ESHTA 7:4 - Jinghpaw Common Language Bible 2009

⁴ Nye a amyu masha ni hte ngai gaw sat shamyit kau hkrum na matu, dut kau ai hkrum nga saga ai. Mayam tai na matu dut kau hkrum ai hta hpa mung grau n sawng ai rai yang, ngai atsin sha nga nna dai hte seng ai lam nang hpe n sharu shatsang na nngai; rai ti mung anhte gaw shamyit kau hkrum na matu ri ri sha rai nga saga ai-atsai awai sat shagrawm kau hkrum na saga ai!,” ngu nna htan wu ai.

Jinghpaw Hanson Version Bible

⁴ ngai hpe mung, nye amyu masha ni hpe mung, atsai awai, sat shagrawm shamyit kau na nga, anhte dut kau ai hkrum saga ai. Mayam num mayam la tai na matu, dut kau hkrum ai rai yang, hpyen wa gaw hkawhkam wa sum ai malai, jahpu n jaw lu timung, ngai atsin sha nga na nngai,” ngu nna htan wu ai.

ESHTA 7:4 ပူးပေါင်းရင်းမြစ်များ

NEHEMIA 5:5

Anhte gaw anhte a Yuda hpu nau ni hte amyu langai sha rai nga ga ai. Anhte a kashu kasha ni gaw shanhte a kashu kasha ni zawn rai nga ai n rai ni? Rai ti mung anhte gaw anhte a kashu kasha ni hpe mayam shatai kau nga ga ai. Anhte a shayi sha nkau mi hpe pyi, mayam ni zawn dut kau rau saga ai. Anhte a yi sun ni hte sabyi sun ni gaw anhte a lata kaw nna madu la kau hkrum nga saga ai majaw anhte gaw matsan mayan hkrum nga ga ai,” ngu nna naw tsun nga ma ai.

ESHTA 3:13

Adara shata shi masum ya shani e nan Yuda masha yawng ngu na kaji kaba, ma kaji ni hte numsha ni yawng hpe htau sat sharu kau na matsun ga ni rawng ai ndau laika hpe mungdan a mungdaw shagu de laika sa ai ni la mat wa shajang ma ai. Yuda masha ni gaw matsan dum myit n rawng ai sha sat sharu kau ai hkrum nna shanhte a lanep ni la mat wa ai hkrum na ma ai.

ESHTA 3:9

Madu hkawhkam wa e, nang ra sharawng ndai rai yang, shanhte sat kau ai hkrum lu na rai mu ai, ngu nna daw dan ai aming htuk shapraw ya u ga; dai hku nang galaw ndai rai yang, hkawseng mungdan up hkang ai amu a matu hkawseng sut dek hta gumhpraw tan 375 hta n-ga, ngai bang da ya lu na nngai ngu, ngai pahkam hkam nngai,” ngu nna tsun wu ai.

ESHTA 7:5

Dai hpang Hkawhkam Ahasuru gaw hkawhkam jan Eshta hpe, “Ndai zawn re ai amu galaw gwi ai gaw kadai wa rai ta? Dai wa kanang e nga nga a ta?,” ngu nna san wu ai.

ESHTA 7:6

Eshta gaw, “Anhte a gumlau hpyen, anhte hpe zingri ai wa gaw ndai n hkru ai Haman nan rai nga ai,” ngu nna htan wu ai. Shaloi Haman gaw hkawhkam wa hpe azi yu let hkawhkam jan a man e hkrit gari nga ai.

ESHTA 8:11

Ndai laika ni gaw mare shagu hta nga ai Yuda masha ni gaw tinang hkum hpe makawp maga ai hku hpyen bai nhtang gasat na matu shaga jahpawng da ra nga ai ngu sanglang da nga ai.

ESHTA 8:6

Nye a amyu masha ni a ntsa e du na ndai ru yak tsin-yam tsindam hpe mung, nye a jinghku kahpu kanau ni sat kau hkrum na hpe mung, ngai kaning rai hkam jan lu na rai nga a ta?,” ngu nna tsun wu ai.

ESHTA 9:25

Rai ti mung Eshta gaw hkawhkam wa kaw shang nna hkawhkam wa ndau laika ka shapraw dat ai majaw Yuda masha ni a matu shi lajang maw mawn kau nu ai gam maka a nni nkri hpe Haman hkam sha nu ai; shi hte shi a shadang sha ni masha sat shara hta noi da ai hkrum nga masai.

Daniela 6:2

Dai sha n-ga, shi gaw munggyi ni hpe reng hkang na matu mung, hkawhkam wa a amu yu lajang ya na matu mung, Daniela hte kaga marai lahkawng hte hpe lata san da wu ai.

YOELA 3:6

Nanhte gaw Yuda hte Yerusalem mare masha ni hpe shanhte a mungdan kaw nna woi mat wa nhtawm Grik masha ni hpang de dut kau nga myit dai.

AMO LAIKA (AMOS) 2:6

Dai Madu gaw, “Israela amyu masha ni lang hte lang yubak galaw shut kau manu ai, dai lam a majaw ngai shanhte hpe teng teng ari jaw na we ai. Shanhte gaw hka n lu wa ai ding man ai masha ni hte kyepdin man mi a manu hpe pyi n lu nhtang ya ai matsan mayan re ai masha ni hpe mayam hku dut kau ma ai.

LUKA 12:45

Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

TARA JAHPRANG 28:68

Dai Madu gaw nanhte hpe Egutu mung de galoi mung bai nhtang sa sana n rai, nga nna shi tsun kau wu tim pyi, sanghpaw li hte nanhte hpe sa shangun na ra ai; dai yang e mayam sa tai na nga, nanhte a gumlau hpyen ni a lata hta tinang hkum nan sa dut ti mung, nanhte hpe kadai mung akaw alaw nga nna ra sharawng na mu ai n rai,” ngu nna tsun wu ai.

YAWSHU 9:23

Dai zawn nanhte galaw kau myit dai majaw Karai Kasang gaw nanhte hpe daw dan ya manit dai. Nanhte a masha ni gaw prat dingsa mayam tai nhtawm nye Karai Kasang a chyoi pra ai shara a matu hpun hta amu hte hka ja ai amu galaw lu na rai myit dai,” ngu nna tsun wu ai.

1 SAMUELA 22:23

Ngai hte rau nga ga, hkum hkrit et. Shawlu gaw nang hte ngai hpe sat kau mayu wu timung, nang chyawm gaw ngai hte rau shim nga lu na rai ndai,” ngu nna tsun wu ai.