ESHTA 5:11 - Jinghpaw Common Language Bible 2009

¹¹ Shi gaw shanhte hpe shi gade sut su nga ai lam hpe mung, shi lu ai shadang sha ni gade daram law nga ma ai hpe mung, hkawhkam wa shi hpe gade wa shagrau shatsaw da sai lam hpe mung, kaga hkawhkam wa a du salang ni hta shi hpe gade daram ahkyak tawn ai lam hpe mung tsun shakawng dan wu ai.

Jinghpaw Hanson Version Bible

¹¹ Shing rai, Haman gaw, shi sutgan kaba ai lam mung, kashu kasha law ai lam mung, hkawhkam wa shi hpe kaba shangun nna, hkawhkam a du salang ni hte ali ama ni a ntsa e, shi hpe shagrau shatsaw da ai lam mahkra mung, shanhte a man e hkai dan mu ai.

ESHTA 5:11 ပူးပေါင်းရင်းမြစ်များ

NINGPAWT NINGHPANG 31:1

Laban a shadang sha ni gaw, “Anhte a kawa madu da ai sut gan nga manga hpe Yaku e la kau ya nu ai; shi a sut gan lu malu yawng mung wa a marang e, lu su wa salu ai,” ngu nna tsun shajang nga ma ai hpe Yaku na wu ai.

ESHTA 1:4

Shi gaw shi a hkawhkam mungdan ting hte seng ai hkaw wang na sut gan ni hte dai ni a hkik hkam ai lam hte daru magam kaba htum ai arawng sadang ni hpe shata kru ting madun dan wu ai.

ESHTA 3:1

Ya aten ram ram na jang, Hkawhkam Ahasuru wa gaw Haman mying ai wa hpe hkringmang daju arawng aya hta shagrau shatsaw da wu ai. Haman gaw Agag amyu matu Hamedahta a kasha rai nga ai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

SHAKAWN KUNGDAWN 49:7

Masha gaw shi a hkum hpe shi nan galoi mung hkrang la lu ai n rai; shi gaw Karai Kasang hpe shi a bunglat n jaw lu nga ai.

SHAKAWN KUNGDAWN 52:9

Karai Kasang e, nang galaw dan sai amu magam ni a majaw ngai tut nawng e, chyeju dum nga na nngai; na a amyu masha ni a man e, nang mai kaja nga ndai hpe ngai htawn tsun na nngai.

ESAIA 10:8

Shi gaw, “Nye a hpyen du shagu hte gaw hkawhkam rai masai!

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

MARKU 10:24

Sape ni mahtang dai ga ni a majaw mau kajawng nga ma ai, rai ti mung Yesu matut nna shanhte hpe tsun mu ai gaw, “Ngai sha ni e, Karai Kasang a mungdan hta shang na gade wa yak la nga a hka!

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.