ESHTA 4:6 - Jinghpaw Common Language Bible 2009

⁶ Hahtat gaw hkawhkam htingnu de shang wa ai chyinghka na mare htingwan e nga ai Mordehkai hpang de sa du wu ai.

Jinghpaw Hanson Version Bible

⁶ Shing rai Hahtak gaw, hkawhkam chyinghka ndaw na, mare htingwang e nga ai, Mordehkai hpang de sa du ai.

ESHTA 4:6 ပူးပေါင်းရင်းမြစ်များ

ESHTA 4:3

Hkawhkam wa a ndau shabra ai Tara Laika du sai mungdaw shagu hta Yuda masha ni ja ja sharung shayawt nga ma ai. Shanhte gaw lusha gam, hkrap ngu hkrap ngoi ai hte yawn hkyen hkrum ma ai; shanhte law malawng hte gaw lachyit sumpan bu hpun nna dap shingmun hta kaleng taw ma ai.

ESHTA 4:5

Shaloi Eshta gaw hkawhkam wa shi a matu nga nna san da ya ai hkawhkam htingnu na unuk langai rai nga ai shi a shangun ma Hahtat hpe shaga la nhtawm hpa baw byin nga ai lam hte hpa majaw byin wa ai lam ni hpe san yu na matu Mordehkai hpang de sa tsun shangun wu ai.

ESHTA 4:7

Mordehkai gaw shi hta hkrum hkra ai lam magup hpe mung, Yuda masha ni yawng hpe sat shagrawm kau lu ai rai yang, hkawhkam sut dek hta gumhpraw gade bang na ngu nna Haman ga sadi jaw da sai lam hpe mung shi hpe tsun dat wu ai.

ESHTA 7:2

lahkawng lang ngu na rau lu rau sha nga ma ai. Sabyi lu poi ngut jang, hkawhkam wa gaw Eshta hpe, “Hkawhkam jan Eshta e, ya nang hpa ra n ta? Dai hpe nang hkam la lu na rai nga ndai majaw ngai hpe tsun dan rit. Mungdan chyen mi hpe pyi nang hpe ngai jaw ya lu na nngai,” ngu nna bai tsun wu ai.

ESHTA 9:12

Shaloi shi gaw hkawhkam jan Eshta hpe, “Susa mare hta sha Yuda masha ni masha manga tsa hte hpawn Haman a shadang sha shi hte hpe sat kau nga ma ai. Dai rai yang kaga mungdaw ni hkan shanhte hpa mi naw galaw kau nga manu ai kun? Ya nang hpa ra n ta? Nang hkam la lu na ndai. Kaga nang naw ra ai lam ngai hpe tsun dan rit, dai hpe nang hkam la lu na rai ndai,” ngu nna tsun wu ai.