ESHTA 5:10 - Jinghpaw Common Language Bible 2009

¹⁰ Rai ti mung shi hkum shi masin dip kau let nta de wa mat wa wu ai. Dai hpang shi a manaw manang ni hpe shi a nta de saw shaga la nga ai; shi a madu jan Zeresha mung shanhte hte rau shang lawm na matu shaga da nga ai.

Jinghpaw Hanson Version Bible

¹⁰ Rai timung Haman gaw shi a myit dip kau let, nta de wa nna, jinghku jing-yu ni hte madu jan Zeresha hpe shaga mu ai.

ESHTA 5:10 ပူးပေါင်းရင်းမြစ်များ

NINGPAWT NINGHPANG 45:1

Yosep mung shi a hkam sha ai lam, shi a shangun ma ni a man e n sharang da lu nu ai rai nna, shanhte yawng hpe gawk kaw na pru mat wa na matu hkang dat wu ai. Yosep gaw shi a kahpu kanau ni hpe shi kadai rai nga ai lam tsun dan wu ai shaloi, masha kaga kadai mung shi kaw n nga ma ai.

ESHTA 5:11

Shi gaw shanhte hpe shi gade sut su nga ai lam hpe mung, shi lu ai shadang sha ni gade daram law nga ma ai hpe mung, hkawhkam wa shi hpe gade wa shagrau shatsaw da sai lam hpe mung, kaga hkawhkam wa a du salang ni hta shi hpe gade daram ahkyak tawn ai lam hpe mung tsun shakawng dan wu ai.

ESHTA 6:13

Shi gaw shi hta byin mabyin lam mahkra hpe shi a madu jan hte shi a manaw manang ni yawng hpe wa tsun dan wu ai. Shaloi madu jan hte hpaji rawng ai shi a manang ni gaw shi hpe, “Nang gaw Yuda masha Mordehkai a man e n-gun sum hpang wa nga ndai majaw shi hpe dang lu na n rai. Shi chyawm gaw nang hpe teng teng dang kau na ra ai,” ngu nna tsun mu ai.

HPAJI NINGLI 7:9

Na a myit hkang u; masin kahtet ai gaw angawk angak amu rai nga ai.