ESHTA 3:9 - Jinghpaw Common Language Bible 2009

⁹ Madu hkawhkam wa e, nang ra sharawng ndai rai yang, shanhte sat kau ai hkrum lu na rai mu ai, ngu nna daw dan ai aming htuk shapraw ya u ga; dai hku nang galaw ndai rai yang, hkawseng mungdan up hkang ai amu a matu hkawseng sut dek hta gumhpraw tan 375 hta n-ga, ngai bang da ya lu na nngai ngu, ngai pahkam hkam nngai,” ngu nna tsun wu ai.

Jinghpaw Hanson Version Bible

⁹ Hkawhkam wa hkraw n yang gaw, shanhte hpe sat shagrawm kau na nga, hkang dat ai laika ka u ga; ngai mahtang, hkawhkam a sutdek ni hta, bang da na matu, hkawhkam a amu galaw ai ni a lata hta, gumhpraw joi sen mi ap ya na nngai,” ngu wu ai.

ESHTA 3:9 ပူးပေါင်းရင်းမြစ်များ

NINGPAWT NINGHPANG 23:16

Abraham mung myit hkrum ai hte na lawm ai masha ni a man e Ehpron tsun hpaw sai manu hpe hpaga ni jai lang ai gumhpraw mali tsa, shi hpe shen ya wu ai.

ESHTA 3:10

Hkawhkam wa ndau shabra ai lam tai na matu dazik dawk shakap yang lang ai shi a lachyawp raw la nna Yuda masha ni a gumlau hpyen rai nga ai Agag amyu matu na Hamedahta a kasha Haman hpe jaw wu ai.

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

ESHTA 4:7

Mordehkai gaw shi hta hkrum hkra ai lam magup hpe mung, Yuda masha ni yawng hpe sat shagrawm kau lu ai rai yang, hkawhkam sut dek hta gumhpraw gade bang na ngu nna Haman ga sadi jaw da sai lam hpe mung shi hpe tsun dat wu ai.

ESHTA 7:4

Nye a amyu masha ni hte ngai gaw sat shamyit kau hkrum na matu, dut kau ai hkrum nga saga ai. Mayam tai na matu dut kau hkrum ai hta hpa mung grau n sawng ai rai yang, ngai atsin sha nga nna dai hte seng ai lam nang hpe n sharu shatsang na nngai; rai ti mung anhte gaw shamyit kau hkrum na matu ri ri sha rai nga saga ai-atsai awai sat shagrawm kau hkrum na saga ai!,” ngu nna htan wu ai.

Daniela 3:8

Dai hpang Babelon masha nkau mi gaw Yuda masha ni hpe jahpoi jahpyak na matu ahkaw ahkang la bang wa nga ma ai.

MAHTE 18:24

Shi gaw jahpan jep san hpang wa yang, gumhpraw lap sen law law hka kap ai masha langai mi hpe shi kaw woi sa mu ai.