ESHTA 4:14 - Jinghpaw Common Language Bible 2009

¹⁴ Ndai zawn re ai aten hta nang atsin sha nga ai rai n yang gaw, sumsing lamu kaw nna karum la ai lam, Yuda masha ni a matu pru wa nna shanhte nlang hkye mawai la ai hkrum ti mung nang chyawm gaw si na rai ndai; na nwa a dinghku mung htum mat na mara ai. Ti mung ndai zawn re ai aten hta nang hkawhkam jan shatai la hkrum nga nit dai gaw kadai wa chye nga a hka!”

Jinghpaw Hanson Version Bible

¹⁴ Ndai aten e nang atsin sha nga n yang gaw, kaga Yuda masha ni a matu lawt pru shara hku dam timung, nang hte na nwa a nta masha ni gaw, si na mara ai: ndai aten e ning re ai amu gun hpai lu na matu, nang hkawhkam jan tai lu ai, nawn shara nga ai, n rai ni?” ngu nna ga htan dat wu ai.

ESHTA 4:14 ပူးပေါင်းရင်းမြစ်များ

NINGPAWT NINGHPANG 22:14

Abraham mung dai shara hpe, “Dai Madu karum ai,” ngu nna shamying wu ai. Dai ni na amyu masha ni pyi,” Dai Madu a bum ntsa e, shi karum la ai,” ngu nna tsun ma ai.

2 HKAWHKAM 13:5

Dai Madu gaw Suri masha ni a lata kaw nna shanhte hpe shalawt dat na ningbaw langai Israela hpang de shangun dat ya wu ai rai nna, shawng de na zawn ngwi pyaw sim sa ai hte shanhte shanu nga lu ma ai.

2 HKAWHKAM 19:3

Da ndai gaw Esaia hpe sa jaw na, shi shanhte hpe tsun dat ai ga rai nga ai: “Dai ni gaw nni nkri hkrum ai shani rai nga ai. Anhte gaw asawng asang hkrum let ari jaw hkrum nga saga ai. Ma shangai na nhtoi gu ti mung shangai lu na matu n-gun grai kya nga ai numsha langai zawn rai nga saga ai.

EZRA 9:9

Anhte gaw mayam ni rai nga ga tim, nang gaw anhte hpe mayam amu hta kau da nga ndai n rai. Yuda mung hte Yerusalem mare hta shim lum ai lam mu tam la nhtawm matut nna shanu nga lu na ahkang mung, hten run mat sai na a Nawku Htingnu hpe bai gaw gap na matu mung, Persi hkawseng a jaw e nang anhte hpe myi man pa shangun nga nit dai.

NEHEMIA 6:11

Ngai gaw, “Ngai gaw dai zawn hprawng makoi ai baw masha n rai nngai. Nye a asak hpe Nawku Htingnu kata hta makoi let hkye mawai la shakut na zawn nang myit nawn da wu ni? Ngai gaw dai zawn n galaw na nngai,” ngu nna htan wu ai.

ESHTA 2:15

Kasha zawn yin la sai hte Mordehkai a kanau daw ai Abihala a shayi sha Eshta gaw hkawhkam wa kaw pru sa wa na aten du ai shaloi, Eshta hpe mu mamu ni shi hpe shakawn shagrau nga ma ai. Shing rai shi a aten du jang shi bu hpun na matu numsha ni a nta woi hpareng ai Hegai unuk shi hpe hpaji jaw ai hku sha, shi bu hpun sumraw nga ai.

ESHTA 2:17

Dai hkawhkam wa gaw kaga numsha ni kadai hta mung shi hpe grau yu ra nga ai rai nna, kaga ni hta grau nna myi man pa ai hte tsaw ra ai lam hkam la lu nga ai. Hkawhkam wa gaw shi hpe hkawhkam janmau gup ya nhtawm Washti a shara hta shi hpe hkawhkam jan shatai da wu ai.

ESHTA 2:7

Shi hta kasha daw ai Hebre hku Hadasa mying ai Eshta nga nga ai; dai numsha gaw ahpraw nsam tsawm nna hkum shingyan htap nga ai. Kanu kawa si mat ai hpang Mordehkai gaw shi hpe shi a shayi sha majing zawn bau kaba dat wu ai.

ESHTA 4:13

ndai shadum jahprang ga hte shi hpang de shana dat wu ai: “Hkawhkam htingnu kata e nang nga nga ndai majaw kaga Yuda masha ni hta grau nna nang shim lu nga ai ngu nna hkum sawn la nga et.

