ESHTA 7:3 - Jinghpaw Common Language Bible 2009

³ Hkawhkam jan Eshta chyawm gaw, “Grit nem let nye a hpyi lajin ai ga hpe nye a madu hkawhkam jaw ya na sharawng awng nga ai rai yang, ngai hte nye a amyu masha ni hkrung nga lu na gaw nye a myit ra sharawng ai lam rai nga li ai.

Jinghpaw Hanson Version Bible

³ Dai rai nna hkawhkam jan Eshta gaw, “Hkawhkam wa e, ngai na a man e myi man pa ai hte hkawhkam wa hkraw n yang gaw, ngai hpyi ai hte maren, nye a asak, ngai tam ai hte maren, nye amyu masha ni a asak, jahkrung da ya mi;

ESHTA 7:3 ပူးပေါင်းရင်းမြစ်များ

1 HKAWHKAM 20:31

Shi a du salang ni shi kaw sa nhtawm, “Israela hkawhkam ni gaw matsan chye dum nga ma ai hpe anhte na yu ga ai. Anhte a nshang ni hta lachyit sumpan ni hte kyit nhtawm du ni hta sumri ahkyen la nna Israela hkawhkam wa hpang de sa na ahkang jaw mi. Shaloi shi gaw na a asak hpe jahkrung da ya mai nga ai,” ngu nna tsun ma ai.

2 HKAWHKAM 1:13

Ya lang mi bai hkawhkam wa gaw du langai hte masha manga shi hpe shangun dat wu ai. Shi gaw kawng de lung wa nhtawm Elia a man e lahput hput di let, “Karai Kasang a masha wa e, ngai hte nye a masha ni hpe matsan dum la e law. Anhte a asak hpe jahkrung da ya mi!

ESHTA 4:8

Shi gaw Yuda masha ni hpe jahten sharun kau na lam hkang da sai dai Susa mare e htuk shapraw da sai ndau shabra laika kanan langai mi hpe Hahtat a lata hta bang dat ya wu ai. Eshta gaw hkawhkam wa kaw shang nna shi a amyu masha ni hpe matsan dum myit madun dan na matu hpyi nem ya na mung, byin nga masa sanglang ya na matu mung, ndai laika Eshta hpang de la wa ya na lam Mordehkai shi hpe tsun dat wu ai.

ESHTA 7:7

Hkawhkam wa mung masin pawt ai hte rawt tsap nhtawm gawk kaw nna pru mat wa ai hte hkawhkam htingnu sun de shang mat wa wu ai. Haman gaw ndai lam a majaw shi hpe ari jaw na daw dan nga sai hpe shi mu lu nu ai rai nna shi a asak a matu hkawhkam jan Eshta hpe hpyi nem na nga, shingdu e hti ngam nga la nga ai.

ESHTA 8:5

“Nye a madu hkawhkam awng sharawng ai hte ngai hpe myit manoi nna na a matu jaw hkrak ai zawn myit nawn la n yang gaw hkawseng mungdan hta nga ai Yuda masha ni yawng hpe sat shagrawm kau na matu Agag amyu matu na Hamedahta a kasha Haman a hkang da ai ga hkan galaw na matu matsun dat ai lam hpe hkan shabai na matu ndau laika hpe chyeju hte ka shapraw ya e.

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

YEREMIA 38:26

Nang gaw ngai n si hkra, dai Yonahtan a nta de ngai hpe bai n shangun dat na matu nang ngai hpe hpyi nem ai lam, shanhte hpe tsun dan u,” ngu nna ngai hpe bai htan wu ai.