ESHTA 4:4 - Jinghpaw Common Language Bible 2009

⁴ Eshta a shangun ma numsha ni hte unuk ni gaw Mordehkai hpa galaw nga ai lam shi hpe tsun dan ma ai shaloi, shi nachying myit yawn nga ai. Lachyit sumpan a malai bu hpun palawng nkau mi galai hpun na matu Eshta shi hpe shagun ya wu ti mung, dai ni hpe shi n hkap la nga ai.

Jinghpaw Hanson Version Bible

⁴ Eshta a shingnan num ni hte shi a gawk sin ai ni gaw dai lam shi hpe sa tsun dan ai majaw, hkawhkam jan gaw nachying myit yawn ai hte, Mordehkai a lachyit nba galai kau na matu, shi hpang de hpun palawng shagun dat timung, shi hkap la ai, n rai.

ESHTA 4:4 ပူးပေါင်းရင်းမြစ်များ

NINGPAWT NINGHPANG 37:35

Shi a shadang sha ni hte shayi sha ni yawng mung shi hpe shalan shabran na nga, rawt sa wa ma timung, shi chyawm gaw shalan shabran hkrum na hpe n kam hkam la wu ai rai nna, “Ngai gaw nye kasha a matu sharung shayawt ai hte katsan ga de yu mat wa na ni ai,” ngu nna tsun wu ai. Dai rai nna shi a kasha Yosep a matu matut nna sharung shayawt nga wu ai.

2 HKAWHKAM 9:32

Yehu gaw ntsa de mada yu nhtawm, “Nye maga de kadai ni nga nga myit ta?,” ngu nna jahtau tsun dat wu ai. Shaloi hkawhkam htingnu kata de na du salang lahkawng masum mi hkuwawt hku kaw nna shi hpe gum yu ma ai.

ESHTA 1:12

Rai ti mung shangun ma ni hkawhkam wa hkang dat ai ga, hkawhkam jan Washti hpe tsun dan mu yang shi n pru sa hkraw nga ai. Dai lam a majaw hkawhkam wa hpe masin kahtet shangun nga ai.

ESHTA 4:3

Hkawhkam wa a ndau shabra ai Tara Laika du sai mungdaw shagu hta Yuda masha ni ja ja sharung shayawt nga ma ai. Shanhte gaw lusha gam, hkrap ngu hkrap ngoi ai hte yawn hkyen hkrum ma ai; shanhte law malawng hte gaw lachyit sumpan bu hpun nna dap shingmun hta kaleng taw ma ai.

ESHTA 4:5

Shaloi Eshta gaw hkawhkam wa shi a matu nga nna san da ya ai hkawhkam htingnu na unuk langai rai nga ai shi a shangun ma Hahtat hpe shaga la nhtawm hpa baw byin nga ai lam hte hpa majaw byin wa ai lam ni hpe san yu na matu Mordehkai hpang de sa tsun shangun wu ai.

SHAKAWN KUNGDAWN 77:2

Ngai gaw Ru tsang hkrum ai aten ni hta, Madu hpe akyu hpyi nngai; shana tup ngai gaw nye a lata ni hpe sharawt nna akyu hpyi ai, rai ti mung, shalan shabran ai lam hpe ngai n mu lu nngai.

ESAIA 56:3

Dai Madu a amyu masha ni kaw hkan nga sai maigan masha wa gaw, “Dai Madu gaw ngai hpe shi a amyu masha ni hte rau n nawku shangun na re,” nga nna n tsun hkrup u ga. Unuk gaw shi hta kashu kasha n lu sai, shi gaw galoi mung Karai Kasang a amyu masha daw chyen mi pyi n tai lu na sai, ngu nna galoi mung n myit la mai ang nga ai.

YEREMIA 31:15

Dai Madu gaw, “Rama shara hta nsen langai na lu nga ai, dai nsen gaw ja ja hkrap agru ai nsen rai nga ai. Rahkela gaw shi a kashu kasha ni a matu hkrap shabam nga ai; shanhte n nga mat masai, shi gaw shalan shabran na hpe ningdang nga ai.

KASA 8:27

Shaloi Hpilip hkyen la nna rawt sa wa ai. Ya yu mu, Ehtiopi mung up ai Hkawhkam num Kandake a man e ahkang kaba lu nna sutgan yawng up sin ya ai Ehtiopi unuk langai mi gaw shi a nta de wa nga ai. Shi gaw Karai Kasang hpe nawku daw jau na matu Yerusalem de sa du nga ai.

1 SAMUELA 8:15

Nanhte a nsi naisi hte sabyi htam shi hta na htam mi hpe shi a tara rung na du salang ni hte kaga du salang ni a matu hta la na rai wu ai.