ESHTA 2:9 - Jinghpaw Common Language Bible 2009

⁹ Hegai gaw Eshta hpe yu sharawng ai rai nna, dai wa a man hta Eshta myi man pa nga ai. Dai rai nna shi gaw aten kachyi mi mung n shama kau ai sha, hkum hpe jasan shatsawm ai hte lusha laksan daw jau shangun let shi a tsawm htap shingni ai hpe shawng chyam yu wu ai. Shi hpe num nta na kaja htum ai shara jaw nhtawm shi hpe daw jau na matu hkawhkam htingnu na laksan lata la ai numsha sanit hte hpe mung san da ya wu ai.

Jinghpaw Hanson Version Bible

⁹ Dai mahkawn gaw shi a myit hte htuk nna, myi man pa ai hkrum wu ai; shi hkum mawn sumli na matu, lang ra ai baw amyu ni, jarit hte hkawhkam nta na san da ai, shi kaw hkan mai ai shingnan num marai sanit alawan jaw wu ai; bai shi gaw, numsha nta na grau kaja ai shara hta, shingnan num ni hte rau shi hpe htawt tawn da mu ai.

ESHTA 2:9 ပူးပေါင်းရင်းမြစ်များ

NINGPAWT NINGHPANG 39:21

Rai ti mung dai Madu gaw Yosep hte rau rai nga ai majaw shi hpe shaman ya wu ai; htawng agyi wa mung shi hpe ra sharawng nga wu ai.

NINGPAWT NINGHPANG 39:4

Hputihpa mung shi hpe yu sharawng wu ai rai nna shi hte sha seng ai shangun ma shatai da wu ai. Shi a nta hte shi madu da lu sai arung arai yawng Yosep hpe hpareng shangun wu ai.

1 HKAWHKAM 8:50

Shanhte shut hpyit kau ai yubak mara mahkra hte nang hpe gumlau ai lam yawng hpe mara dat ya u; shanhte a gumlau hpyen ni shanhte hpe matsan yu dum shangun nga u law.

EZRA 7:6

Ezra gaw dai Madu Israela Karai Kasang Mawshe hpe jaw ya ai Tara hpe azin ayang chye chyang ai hpaji ninghkrin wa rai nga ai. Ezra gaw dai Madu shi a Karai Kasang a shaman chyeju hkam la nu ai majaw hkawseng wa mung shi hpyi mahpyi lam magup jaw ya wu ai. Artazazi hkaw dung ai sanit ning hta Ezra gaw Israela masha ni hta hkinjawng ni, Lewi masha ni, htingnu mahkawn mangoi masha ni, Nawku Htingnu sin ai ni hte amu galaw masha ni lawm ai hpung mi hte Babelon mung kaw nna Yerusalem mare de wa ma ai.

NEHEMIA 2:8

Ngai gaw hkawhkam wa a maling ni hpe up ai Asap hpang de, Nawku Htingnu sin ai hpyen dap chyinghka ni a matu mung, mare bunghku ni a matu mung, ngai rawng na dum nta a matu mung hpunpyen jaw lu na matu shi hpe matsun dat ai laika langai hpyi we ai. Karai Kasang gaw ngai hte rau nga nga ai majaw dai hkawseng wa mung ngai hpyi ai lam yawng jaw ya nga ai.

ESHTA 2:12

Numsha ni a matu tinang hkum shatsawm jahtap na aten laning mi nga ai hte maren, mura sau hte anut shatsawm ai shata kru, balsam sau hte shata kru rai nga ai. Dai hpang numsha shagu gaw langai hpang langai Hkawhkam Ahasuru a man de shang sa na rai ma ai.

ESHTA 2:3

Nang gaw hkawseng mungdan npu na mungdaw shagu hta nga ai du salang ni hpe san da ai hte mare daju ndai Susa mare na numsha ni a nta de dai ahpraw tsawm ai numsha ma ni yawng hpe woi sa na matu shanhte hpe hkang dat lu nga ndai; shaloi na a numsha ni hpe yu hpareng ai Hegai Unuk a lata de shanhte hpe ap ya u; shing rai shanhte hpe shanhte a tsawm shingni madun dan shangun u.

ESHTA 5:2

Hkawhkam jan Eshta shinggan e tsap nga ai hpe hkawhkam wa mu ai shaloi shi a man e myi man pa nga ai rai nna hkawhkam wa mung shi hpang de ja sumdoi ladawn dat wu ai. Shaloi shi sit sa nna sumdoi matu sa hkra ya wu ai.

SHAKAWN KUNGDAWN 106:46

Shanhte hpe zingri zingrat nga ai ni yawng a myit masin kraw lawang kata hta; shanhte hpe yu matsan dum la shangun mu ai.

GA SHAGAWP 16:7

Nang gaw dai Madu hta awng sharawng nga ai rai yang, na a gumlau hpyen wa hpe nang jinghku shatai la lu nga ai.

Daniela 1:9

Karai Kasang gaw Ashpena hpe Daniela a ntsa matsan dum la shangun nga ai.

KASA 7:10

ru yak tsin-yam tsindam yawng na shi hpe shaw la wu ai. Karai Kasang gaw Yosep hpe Egutu Hkawhkam a man e dan pru shangun nna, man pa ai arawn asam hte hpaji byeng-ya jaw wu ai majaw dai Hkawhkam wa gaw Yosep hpe Egutu mung ting a mung gyi hku nna mung, Hkawhkam htingnu up ai du hku nna mung san da wu ai.