ESHTA 4:3 - Jinghpaw Common Language Bible 2009

³ Hkawhkam wa a ndau shabra ai Tara Laika du sai mungdaw shagu hta Yuda masha ni ja ja sharung shayawt nga ma ai. Shanhte gaw lusha gam, hkrap ngu hkrap ngoi ai hte yawn hkyen hkrum ma ai; shanhte law malawng hte gaw lachyit sumpan bu hpun nna dap shingmun hta kaleng taw ma ai.

Jinghpaw Hanson Version Bible

³ Hkawhkam a hkang dat ai tara laika du ai mungdaw shagu hta e, Yuda masha ni gaw, lusha gam let, hkrap ngu hkrap ngoi, sharung shayawt ai hte myit yawn hkyen nga ma ai: law law wa mung, wan dap hta galu ai lachyit nba hta, kaleng taw nga ma ai.

ESHTA 4:3 ပူးပေါင်းရင်းမြစ်များ

ESHTA 1:1

Hkawhkam Ahasuru gaw Persi mung a mare daju Susa hta nga ai shi a hkawhkam tingnyang ntsa e hkaw dung let India mung kaw nna Ehtiopi mung du hkra, mungdaw 127 hpe up hkang nga ai.

ESHTA 3:12

Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

ESHTA 4:16

“Sa nna Susa mare hta nga ai Yuda masha ni yawng hpe jahpawng tawn u; lusha gam let nye a matu akyu hpyi ya mi. Masum ya tup shani shana hpa mung hkum lu hkum sha nga myit. Nye a shangun ma numsha ni hte ngai mung dai hte maren galaw na ga ai. Dai hpang tara tawt lai ti mung hkawhkam wa hpang de ngai shang na nngai. Ndai amu galaw ai a majaw ngai si lu na rai yang mung si na nngai.”

ESHTA 4:2

hkawhkam htingnu chyinghka de shi shang wa ai aten du hkra hkrap agru nga ai. Lachyit sumpan bu hpun ai wa kadai mung kata de shang na ahkang n lu ai majaw shi kata de n shang lu nga ai.

ESHTA 4:4

Eshta a shangun ma numsha ni hte unuk ni gaw Mordehkai hpa galaw nga ai lam shi hpe tsun dan ma ai shaloi, shi nachying myit yawn nga ai. Lachyit sumpan a malai bu hpun palawng nkau mi galai hpun na matu Eshta shi hpe shagun ya wu ti mung, dai ni hpe shi n hkap la nga ai.

ESHTA 9:31

yawn hkyen ai aten hte lusha gam ai aten hpe hkan sa na matu htung tara hpe shanhte galaw lai wa sai hte maren, shanhte a amyu matu ni hpe htap htuk ai aten hta Purim poi hkan galaw na shanhte hpe matsun madun da nga ai. Dai lam hpe Mordehkai hte hkawhkam jan Eshta yan hkang da nga ai.

YOBA 2:8

Yoba gaw Shi a krwi jap ni hpe ahkut kau na nga, di chyen langai mi la nna shanut sumpum makau e sa dung nga ai.

ESAIA 22:12

Chyahtum Chyalai N-gun rawng ai Tsaw Htum ai dai Madu gaw nang hpe hkrap ngu hkrap ngoi ai, sharung shayawt ai, na a baw shangun na hte lachyit nba hpun na matu htet da nga ai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 58:5

Nanhte lusha gam ai shaloi, nanhte a baw ni hpe tsingdu lap langai zawn gum dagup nna lachyit nba hpyan da let wan dap e galwi ai hku, nanhte a hkum ni hpe nni nkri hkrum shangun nga myit dai. Dai gaw lusha gam ai re ngu myit nawn da wu ni? Ngai gaw dai zawn re ai hpe awng sharawng nga ai ngu nanhte myit nawn da wu ni?

EZEKELA 27:30

Shanhte yawng gaw na a matu ahkup ahka nga hkra sharung shayawt nga ma ai, Shanhte a baw ni hta nhpu hte bun nna dap ni hta galu nga ma ai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

YONA 3:6

Ninewe hkawhkam wa mung dai lam na ai shaloi, shi a hkawhkam tingnyang na rawt nhtawm lachyit nba bu hpun let dap hkun e dung nga ai.

MAHTE 13:42

wan htung hta kabai bang da na maru ai rai nna, dai yang e hkrap ngu hkrap ngoi ai hte wa udik rai na mara ai.

MAHTE 22:13

Shaloi dai Hkawhkam wa gaw, shi a ali ama ni hpe, ‘Shi a lagaw lata gyit hkang nna shinggan de na nsin de jahkrat bang kau mu,’ ngu wu ai. Dai yang e hkrap ngu hkrap ngoi ai hte wa udik ai hte nga ra na ra ai.”

MAHTE 25:30

Dai akyu n rawng nna n hkaw ai mayam hpe gaw shinggan na nsin sin ai de shaden shapraw kau u: dai shara e shi gaw hkrap ngu hkrap ngoi ai hte wa udik urin rai na ra ai,’ ngu nna jeyang nu ai.

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.

1 SAMUELA 11:4

Shaloi kasa ni gaw Shawlu nga ai Gibea mare de du nna dai shiga tsun dat mu yang, amyu masha ni myit htum mat ai hte hkrap shajang ma ai.