ESHTA 3:12 - Jinghpaw Common Language Bible 2009

¹² Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

Jinghpaw Hanson Version Bible

¹² Shaloi jang, shawng shata na shi masum ya e, hkawhkam wa a chyare ni hpe shaga la nna, Haman hkang dat ai hte maren, hkawhkam a du ni hpe, mungdaw shagu a munggyi ni hte amyu masha ni a agyi ni hpe, mungdaw langai hte langai a laika ka ai hku hte, amyu langai hte langai a ga ga ai hku hkan nna, laika ka shabra dat mu ai: hkawhkam Ahasuru amying gang let ka nhtawm, hkawhkam a lachyawp hte dazik shakap wu ai.

ESHTA 3:12 ပူးပေါင်းရင်းမြစ်များ

1 HKAWHKAM 21:8

Dai hpang shi gaw laika loi mi ka nhtawm dai ni hta Ahab a mying htu let Ahab a dazik dawk la nna du salang ni hte Yezrela mare woi awn ai agyi salang ni hpang de shagun dat wu ai.

EZRA 8:36

Shanhte gaw hkawseng wa shanhte hpe jaw dat ai aming laika hpe mung la nhtawm, munggyi ni hte Uhprat a Sinna maga na mungdaw a du salang ni hpe ap ya ma ai rai nna, dai amyu masha ni hte Nawku Htingnu e nawku ai amu ni hpe shanhte karum ya ma ai.

ESHTA 1:22

Madu wa shagu gaw tinang a dum nta a madu tai nna hpang jahtum ahkang aya hte tsun nga na matu mungdaw langai hte langai tsun ai ga hte dai mungdaw hta ka ai lai masa laika mungga hpe hkawhkam mungdaw shagu de shabra dat wu ai.

ESHTA 3:11

Hkawhkam wa gaw shi hpe, “Dai amyu masha ni hte shanhte a gumhpraw gaw na a rai nga lit dai; shanhte hpe nang ra ai hku galaw sanu,” ngu nna tsun wu ai.

ESHTA 8:2

Hkawhkam wa mung shi a dazik dawk shakap da ai lachyawp hpe raw la nna (Haman kaw na bai la ai) Mordehkai hpe jaw ya wu ai. Eshta mung Mordehkai hpe Haman a sut gan hpareng ya na matu san tawn wu ai.

ESHTA 9:27

Yuda masha ni gaw dai hpe shanhte a matu tara langai shatai nhtawm shanhte a amyu matu ni hte Yuda masha langai tai wa ai ni kadai mung Mordehkai tsun matsun ai hte maren shaning shagu ndai nhtoi lahkawng ya na htap htuk ai aten hta tut nawng agalaw nga na lam rai nga ai.

Daniela 3:10

Madum sumpyi dum hpang dat ai shaloi jang, kadai mung ja hkrang sumla hpe gum dagup let nawku lu na rai nga ai,

Daniela 6:12

Daniela hpe mara shagun na matu, shanhte yawng hkawhkam wa hpang de rau sa mat wa ma ai. Shanhte gaw, “Madu hkawhkam e, nang hta kaga karai kaw na mung, masha kaw na mung, nhtoi sumshi ya laman hpa mung hpyi lajin ai wa hpe hkanghkyi ni hte hpring ai nhkun de kabai bang kau ai hkrum na wu ai ngu ai hkang da ai ga hpe dazik dawk da nga nit dai,” ngu nna tsun ma ai. Hkawhkam wa mung, “Rai sa, n galai mat lu ai Medi hte Persi ni a tara gaw laja lana re ai hkang da ai lam rai nga ai,” ngu nna tsun htang wu ai.

Daniela 6:15

Dai hpang dai masha ni gaw hkawhkam wa hpang de nhtang sa wa nna shi hpe, “Hkawhkam wa htuk shapraw dat sai tara gaw Medi hte Persi masha ni a tara ni hte maren, n galai kau mai sai nga ai hpe hkawhkam wa chye nga ndai,” ngu nna tsun ma ai.

Daniela 6:25

Dai hpang Dari hkawhkam gaw ginding aga ntsa e nga ai masha amyu ni yawng a masha ni hpe mung, amyu bawsang ni hte ga amyu myu tsun ai masha ni hpang de laika ka dat wu ai: Ngwi pyaw ai lam anga nga u ga law!

Daniela 6:8

Dai re ai majaw madu hkawhkam wa gaw galoi mung n galai mat lu ai Medi hte Persi masha ni a tara nga ai hte maren, dai tara hpe n hkan n mai shagrin da nna, ta masat dawk nhtawm htuk shapraw u,” ngu nna tsun ma ai.