ESHTA 6:13 - Jinghpaw Common Language Bible 2009

¹³ Shi gaw shi hta byin mabyin lam mahkra hpe shi a madu jan hte shi a manaw manang ni yawng hpe wa tsun dan wu ai. Shaloi madu jan hte hpaji rawng ai shi a manang ni gaw shi hpe, “Nang gaw Yuda masha Mordehkai a man e n-gun sum hpang wa nga ndai majaw shi hpe dang lu na n rai. Shi chyawm gaw nang hpe teng teng dang kau na ra ai,” ngu nna tsun mu ai.

Jinghpaw Hanson Version Bible

¹³ Shing rai Haman gaw, shi hta byin ai lam mahkra hpe, madu jan Zeresha hte jinghku jing-yu ni yawng hpe hkai dan mu ai. Dai rai nna shi a hpaji rawng ai ni hte madu jan Zeresha gaw, “Nang hpe sum hpang shangun ai Mordehkai gaw, Yuda aru arat hta na teng yang, nang shi hpe dang lu na n rai; nang shi a man e teng teng sum na ndai,” ngu mu ai.

ESHTA 6:13 ပူးပေါင်းရင်းမြစ်များ

NINGPAWT NINGHPANG 24:66

Dai shangun ma wa mung shi galaw sai lam shagu Isak hpe tsun dan wu ai.

NINGPAWT NINGHPANG 40:19

Masum ya rai jang hkawhkam wa nang hpe shalawt dat nna baw kahtam di kau ya na ra ai. Dai hpang na a hkum hpe hpun shadaw hta noi da na mara ai; ntsa malen u ni mung na a ashan hpe achye sha na mara ai,” ngu nna htai ya wu ai.

NINGPAWT NINGHPANG 41:8

Jahpawt rai jang, shi myit ru nga ai rai nna, Egutu mung na mandan lakle chye ai sara ni hte hpaji byeng-ya chye ai ni yawng hpe shi shaga la nhtawm shi a yup mang hpe hkai dan wu ai. Rai ti mung, shi mu ai yup mang htai ya lu ai masha mi n nga nga ai.

YOBA 15:24

ru yak tsin-yam tsindam gaw daru magam n-gun rawng ai hkawhkam langai mi zawn shanhte hpe gasat na matu ala nga ma ai.

SHAKAWN KUNGDAWN 105:15

Madu gaw, “Ngai lata san da sai shangun ma ni hpe hkum machyi shangun myit, nye a myihtoi ni hpe hkum hkra ya mi,” nga nna hkawhkam ni hpe sadi jaw nu ai.

GA SHAGAWP 28:18

Myit malang nga u, shaloi nang shim nga na ra ai; nang lama n ding n man nga ai rai yang, akajawng sha kataw mat na rin dai.

Daniela 2:12

Dai lam a majaw, hkawhkam wa grai n-yun bu ai hte Babelon mung na hkawhkam wa a hpaji jaw masha ni yawng hpe sat shamyit kau na matu hkang dat wu ai.

HOSEA 14:9

Ndai ka da sai laika hpe hpaji rawng nna chye na hkawn hkrang ai ni kadai mung dai hpe chye nna myit masin hta bang da lu mu ga. Dai Madu a lam ni gaw jaw nga ai rai nna, ding hpring ai masha ni dai hta hkan hkawm ma ai; rai ti mung yubak mara lu ai ni chyawm gaw dai ni hpe hpa n nawn nga ma ai majaw ahtu kataw nga ma ai.

ZEHKARIA 2:12

Yuda gaw shi a chyoi pra ai mungdan hta dai Madu lang mi bai lak san madu la ai hkrum na ra ai. Yerusalem gaw yawng hta shi tsaw ra htum ai mare tai na ra ai.

BU HKAWM 24:9

Dai amyu baw ni gaw chyalai n-gun rawng ai Hkanghkyi hte bung nna, shi yup nga yang kadai mung n jasu gwi nga ai. Israela hpe shaman ai wa kadai mung shaman ai hkrum nga u ga; Israela hpe matsa ai wa kadai mung matsa ai hkrum nga u ga law.”

TARA JAHPRANG 32:10

“Katsi katsang, akrin akraw, nbung sha ahpawt ai nam mali hku brak hkawm nga ma yang, shi shanhte hpe mu la wu ai. Shi hkum hpe makawp maga da wu ai zawn shi shanhte hpe makawp maga ai hte lanu lahku la nga ai.