ESHTA 5:1 - Jinghpaw Common Language Bible 2009

¹ Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

Jinghpaw Hanson Version Bible

¹ Ya, masum ya e rai yang, Eshta gaw, shi a hkawhkam jan hpun palawng sumraw nna, hkawhkam htingnu tawtap, hkawhkam htingnu a kata wang e tsap nga ai; hkawhkam wa gaw, htingnu a chyinghka lam tawtap na, hkawhkam htingnu kata e, shi a hkawhkam tingnyang hta dung nga ai.

ESHTA 5:1 ပူးပေါင်းရင်းမြစ်များ

ESHTA 1:11

Shi gaw shanhte hpe hkawhkam jan Washti hkawhkam janmau gup let shi hpang de jashawn la na matu hkang dat wu ai. Hkawhkam jan gaw ahpraw tsawm ai num rai nna shi a du salang ni hte saw shaga da ai manam ni yawng a man e shi a tsawm htap ai ahpraw hpe madun dan na hkawhkam wa ra sharawng nga ai.

ESHTA 2:5

Dai Susa mare hta e Yaira a kasha Mordehkai mying ai Yuda masha langai nga nga ai; Shi gaw Benyamin amyu bawsang hta na Kisha hte Shime a amyu matu langai mi rai nga ai.

ESHTA 4:11

“Numsha lasha kadai rai ti mung hkawhkam wa n shaga ai sha kata wang de hkawhkam wa hpang de shang ai rai yang, dai wa si lu na rai nga ai. Dai gaw tara rai nga ai hpe hkawhkam wa a hpaji jaw ni kaw nna mungdaw ni de nga ai masha ni de du hkra, masha shagu dai lam hpe chye da nga ma ai. Ndai lam langai mi hku nna sha, ndai tara hpe koi yen lu na lam nga nga ai: dai gaw hkawhkam wa shi a ja sumdoi ladawn ai rai yang, marai langai ngai asak jahkrung da ai hkrum nga ai. Ngai rai ti mung, hkawhkam wa ngai hpe shaga ai gaw shata mi sha naw rai nga ai.”

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

ESHTA 4:17

Dai hpang Mordehkai gaw pru mat wa nhtawm Eshta shi hpe hkan galaw na matu matsun dat ai hte maren galaw wu ai.

ESHTA 6:4

Hkawhkam wa gaw, “Hkawhkam htingnu kata e nye a du salang ni kadai wa nga nga a ta?,” ngu nna san wu ai. Mordehkai hpe masha sat ai shara hta noi da na matu ya jin jin di da nna dai lam hkawhkam wa hpe sa san na nga, ya sha wang kata de Haman shang wa sai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

MAHTE 11:8

Mani tsawm ai bu hpun palawng bu hpun ai ni gaw Hkawhkam htingnu hta nga ma ai.

MAHTE 27:64

Dai majaw shi a sape ni shi hpe sa lagu la nhtawm, ‘Si mat ai kaw na bai hkrung rawt wa sai ngu nna shawa masha ni hpe n tsun lu hkra, masum ya nhtoi tup dai lup hpe sin nga mu ga,’ hkang da u: shing n rai yang gaw, shawng na masu hkalem ai lam hta hpang na mahtang grau sawng na ra ai,” ngu mu ai.

LUKA 22:30

Nye a mungdan hta, nye a sha ku e nanhte ngai hte rau lusha lu na marin dai hte tingnyang ni hta dung nna Israela amyu shi lahkawng hte hpe up nga lu na marin dai.

SHINGRAN 3:21

Ngai awng padang lu nna nye Wa a tingnyang makau e shi hte rau dung nga lu ai zawn, awng padang lu ai wa gaw nye a tingnyang makau e ngai hte rau dung nga lu na ahkang ngai jaw na we ai.