ESHTA 7:10 - Jinghpaw Common Language Bible 2009

¹⁰ Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

Jinghpaw Hanson Version Bible

¹⁰ Shing rai Mordehkai a matu jung da ai wudang hta, Haman hpe noi da mu ai. Shaloi hkawhkam wa a myit kawp wa sai.

ESHTA 7:10 ပူးပေါင်းရင်းမြစ်များ

NINGPAWT NINGHPANG 40:22

Dai lam yawng gaw Yosep htai da sai hte maren byin wa sai.

ESHTA 2:1

Hkawhkam wa masin kawp mat ai hpang pyi, Washti galaw kau nu ai amu hte shi hpe ninghkap let tsun shabra kau sai lam hte seng nna shi a myit nga wu ai.

ESHTA 5:14

Dai rai nna shi a madu jan hte shi a manaw manang ni yawng gaw, “Nang hpa majaw pe 75 tsaw ai masha noi sat shara hpe n galaw da n ta? Hpawt de dai hta Mordehkai hpe noi sat kau lu hkra, hkawhkam wa hpe nang ahkang hpyi lu na rai ndai; shaloi nang gaw lusha poi de kabu gara sa wa lu na rai ndai,” ngu nna hpaji jaw mu ai. Haman mung dai gaw mai kaja ai myit jasat rai nga sai nga nna myit nawn la nhtawm masha noi sat ai shara galaw tawn da wu ai.

ESHTA 7:7

Hkawhkam wa mung masin pawt ai hte rawt tsap nhtawm gawk kaw nna pru mat wa ai hte hkawhkam htingnu sun de shang mat wa wu ai. Haman gaw ndai lam a majaw shi hpe ari jaw na daw dan nga sai hpe shi mu lu nu ai rai nna shi a asak a matu hkawhkam jan Eshta hpe hpyi nem na nga, shingdu e hti ngam nga la nga ai.

ESHTA 7:8

Hkawhkam wa sun kaw nna gawk de bai nhtang shang wa yang, shi gaw Eshta a yup ku ntsa e gum dagup let matsan dum la na matu hpyi nem nga ai hpe wa mu nna, hkawhkam wa gaw, “Ndai wa gaw nye a hkawhkam htingnu kata nye a man ndai yang e nan hkawhkam jan hpe roi na hkyen nga a hka i?,” ngu nna jahtau tsun wu ai. Hkawhkam wa ga naw shaga nga yang pyi unuk ni Haman a baw hpe sa magap da rau nga masai.

ESHTA 8:7

Hkawhkam Ahasuru gaw hkawhkam jan Eshta hte Yuda masha Mordehkai yan hpe, “Yu mu! Yuda masha ni hpe sat kau na maw mawn ai majaw Haman hpe ngai noi sat kau se ai. Eshta hpe mung shi a sut gan ngai ap ya se ai.

ESHTA 9:14

Dai lam galaw na matu hkawhkam wa hkang dat ai hte Susa mare hta ndau laika shapraw nhtawm Haman a shadang sha shi a moi mang ni hpe shawa man e madun da nga ma ai.

ESHTA 9:25

Rai ti mung Eshta gaw hkawhkam wa kaw shang nna hkawhkam wa ndau laika ka shapraw dat ai majaw Yuda masha ni a matu shi lajang maw mawn kau nu ai gam maka a nni nkri hpe Haman hkam sha nu ai; shi hte shi a shadang sha ni masha sat shara hta noi da ai hkrum nga masai.

YOBA 18:8

Shanhte gaw sumgawn kata de kabye shang mat wa nna shanhte a lagaw ahkang la nga ma ai;

YOBA 20:8

Shanhte gaw shana e mu ai yup mang shingran zawn hkoi mat wa nna, galoi mung bai mu lu na ra ai n rai.

SHAKAWN KUNGDAWN 37:15

rai ti mung, shanhte ni mahtang shanhte a nhtu ni hte nan sat kau ai hkrum na mara ai; shanhte a ndan ni mung agrawp daw kau ai hkrum na mara ai.

