ESHTA 6:12 - Jinghpaw Common Language Bible 2009

¹² Dai hpang Mordehkai gaw hkawhkam htingnu chyinghka de bai nhtang wa nga yang, Haman chyawm gaw yawn nna shi a myi man magap let nta de tin tin wa mat wu ai.

Jinghpaw Hanson Version Bible

¹² Dai hpang Mordehkai gaw hkawhkam chyinghka de bai nhtang wa ai. Haman chyawm gaw, yawn nna baw magap let, shi a nta de alawan nhtang wa ai.

ESHTA 6:12 ပူးပေါင်းရင်းမြစ်များ

2 SAMUELA 15:30

Dawi mung yawn hkyen ai kumla hte shi a baw htinggrum nna kyepdin raw kau nhtawm hkrap let, Tsanlun Bum de lung wa wu ai. Shi a hpang hkan ai masha ni yawng mung shanhte a baw ni htinggrum nhtawm hkrap let shi kaw hkan nang nga ma ai.

2 SAMUELA 17:23

Ahihtohpela chyawm gaw shi jaw ai hpaji hku n hkan ai hpe mu jang, shi a lawze byau la nna daidaw buga de nhtang mat wa wu ai. Shi a amu ni hpe hpajang da ngut jang shi hkum nan dau si mat wu ai. Shing rai shi a dinghku masha ni hpe makoi mayang ai lup hta shi hpe makoi mayang da nga ma ai.

1 HKAWHKAM 20:43

Hkawhkam wa mung Samari mare shi a nta de myit ru myit htum ai hte nhtang mat wa wu ai.

1 HKAWHKAM 21:4

Ahab mung nta de wa nna, Nabot shi hpe tsun kau wu ai ga a majaw myit htum ai hte pawt wu ai. Shi gaw shakum de myi man yawng let shi a yup ku ntsa e kaleng taw nga ai; shat mung n sha wu ai.

1 HKAWHKAM 21:6

Shi gaw, “Nabot a sabyi sun hpe mari la na matu ngai hpyi tsun yu ni ai; shing n rai shi ra sharawng ai rai yang, de a malai kaga langai shi hpe jaw na we ai ngu ti mung dai hpe ngai lu la lu na n rai, nga nna shi ngai hpe tsun ai majaw rai nngai,” ngu nna htan wu ai.

2 HKAWHKAM LABAU 26:20

Azaria hte kaga hkinjawng ni gaw yu hkrit na zawn re ai hkawhkam wa a kahtan hpe yu mau let, Nawku Htingnu kaw nna pru mat wa na matu shi hpe jawm shadut ma ai. Dai Madu shi hpe ari jaw nu ai majaw shi mung tin tin pru mat wa nu ai.

ESHTA 2:19

Dai aten hte yang, Mordehkai gaw up hkang lu ai arawng aya langai hkawhkam wa e lit jaw da hkrum nga wu ai.

ESHTA 6:11

Dai rai nna Haman mung palawng galu ni hte gumra hpe la nna Mordehkai hpe palawng galu ni jahpun ya wu ai; dai hpang Mordehkai hpe gumra shajawn nhtawm mare lam hku shi hpe woi nna shanhte hkawm sa wa yang masha ni hpe ning ngu ndau tsun wu ai: “Hkawhkam wa shagrau sha-a mayu ai wa hpe shi ning rai shagrau nga ai hpe yu yu mu!”

ESHTA 7:8

Hkawhkam wa sun kaw nna gawk de bai nhtang shang wa yang, shi gaw Eshta a yup ku ntsa e gum dagup let matsan dum la na matu hpyi nem nga ai hpe wa mu nna, hkawhkam wa gaw, “Ndai wa gaw nye a hkawhkam htingnu kata nye a man ndai yang e nan hkawhkam jan hpe roi na hkyen nga a hka i?,” ngu nna jahtau tsun wu ai. Hkawhkam wa ga naw shaga nga yang pyi unuk ni Haman a baw hpe sa magap da rau nga masai.

YOBA 20:5

n hkru ai masha ni kadai mung aten na na n kabu lu ma ai.

YOBA 9:24

Karai Kasang gaw mungkan ga hpe n hkru ai ni a lata hta ap ya nga ai. Shi gaw tara agyi ni yawng hpe myi kyaw kau shangun nga ai. Dai amu hpe Karai Kasang n galaw yang, kadai galaw a ta?

1 SAMUELA 3:15

Samuela gaw jahpawt du hkra yup ra e nga nga wu ai; dai hpang shi rawt nhtawm dai Madu a nta chyinghka ni hpe hpaw wu ai. Dai shingran Eli hpe tsun dan na shi hkrit nga ai.