ESHTA 4:1 - Jinghpaw Common Language Bible 2009

¹ Shing rai byin ai lam yawng hpe Mordehkai chye ai shaloi, dai nni nkri a majaw shi a hpun palawng ni hpe gang je kau wu ai. Dai hpang lachyit sumpan hpe bu hpun nhtawm shi a baw hpe dap hte bun nna mare hku lai wa nhtawm nsen kaba hte ahkup ahka ngu hkam sha let,

Jinghpaw Hanson Version Bible

¹ Dai byin wa ai lam mahkra hpe Mordehkai chye jang, shi a hpun nba gang je kau nhtawm, wan dap hta galu ai lachyit nba bu hpun let, mare ka-ang de sa du nna, nsen kaba hte hkrap ngu hkrap ngoi wu nga ai:

ESHTA 4:1 ပူးပေါင်းရင်းမြစ်များ

NINGPAWT NINGHPANG 27:34

Dai lam hpe Esaw na jang, ja ja jahtau hkrap let, “Wa e, na a shaman ga ngai hpe mung jaw e law!,” ngu nna hpyi wu ai.

NINGPAWT NINGHPANG 37:34

Yaku gaw yawn hkyen ai hte shi a hpun palawng ni hpe gang je kau nhtawm lachyit nba lawai da wu ai. Shi gaw shing rai hkrum hkra sai kasha a matu nhtoi na na wa sharung shayawt nga wu ai.

2 SAMUELA 1:11

Dawi gaw yawn hkyen ai hte shi a palawng ni hpe gang je kau nga ai rai nna shi a masha ni yawng mung dai hte maren galaw ma ai.

2 SAMUELA 13:19

Tama gaw shi a baw hta dap hte bun let shi a palawng galu gang je kau nhtawm myi man hpe lata hte magum nna hkrap let wa mat wa wu ai.

ESHTA 4:2

hkawhkam htingnu chyinghka de shi shang wa ai aten du hkra hkrap agru nga ai. Lachyit sumpan bu hpun ai wa kadai mung kata de shang na ahkang n lu ai majaw shi kata de n shang lu nga ai.

ESHTA 4:3

Hkawhkam wa a ndau shabra ai Tara Laika du sai mungdaw shagu hta Yuda masha ni ja ja sharung shayawt nga ma ai. Shanhte gaw lusha gam, hkrap ngu hkrap ngoi ai hte yawn hkyen hkrum ma ai; shanhte law malawng hte gaw lachyit sumpan bu hpun nna dap shingmun hta kaleng taw ma ai.

YOBA 1:20

Dai hpang Yoba gaw rawt tsap nna shi a hpun palawng ni hpe yawn hkyen ai hte gang je kau wu ai. Shi a baw shangun kau let ga de myi man yawng nhtawm gum dagup nga ai.

YOBA 2:8

Yoba gaw Shi a krwi jap ni hpe ahkut kau na nga, di chyen langai mi la nna shanut sumpum makau e sa dung nga ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

ESAIA 15:4

Heshbon hte Eleale masha ni jahtau hkrap ma ai rai nna, shanhte a marawn hkrap ai nsen hpe Yahaza mare du hkra na lu nga ai. Hpyenla ni mung hkrit gari ma ai; shanhte a nden marai mung n nga mat masai.

ESAIA 22:4

Ya chyawm gaw si mat wa sai nye a amyu masha ni yawng a jaw e ahkup ahka nga hkra hkrap sharung na matu ngai hpe sha tawn da mi. Ngai hpe shalan shabran hkum rai myit.

ESAIA 37:1

Hkawhkam Hezekia gaw shanhte a htawn dan ai shiga na ai hte rau shi gaw shi a hpun palawng ni hpe yawn madai ai hte gang je kau nhtawm lachyit nba bu hpun let, dai Madu a Nawku Htingnu de sa wu ai.

ESAIA 37:2

Shi gaw hkawhkam htingnu hpareng rai nga ai Eliakim, hkaw wang amu madu Shebna hte myit su hkinjawng salang ni hpe Amot a kasha Esaia hpang de shangun dat wu ai. Shanhte yawng gaw lachyit nba hpun ma ai.

ESAIA 58:5

Nanhte lusha gam ai shaloi, nanhte a baw ni hpe tsingdu lap langai zawn gum dagup nna lachyit nba hpyan da let wan dap e galwi ai hku, nanhte a hkum ni hpe nni nkri hkrum shangun nga myit dai. Dai gaw lusha gam ai re ngu myit nawn da wu ni? Ngai gaw dai zawn re ai hpe awng sharawng nga ai ngu nanhte myit nawn da wu ni?

EZEKELA 21:11

Nhtu gaw kabrim nga ai, dai hpe lang na jin jin rai nga sai. Masha sat ai wa a lata hta ap ya na matu dai nhtu hpe kabrim hkra garang shadai da nga sai.

EZEKELA 21:6

“Si chye ai masha wa e, na a myit masin gaw myit daw myit hten nga ai zawn madai nga u. Masha shagu nang hpe mu mada ai shara ni hta yawn hkyen ai hte madai nga u.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

MIHKA 1:8

Dai hpang, Mihka gaw, “Ndai lam a majaw, ngai gaw sharung shayawt ai hte yawn madai nga nngai. Nye a yawn hkyen ai hpe madun dan na matu, lagaw kaman hte singgu krin hkawm kayin na nngai. Ngai gaw ga gwi zawn hkrap shabam nna u gawla-uk zawn ngoi na nngai.

ZEHPANI 1:14

Dai Madu a galu kaba ai nhtoi gaw ni wa ra ai; dai gaw grai ni wa ai hte grai lawan du wa nga ai! Dai shani gaw ahkup ahka nga na ra ai, dai sharung shayawt ai nhtoi shani e, share shagan ai hpyenla ni pyi myit htum ai hte marawn jahtau wa na mara ai!

MAHTE 11:21

“O, Kurazin e, nang dingnye lu ndai! O, Betsaida e, nang dingnye lu ndai! Hpa majaw nga yang, nan hta dan ai mauhpa magam bungli ni hpe Turu hte Sidon mare yan hta dan yu taw gaw moi moi me lachyit nba hpun, dap hta galwi rai nna myit malai lu boi na masai.

KASA 14:14

Ya dai masha ni hpa galaw maw nga ai hpe Barnaba yan Pawlu na jang tinang a hpun palawng gang je kau let, shawa hpawng ka-ang de gat shang nhtawm,

YAWSHU 7:6

Yawshu hte Israela ningbaw ni gaw lahpawt dum ai myit hte yawn hkyen let shanhte a hpun palawng ni hpe gang je kau nhtawm dai Madu a Ga Shaka Sumpu man e galeng nga nna, shanhte a baw hta nhpu hte bun nhtawm shana de du hkra yawn hkyen ai kumla madun nga ma ai.

SHINGRAN 11:3

Bai, nye a sakse yan lahkawng hpe ngai shangun dat na mawe ai rai nna, shan gaw lachyit nba bu hpun let nhtoi 1,260 ya tup Karai Kasang a mungga hpe myihtoi ga hku hkaw tsun na mara ai.