ESHTA 6:6 - Jinghpaw Common Language Bible 2009

⁶ Dai rai nna Haman shang wa ai hte hkawhkam wa gaw shi hpe, “Ngai grai di shagrau sha-a mayu ai masha langai nga nga ai. Dai wa a matu ngai hpa galaw ya ang na rai ta?,” ngu nna san wu ai. Haman chyawm gaw, “Ya hkawhkam wa grai di nna shagrau sha-a mayu ai gaw kadai hpe rai ta? Ngai mi she teng teng rai nga a dawng,” ngu nna shi a kraw kata myit yu nga ai.

Jinghpaw Hanson Version Bible

⁶ Shing rai Haman shang wa ai. Shaloi hkawhkam wa gaw, “Hkawhkam wa shagrau shatsaw mayu ai wa hpe kaning di na rai ta?” ngu nna san wu yang, Haman gaw, “ngai hta kaga, hkawhkam wa shagrau shatsaw mayu ai wa, kadai wa mi rai na ta?” nga nna shi a kraw e myit let,

ESHTA 6:6 ပူးပေါင်းရင်းမြစ်များ

ESHTA 1:15

Shi gaw dai masha ni hpe, “Ngai Hkawhkam Ahasuru nan hkawhkam jan Washti hpang de hkang dat ai ga hte hpawn nye a shangun ma ni hpe shangun dat nngai. Shi chyawm gaw dai ga hpe ningdang kau ya nga ai! Anhte shi hpe kaning rai ahkyak mai la na a ta?,” ngu nna san wu ai.

ESHTA 5:11

Shi gaw shanhte hpe shi gade sut su nga ai lam hpe mung, shi lu ai shadang sha ni gade daram law nga ma ai hpe mung, hkawhkam wa shi hpe gade wa shagrau shatsaw da sai lam hpe mung, kaga hkawhkam wa a du salang ni hta shi hpe gade daram ahkyak tawn ai lam hpe mung tsun shakawng dan wu ai.

ESHTA 6:11

Dai rai nna Haman mung palawng galu ni hte gumra hpe la nna Mordehkai hpe palawng galu ni jahpun ya wu ai; dai hpang Mordehkai hpe gumra shajawn nhtawm mare lam hku shi hpe woi nna shanhte hkawm sa wa yang masha ni hpe ning ngu ndau tsun wu ai: “Hkawhkam wa shagrau sha-a mayu ai wa hpe shi ning rai shagrau nga ai hpe yu yu mu!”

ESHTA 6:5

Dai rai nna shangun ma ni gaw, “Haman nang e nga nga ai nang hte hkrum na matu ala nga ai,” ngu nna htan mu ai. Hkawhkam wa gaw, “Shi shang ru ga,” ngu nna tsun wu ai.

ESHTA 6:7

Dai rai nna shi gaw hkawhkam wa hpe, “Nang nan hpun ai palawng galu, dai masha wa a matu hkawhkam palawng ni la sa ya na hkang dat wu. Na a jawn gumra hta hkawhkam a mawn sumli arai langai mara tawn na mung hkang da u.

ESHTA 6:9

Dai hpang tsaw htum ai na a du magam langai mi hpe ndai palawng galu ni bu hpun shangun nna gumra jawn let mare lam hku shi hpe woi lai nna, shanhte hkawm sa wa yang, du magam langai mi hpe ning ngu ndau shabra shangun na rai nga ai: ‘Hkawhkam wa shagrau sha-a mayu ai masha wa hpe shi ning rai shagrau nga ai hpe yu yu mu!’”

SHAKAWN KUNGDAWN 35:27

Ngai hpe mara n kap ai wa ngu nna mu mada mayu ai ni gaw kabu gara nga ai; “Madu gaw kade galu kaba nga a hka! Shi gaw shi a shangun ma wa a awng dang ai lam hta sharawng awng nga ai,” nga nna shanhte kahtap kala jahtau tsun nga mu ga.

GA SHAGAWP 1:32

Mahkrum madup n nga ai masha ni gaw hpaji byeng-ya hpe ningdang kau mu ai majaw si mat nga ma ai; angawk ai masha ni mung, shanhte a ndum ndam re ai lam hta hten byak ai hkrum ma ai.

GA SHAGAWP 16:18

Gumrawng gumtawng ai gaw hten byak lam de woi sa wa nna; myit tsaw myit dap ai gaw hkrat sum ai lam de, woi sa wa nga ai.

GA SHAGAWP 18:12

Kadai mung shagrit shanem ai myit n rawng ai rai yang, shagrau hkungga hkam la lu ai n rai; myit tsaw myit dap rawng ai masha ni gaw hten byak lam de sa wa nga ma ai.

GA SHAGAWP 30:13

Shanhte gaw gade wa mai kaja nga ma hka! shanhte gaw grai kaja nga ma ai nga nna myit la ai masha ni mung nga nga ma ai.

ESAIA 42:1

Dai Madu gaw, “Ndai gaw ngai n-gun shaja ya ai nye a shangun ma- ngai lata la ai wa, ngai sharawng awng ai wa rai nga ai. Ngai gaw shi hpe nye a Wenyi hte jahpring ya ni ai, shi gaw masha amyu baw shagu hpang de teng man rap ra ai tara la sa ya na ra ai.

YEREMIA 32:41

Ngai gaw shanhte a matu mai kaja ai amu galaw ai lam hta ngai awng sharawng nga na nngai, ngai gaw shanhte hpe ndai mung hta e prat ting shagrin shangang da na nngai.

OBEDIA 1:3

Na gumrawng gumtawng ai myit gaw nang hpe hkalem kau nga sai. Na a mare daju gaw ngang ai lunghkrung hta gap da ai hpyen dap rai nga ai; na a dum nta gaw bum ni hta tsaw nga ai, dai rai nna nang gaw na a kraw kata e, ‘Kadai wa ngai hpe gang kadang lu na i?,’ nga nna tsun nga ndai.

MAHTE 3:17

Dai hpang, “Ndai wa gaw ngai sharawng awng nga ai, ngai tsaw ra ai Kasha rai nga li ai,” nga nna lamu de na nsen ngoi pru wa ai.

LUKA 14:9

Nan lahkawng hpe shaga ai manam madu wa sa nna, ‘Ndai wa hpe shara yen ya u,’ nga nna nang hpe tsun kau yang, nang gaw kaya ai hte nem dik ai shara hta htawt dung lu na ndai.

YAWHAN 5:23

Dai rai nna masha ni gaw Kawa hpe hkungga ai hte maren, Kasha wa hpe mung hkungga na mara ai. Kasha wa hpe n hkungga ai masha kadai mung, Kasha wa hpe shangun dat ai Kawa hpe n hkungga ai wa rai nga ai.