ESHTA 6:4 - Jinghpaw Common Language Bible 2009

⁴ Hkawhkam wa gaw, “Hkawhkam htingnu kata e nye a du salang ni kadai wa nga nga a ta?,” ngu nna san wu ai. Mordehkai hpe masha sat ai shara hta noi da na matu ya jin jin di da nna dai lam hkawhkam wa hpe sa san na nga, ya sha wang kata de Haman shang wa sai.

Jinghpaw Hanson Version Bible

⁴ Bai hkawhkam wa gaw, “wang kata e kadai nga nga a ta?” ngu nna san mu yang, Haman gaw, shi hkyen da ai wudang hta Mordehkai hpe shadau sat na matu, hkawhkam hpe ahkang hpyi na nga, htingnu na shinggan wang kata de shang ai majaw,

ESHTA 6:4 ပူးပေါင်းရင်းမြစ်များ

ESHTA 4:11

“Numsha lasha kadai rai ti mung hkawhkam wa n shaga ai sha kata wang de hkawhkam wa hpang de shang ai rai yang, dai wa si lu na rai nga ai. Dai gaw tara rai nga ai hpe hkawhkam wa a hpaji jaw ni kaw nna mungdaw ni de nga ai masha ni de du hkra, masha shagu dai lam hpe chye da nga ma ai. Ndai lam langai mi hku nna sha, ndai tara hpe koi yen lu na lam nga nga ai: dai gaw hkawhkam wa shi a ja sumdoi ladawn ai rai yang, marai langai ngai asak jahkrung da ai hkrum nga ai. Ngai rai ti mung, hkawhkam wa ngai hpe shaga ai gaw shata mi sha naw rai nga ai.”

ESHTA 5:1

Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

ESHTA 5:14

Dai rai nna shi a madu jan hte shi a manaw manang ni yawng gaw, “Nang hpa majaw pe 75 tsaw ai masha noi sat shara hpe n galaw da n ta? Hpawt de dai hta Mordehkai hpe noi sat kau lu hkra, hkawhkam wa hpe nang ahkang hpyi lu na rai ndai; shaloi nang gaw lusha poi de kabu gara sa wa lu na rai ndai,” ngu nna hpaji jaw mu ai. Haman mung dai gaw mai kaja ai myit jasat rai nga sai nga nna myit nawn la nhtawm masha noi sat ai shara galaw tawn da wu ai.

ESHTA 6:3

Hkawhkam wa gaw, “Mordehkai dai lam shabrawng dat ai majaw shi hpe kaning rai shagrau sha-a ai hte kumhpa jaw shagrau saga ta?,” ngu nna san wu ai. Shi a shangun ma ni mahtang, “Shi a matu hpa mung n galaw yu ga ai,” ngu nna htan mu ai.

ESHTA 6:5

Dai rai nna shangun ma ni gaw, “Haman nang e nga nga ai nang hte hkrum na matu ala nga ai,” ngu nna htan mu ai. Hkawhkam wa gaw, “Shi shang ru ga,” ngu nna tsun wu ai.

ESHTA 7:9

Dai hpang shanhte hta na Harbona mying ai wa gaw, “Madu hkawhkam a asak hpe hkye la yu sai Mordehkai hpe noi sat kau lu hkra nga, shi a nta e masha sat shara langai galaw da nga ai rai nna dai gaw pe 75 tsaw nga ai,” ngu nna tsun dan wu ai. Shing rai hkawhkam wa gaw, “Dai hta e Haman hpe noi sat kau mu!,” ngu nna hkang dat wu ai.

SHAKAWN KUNGDAWN 2:4

Sumsing lamu hta nga ai shi a tingnyang kaw nna dai Madu gaw shanhte a gawng kya ai yaw shada lam ni hpe mani asawng ya nga ai.

SHAKAWN KUNGDAWN 33:19

Dai Madu gaw shanhte hpe si ai kaw na hkye hkrang la nga ai; shi gaw shanhte hpe hku hku hpang gara ai aten hta asak hkrung nga lu na ahkang jaw ya nga ai.

HPAJI NINGLI 9:10

Nang yu wa na katsan ga hta e, amu bungli, myit mang ai, machye machyang hpaji hte hpaji byeng-ya hpa mung n nga ai majaw nang galaw ai amu hpa hpe mung ja ja galaw u.