ESHTA 3:11 - Jinghpaw Common Language Bible 2009

¹¹ Hkawhkam wa gaw shi hpe, “Dai amyu masha ni hte shanhte a gumhpraw gaw na a rai nga lit dai; shanhte hpe nang ra ai hku galaw sanu,” ngu nna tsun wu ai.

Jinghpaw Hanson Version Bible

¹¹ Bai hkawhkam wa gaw, “Dai gumhpraw gaw na a gumhpraw rai nga ai; dai amyu masha ni mung na a lata hta rai nga nna, nang galaw mayu ai hte maren galaw u ga,” ngu nna Haman hpe tsun wu ai.

ESHTA 3:11 ပူးပေါင်းရင်းမြစ်များ

ESHTA 3:10

Hkawhkam wa ndau shabra ai lam tai na matu dazik dawk shakap yang lang ai shi a lachyawp raw la nna Yuda masha ni a gumlau hpyen rai nga ai Agag amyu matu na Hamedahta a kasha Haman hpe jaw wu ai.

ESHTA 3:12

Dai re ai majaw shawng shata a shi masum ya shani e, Haman gaw hkawhkam wa a amu madu ni hpe shaga la nna ndau shabra laika langai ka let ga amyu shagu hku gale la ai hte ka nna up hkang du ni, munggyi ni hte du salang ni yawng hpang de shabra dat mu ai; dai hpe Hkawhkam Ahasuru a mying hte ka shapraw nna shi a lachyawp hte dazik dawk da nga ai.

SHAKAWN KUNGDAWN 73:7

Shanhte a myit masin gaw n hkru n shawp ai lam hpe ru jaw dat nna; shanhte a kraw lawang ni gaw n hkru n shawp ai hku maw mawn ai hte kyin nga ma ai.

YEREMIA 26:14

Nye a matu chyawm gaw, na a lata hta rai nga nngai. Nanhte myit yu nna rap ra ai hte ding man ai hku ngai hpe galaw mi.

YEREMIA 40:4

Ya chyawm gaw, ngai na a lata hkri hkraw hta gyit da ai hpri sumri hpe raw dat kau ya nna, nang hpe shalawt dat na nngai. Ngai hte rau Babelon mung de hkan mayu yang mung hkan nang lu ai, ngai nang hpe lanu lahku na nngai. Rai ti mung, nang n hkan mayu ai rai yang, hpa n ra ai. Mungdan ting hta nang lata la na shara dam nga lit dai, nang ra sharawng ai shara shagu de nang sa mai nga ndai,” ngu nna tsun wu ai.

LUKA 23:25

Shing rai Pilat gaw, shanhte hpyi ai hte maren, gumlau ai hte masha sat ai amu a majaw htawng hkrat ai wa hpe dat dat ya nna, Yesu hpe gaw shanhte ra ai hku ap kau ya dat wu ai.