ESHTA 3:7 - Jinghpaw Common Language Bible 2009

⁷ Hkawhkam Ahasuru hkaw dung ai shi lahkawng ning a shawng na shata ngu na Nisan shata hta shi a maw mawn ai amu galaw shapraw dat na jaw hkrak ai nhtoi shata, tam shapraw na matu (“Purim mying ai,”) hpaida da na hkang dat wu ai. Shing rai shata shi lahkawng ngu ai Adara shata shi masum ya shani hpe daw dan shagrin da nga ai.

Jinghpaw Hanson Version Bible

⁷ Dai re majaw, Ahasuru hkaw dung ai shi lahkawng ning hta e, Nisan ngu ai, shawng shata kaw nna, Adara ngu ai, shata shi lahkawng du hkra, lani hte lani shata mi hte shata mi, Haman a man e Pura ngu ai hpaida, da nga ma ai.

ESHTA 3:7 ပူးပေါင်းရင်းမြစ်များ

EZRA 4:6

Hkawseng Ahasuru hkaw dung hpang wa ai aten hta, Yuda mung hte Yerusalem mare hta nga ai amyu masha ni a gumlau hpyen ni gaw shanhte hpe mara shagun ai laika ka dat ma ai.

EZRA 6:15

Hkawseng Dari hkaw dung ai kru ning na Adara shata masum ya shani e, shanhte dai Nawku Htingnu hpe galaw shangut da manu ai.

NEHEMIA 2:1

Shata mali lai ai hpang, lani mi na nhtoi e, Hkawseng Artazazi shana de na lusha sha nga yang, ngai gaw shi hpang de sabyi la sa ya nngai. Shi chyawm gaw shawng de nye a yawn ai myi man hpe galoi mung n mu yu wu ai.

ESHTA 1:3

Shi hkaw dung ai masum ning hta shi a du salang ni hte up hkang hpareng ni yawng a matu lusha poi langai galaw nga ai. Persi, Medi hpyen hpung ni mung kaga mungdaw munggyi ni hte arawng lu ai du magam ni mung nga nga ma ai.

ESHTA 2:16

Dai rai nna Hkawhkam Ahasuru hkaw dung ai sanit ning na Tebet ngu ai shata shi hta, Eshta gaw hkawhkam htingnu Hkawhkam Ahasuru hpang de jashawn la ai hkrum wu ai.

ESHTA 9:1

Hkawhkam wa ndau shabra dat ai nhtoi ngu ai Adara shata shi masum ya shani hta, Yuda masha ni a gumlau hpyen ni gaw shanhte a daru magam n-gun hte ka-up dang la na myit mada nga ma ai. Rai ti mung shing rai lu na malai, Yuda masha ni mahtang shanhte hpe padang dip la lu nga ma ai.

ESHTA 9:21

shaning shagu Adara shata shi mali ya hte shi manga ya shani hta masat poi galaw na lam shanhte hpe tsun dan wu ai.

ESHTA 9:5

Dai rai nna Yuda masha ni gaw shanhte a gumlau hpyen ni hpe shanhte galaw mayu ai hku galaw lu nga ma ai. Shanhte gaw nhtu ni lang let htim gasat nhtawm shanhte hpe sat sharu kau mu ai.

GA SHAGAWP 16:33

Masha ni gaw Karai Kasang a myit ra ai lam hpe sharin la na matu hpaida da nga ma ti mung; Karai Kasang shi nan dai mahtai hpe daw dan ya nga ai.

MAHTE 27:35

Shi hpe wudang hta jen da ngut jang, shanhte shawun hpaida da ai hte shi a hpun palawng ni hpe jawm garan la mu ai.