ESHTA 6:11 - Jinghpaw Common Language Bible 2009

¹¹ Dai rai nna Haman mung palawng galu ni hte gumra hpe la nna Mordehkai hpe palawng galu ni jahpun ya wu ai; dai hpang Mordehkai hpe gumra shajawn nhtawm mare lam hku shi hpe woi nna shanhte hkawm sa wa yang masha ni hpe ning ngu ndau tsun wu ai: “Hkawhkam wa shagrau sha-a mayu ai wa hpe shi ning rai shagrau nga ai hpe yu yu mu!”

Jinghpaw Hanson Version Bible

¹¹ Shaloi Haman gaw hpun palawng ni hte gumra hpe la nna, Mordehkai hpe bu hpun shangun nhtawm, mare lam ni hta gumra shajawn let, “hkawhkam wa shagrau shatsaw mayu ai wa hpe ning rai galaw nga ai,” nga nna shi a shawng e garu jahtau nga ai.

ESHTA 6:11 ပူးပေါင်းရင်းမြစ်များ

EZRA 6:13

Dai hpang munggyi Tateni yan Shehta Bozenai hte shan a du salang manang ni gaw hkawseng wa hkang dat ai hte maren, tup hkrak galaw ma ai.

ESHTA 6:10

Dai hpang hkawhkam wa gaw Haman hpe, “Nang hpaji jaw ai hte maren, palawng galu ni hte gumra hpe tin tin wa la nhtawm Yuda masha Mordehkai a matu ndai shagrau sha-a lam ni galaw u. Hkawhkam htingnu a shang wa chyinghka lam e dung nga ai hpe nang mu na rai ndai,” ngu nna tsun wu ai.

ESHTA 6:12

Dai hpang Mordehkai gaw hkawhkam htingnu chyinghka de bai nhtang wa nga yang, Haman chyawm gaw yawn nna shi a myi man magap let nta de tin tin wa mat wu ai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

ESHTA 9:3

Shanhte yawng gaw Mordehkai hpe hkrit nga ma ai majaw mungdaw hte seng ai du salang ni, munggyi ni, up hkang ai ni hte hkawhkam wa a dat kasa ni yawng Yuda masha ni hpe karum nga ma ai.

GA SHAGAWP 27:18

Lakum hpun hpe yu lajang u, shaloi nang lakum si sha lu na ra ai; shi a madu hpe bau sin ai mu gun kaja wa gaw, shagrau sha-a ai hkam la na ra ai.

ESAIA 60:14

Nang hpe dip gamyet sha lai wa sai ni a aru arat ni gaw Shanhte a hkungga lara ai hpe madun na matu gum dagup na mara ai. Nang hpe lang mi n kaw n law di lai wa sai ni yawng na a lagaw nhpang e nawku na mara ai. Shanhte gaw nang hpe, ‘Dai Madu a Mare,’ ‘Ziun ngu ai, Israela a Chyoi Pra Ai Karai Kasang a Mare,’ ngu nna shaga na mara ai.

LUKA 1:52

Shi gaw n'gun atsam rawng ai hkawhkam ni hpe jahkrat kau nna, myit gyip grit nem nga ai ni hpe shagrau ya nu ai.

SHINGRAN 3:9

Yu u! Tinang dai Yuda masha rai ga ai nga ti mung Yuda n teng ai sha, Satan a hpung hta lawm ai dai masu ai ni hpe na a lagaw nhpang e ngai shanhte hpe sa naw dingnyawm shangun na mawe ai rai nna, ngai nang hpe tsaw ra nga ai gaw, shanhte chye lu na mara ai.