ESHTA 5:3 - Jinghpaw Common Language Bible 2009

³ Hkawhkam wa gaw, “Hkawhkam Eshta e, kaning ngu mayu n ta? Nang hpa ra ai lam ngai hpe tsun dan rit, nye a mungdan chyen mi hpe pyi nang lu la lu na rai ndai,” ngu nna san wu ai.

Jinghpaw Hanson Version Bible

³ Shaloi hkawhkam wa gaw, “Hkawhkam jan Eshta e, nang hpa ra n ta? hpa hpyi mayu n ta? nye a mungdan chyen mi du hkra jaw na de ai,” ngu nna shi hpe tsun wu ai.

ESHTA 5:3 ပူးပေါင်းရင်းမြစ်များ

1 HKAWHKAM 2:20

Batsheba gaw, “Lam kaji sha mi nang kaw hpyi na lam lu nga nngai; chyeju hte hkum ningdang kau ya e,” ngu nna tsun wu ai. Dai rai nna hkawhkam wa gaw, “Nu e, hpa wa rai ta? Ngai nang hpe ndang kau na nngai n rai,” ngu nna tsun wu ai.

1 HKAWHKAM 3:5

Dai Madu gaw dai shana e yup mang hta shi kaw dan pru nhtawm, “Ngai nang hpe hpa jaw na hpyi e,” ngu nna shi hpe san wu ai.

NEHEMIA 2:4

Hkawseng wa gaw, “Nang hpa baw ra sharawng n ta?,” ngu nna san wu ai. Ngai gaw sumsing lamu a Karai Kasang kaw akyu hpyi nngai,

ESHTA 5:4

Eshta chyawm gaw, “Madu hkawhkam e, nang ra sharawng ndai rai yang gaw nye a manam hku nang hte Haman dai na e ngai nan a matu lajang da ai lusha poi de sa wa na ngai ra sharawng nngai,” ngu nna tsun htang wu ai.

ESHTA 5:6

Ya hkawhkam wa poi sabyi lu ngut jang, shi hpe, “Nang hpa ra ai lam ngai hpe tsun dan rit; dai hpe nang hkam la lu na rai ndai. Nye a mungdan chyen mi hpe pyi nang hpyi ai rai yang, nang hpyi ai hte maren ngai jaw na de ai,” ngu nna san wu ai.

ESHTA 7:2

lahkawng lang ngu na rau lu rau sha nga ma ai. Sabyi lu poi ngut jang, hkawhkam wa gaw Eshta hpe, “Hkawhkam jan Eshta e, ya nang hpa ra n ta? Dai hpe nang hkam la lu na rai nga ndai majaw ngai hpe tsun dan rit. Mungdan chyen mi hpe pyi nang hpe ngai jaw ya lu na nngai,” ngu nna bai tsun wu ai.

ESHTA 9:12

Shaloi shi gaw hkawhkam jan Eshta hpe, “Susa mare hta sha Yuda masha ni masha manga tsa hte hpawn Haman a shadang sha shi hte hpe sat kau nga ma ai. Dai rai yang kaga mungdaw ni hkan shanhte hpa mi naw galaw kau nga manu ai kun? Ya nang hpa ra n ta? Nang hkam la lu na ndai. Kaga nang naw ra ai lam ngai hpe tsun dan rit, dai hpe nang hkam la lu na rai ndai,” ngu nna tsun wu ai.

MARKU 6:23

Dai hta n-ga, “Nang ngai kaw hpyi mahpyi, nye a mungdan ka-ang hkup du hkra pyi ngai nang hpe jaw na de ai,” ngu nna law law dagam tsun wu ai.

LUKA 18:41

“Ngai nang hpe hpa di ya na, nang ra n ta?,” ngu nna shi hpe san wu yang, dai wa gaw, “Madu e, ngai myi bai mu mayu nngai,” ngu wu ai.

KASA 23:19

Shaloi hpyen du kaba gaw shi hpe lata dun nna, shim ai shara de she woi bang nhtawm, “Nang ngai hpe hpa tsun mayu n ta?,” ngu nna lagyim san yu wu ai.