SHAKAWN KUNGDAWN 7:16

Shing rai shanhte gaw shanhte galaw ai n hkru ai amu hta ari hkrum sha nna, shanhte a kashun kashe re ai amu hta machyi hkrum nga ma ai.

SHAKAWN KUNGDAWN 94:23

Shi shanhte hpe tara n lang ai amu a jaw e, ari jaw na ra ai, shanhte a yubak ni a majaw shanhte hpe jahten kau na ra ai; Madu anhte a Karai Kasang gaw shanhte hpe jahten shamyit kau na mu ai law.

GA SHAGAWP 11:27

Na a shatawng shada ai lam kaja nga ai rai yang chyawm gaw nang hkungga ai hkrum na rin dai; rai ti mung, ruyak tsin-yam hpe nang hkan tam ai rai yang, dai hpe nang hkam la lu na rin dai.

GA SHAGAWP 11:8

Ding hpring ai ni gaw ru yak tsin-yam kaw na makawp maga la ai hkrum nga ma ai; dai ru yak tsin-yam gaw shi kaw du na malai tara n lang ai wa kaw du na rai nga ai.

GA SHAGAWP 26:27

Kaga masha ni a matu, mahkam hkam da ai ni gaw shanhte hkum nan dai hta ahkang la na mara ai; sharut gyi hkra galaw hpang dat ai wa gaw shi nan dai hta agrawp lawm na ra ai.

YEREMIA 34:17

Dai majaw, nang gaw ngai shaga ai ga hpe n madat mara ndai; na a hpu nau Israela ni a shanglawt ahkaw ahkang hpe nang n jaw ndai nga nna dai Madu ngai nan tsun ni ai. Grai kaja sai, dai majaw, hpyen majan hte mung, ana zinli hte mung, kawsi hpang gara ai hte mung si htum mat wa chye ai shanglawt ahkaw ahkang, ngai nang hpe jaw ya na de ai. Nang hpe ngai shapraw dan na tsin-yam tsindam hta mungkan mungdan amyu baw shagu hte hpe ngai jahkrit shama shangun na nngai.

EZEKELA 5:13

Ngai myit dik ai aten du hkra, nye a sindawng kahtet ai hte n-yun bu ai n-gun hpe nang hkam sha na rai ndai. Ndai lam yawng byin wa ai shaloi, ngai gaw na a sadi n dung ai hta myit kahtet nga nngai majaw dai Madu ngai nan nang hpe tsun kau ai ga hpe nang chye wa lu na rai ndai.

Daniela 6:24

Dai hpang hkawhkam wa gaw Daniela hpe mara shagun ai ni yawng hpe rim la na matu hkang dat wu ai. Shanhte hte rau shanhte a madu jan ni hte ma ni hte hpawn hkanghkyi ni hte hpring ai nhkun kata de kabai bang kau ai hkrum ma ai. Dai ni nhkun htumpa de garai n du ai kaw nna pyi shanhte hpe hkanghkyi ni htim amya nna shanhte a nrut nra ni hpe agrawp daw kau ya ma ai.

Daniela 6:25

Dai hpang Dari hkawhkam gaw ginding aga ntsa e nga ai masha amyu ni yawng a masha ni hpe mung, amyu bawsang ni hte ga amyu myu tsun ai masha ni hpang de laika ka dat wu ai: Ngwi pyaw ai lam anga nga u ga law!

ZEHKARIA 6:8

Dai hpang, lamu kasa gaw ngai hpe, “Dingdung maga Babelon mung de sa ai gumra ni gaw dai Madu a masin kahtet ai hpe shakawp ya manu ai,” ngu nna jahtau tsun wu ai.

TARA AGYI 15:7

Samson gaw shanhte hpe, “Nanhte dai hku galaw myit hka i! Dai hku rai yang, nanhte hpe ngai matai htang lu ai aten du hkra ngai tawn da na mawe ai n rai ngu nna dagam se ai,” ngu nna tsun wu ai.