ESHTA 4:15

Eshta gaw Mordehkai hpang de ning ngu bai htang dat wu ai:

YOBA 9:18

Shi ngai hpe nsa awai la shangun ai n rai; shi gaw nye a asak hpe ahkup ahka nga ai hte jahpring ya nga ai.

HPAJI NINGLI 3:7

gang je kau ai aten hte kapa ai aten hpe mung, atsin sha nga ai aten hte ga tsun na aten hpe mung masat da ya nga ai.

ESAIA 49:23

Hkawhkam ni gaw na a matu kawa ni zawn tai na mara ai; hkawhkam jan ni gaw kanu ni zawn tai na mara ai. Shanhte gaw na a man e gum dagup ai hte nang hpe shagrau sha-a na mara ai; shanhte gaw shagrit shanem ai hte nang hpe hkrit hkungga lam madun na mara ai. Dai hpang nanhte gaw ngai nan dai Madu rai nga nngai hpe chye na marin dai; nye a karum la lam ala nga ai ni kadai mung myit daw hten ai hkrum na ra ai n rai.”

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

YEREMIA 30:11

Ngai gaw nanhte kaw du sa nna hkye la na nngai. Ngai gaw nanhte hpe shabra kau dat ai shara na masha amyu baw ni yawng hpe shamyit kau na nngai, rai ti mung, ngai gaw nanhte hpe shamyit kau na nngai n rai. Ngai gaw nanhte hpe ari n jahkrum ai sha dat dat na n rai; rai ti mung ngai nanhte hpe ari jaw ai shaloi, matsan dum la na nngai. Dai Madu ngai nan tsun ni ai.”

YEREMIA 46:28

Ngai gaw nanhte kaw sa nna hkye la na nngai. Ngai nanhte hpe shabra kau dat ai mungdan na masha amyu baw yawng hpe ngai jahten kau na nngai. rai ti mung, ngai nang hpe jahten kau na n rai. Ngai gaw nanhte hpe ari n jaw ai sha dat dat na n rai; rai ti mung, ngai nang hpe ari jaw ai shaloi, ngai gaw teng man rap ra nga na nngai. Dai Madu ngai nan tsun ni ai.”

JAW JAU 26:42

ngai mung Yaku, Isak hte Abraham ni hte tawn da ai ga shaka hpe dum nga na nngai. Dai mung na nye a amyu masha ni hpe jaw na nye a ga sadi hpe ningnan bai shagrin da na nngai.

MAHTE 16:18

Bai, nang hpe ngai tsun de ga, lunghkrung ngu ai lachyum pru ai Petru rai nga ndai hte dai lunghkrung ngu ai npawt nhpang ntsa e nye a hpung hpe ngai de da na we ai rai nna, si hkrung si htan pyi gaw dai hpe dang kau lu na n rai.

MAHTE 24:22

Karai Kasang gaw dai nhtoi ni hpe shayawm kau nu ai; shi shing n di yang gaw, kadai mung hkrung nga lu na ra ai n rai. Rai ti mung shi a lata la ai masha ni a matu mara, Karai Kasang gaw dai nhtoi ni hpe shayawm kau na ru ai.

TARA JAHPRANG 32:36

Shanhte n-gun htum mat ai hpe shi mu ai shaloi, dai Madu gaw shi a amyu masha ni hpe hkye mawai la na ra ai. Shanhte hpe karum la na masha n nga ai hpe shi mu ai shaloi, shi gaw shi hpe daw jau ai ni hpe matsan dum ai myit madun dan na ra ai.

TARA AGYI 15:6

Hpilisti masha ni gaw ndai amu hpe kadai wa galaw kau nu ai hpe san ma ai shaloi, Timna mare na katsa wa gaw Samson a madu jan hpe Samson a manang wa a lata de jaw ya wu ai majaw Samson gaw ndai amu hpe galaw kau nga nu ai hpe shanhte chye ma ai. Shaloi Hpilisti masha ni sa nna dai numsha hpe mung, kawa a nta hpe mung nat kau ya ma ai.

1 SAMUELA 12:22

Dai Madu gaw kangka ai ga sadi shaka da nu ai hte maren, nanhte hpe shi a amyu masha majing shatai na, shi daw dan da nu ai majaw, shi nanhte hpe kau da na n rai.

1 SAMUELA 17:29

Dawi gaw, “Ya ngai hpa galaw shut kau sata? Shing ngu nna sha pyi ngai n mai san a ni?,” ngu nna san wu ai.