang pyi unuk ni Haman a baw hpe sa magap da rau nga masai.

Jinghpaw Hanson Version Bible

⁸ Shaloi hkawhkam wa gaw, htingnu sun kaw na tsabyi poi gawk de bai wa ai; Haman gaw Eshta taw nga ai yup ku hta gum dagup nga ai majaw, hkawhkam wa gaw, “Nye nta kata e, nye a man e nan, hkawhkam jan hpe kamu la na rai kun?” nga nna ga naw tsun nga yang, shanhte gaw Haman a myi man magap ya mu ai.

ESHTA 7:8 ပူးပေါင်းရင်းမြစ်များ

ESHTA 1:5

Dai hpang, hkawhkam wa gaw mare daju Susa e nga ai matsan lu su n nga, masha yawng a matu lusha poi galaw ya wu ai. Dai poi hpe hkawhkam htingnu a sun wang kata hta sanit ya tup galaw nga ai.

ESHTA 1:6

Dai hkaw wang na lung hpraw shadaw hta gumhpraw shanghkawng ni hte shaba pu nsam rawng nna mani tsawm ai sumri ni hte hkang nhtawm lamu tsit nsam hte hpraw ai sumpan ni hte mawn sumli da nga ai. Yup ku ni hpe aja gumhpraw hte galaw nhtawm hpraw ai lunghpraw, hkyeng ai nlung, pale kanu zawn hpraw tu ala ai hte lung mut ni hte nep da ai shara hta tawn da nga ai.

ESHTA 6:12

Dai hpang Mordehkai gaw hkawhkam htingnu chyinghka de bai nhtang wa nga yang, Haman chyawm gaw yawn nna shi a myi man magap let nta de tin tin wa mat wu ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

YOBA 9:24

Karai Kasang gaw mungkan ga hpe n hkru ai ni a lata hta ap ya nga ai. Shi gaw tara agyi ni yawng hpe myi kyaw kau shangun nga ai. Dai amu hpe Karai Kasang n galaw yang, kadai galaw a ta?

ESAIA 22:17

Nang gaw ahkyak na ndai, rai ti mung dai Madu gaw nang hpe magra la nna kabai kau na ra ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

AMO LAIKA (AMOS) 3:12

Dai Madu gaw, “Sagu rem wa gaw hkanghkyi e sha kau sai sagu lagaw lahkawng shing n rai sagu a na daw mi hpe sha bai gare la lu ai zawn Samari masha ni hta na naw hkrung nga ai nkau mi chyu sha zing hkam ai sut gan hta hkrawn taw nga na mara ai.

MARKU 14:65

Shanhte hta na nkau mi gaw, shi hpe mayen mahtaw bun ai hte, shanhte shi hpe myi bam kau ya nna kayat nhtawm shanhte gaw, “Nang hpe kadai kayat a ta? Tak yu u!,” ngu mu ai. Hkinjawng Agyi Kaba wa a sin langa ni mung shi hpe magra bye kahpret mu ai.