ESHTA 2:7 - Jinghpaw Common Language Bible 2009

⁷ Shi hta kasha daw ai Hebre hku Hadasa mying ai Eshta nga nga ai; dai numsha gaw ahpraw nsam tsawm nna hkum shingyan htap nga ai. Kanu kawa si mat ai hpang Mordehkai gaw shi hpe shi a shayi sha majing zawn bau kaba dat wu ai.

Jinghpaw Hanson Version Bible

⁷ Shi gaw kawa di a kasha Hadasa mying ai Eshta hpe bau maka la wu ai; dai ma gaw kanu kawa n lu sai; shi a hkum shing-yan tsawm ai hte hpraw htap rai nga ai; kanu yan kawa si ai hpang, Mordehkai gaw shi hpe kasha majing yin la wu ai.

ESHTA 2:7 ပူးပေါင်းရင်းမြစ်များ

NINGPAWT NINGHPANG 48:5

Yaku mahtang matut nna, “Yosep e, Egutu mung ndai yang e, ngai garai n du yang na a matu shangai wa sai shadang sha lahkawng hpe ngai madu nga nngai; Ehprim yan Manashe gaw grau nna nye a kasha Rubin yan Simun zawn rai ma ai.

ESHTA 1:11

Shi gaw shanhte hpe hkawhkam jan Washti hkawhkam janmau gup let shi hpang de jashawn la na matu hkang dat wu ai. Hkawhkam jan gaw ahpraw tsawm ai num rai nna shi a du salang ni hte saw shaga da ai manam ni yawng a man e shi a tsawm htap ai ahpraw hpe madun dan na hkawhkam wa ra sharawng nga ai.

ESHTA 2:15

Kasha zawn yin la sai hte Mordehkai a kanau daw ai Abihala a shayi sha Eshta gaw hkawhkam wa kaw pru sa wa na aten du ai shaloi, Eshta hpe mu mamu ni shi hpe shakawn shagrau nga ma ai. Shing rai shi a aten du jang shi bu hpun na matu numsha ni a nta woi hpareng ai Hegai unuk shi hpe hpaji jaw ai hku sha, shi bu hpun sumraw nga ai.

ESHTA 2:20

Eshta a matu chyawm gaw shi Yuda masha rai nga ai hpe n chye shangun wu ai. Shi gaw Mordehkai a bau maka ai npu, ma kaji aten kaw nna shi a ga madat mara nga ai hte maren, ndai lam hta mung shi a ga madat nga ai rai nna, Mordehkai shi hpe tsun da wu ai hte maren, kadai hpe mung n tsun shabrawng wu ai.

ESHTA 8:1

Dai shani jang, Hkawhkam Ahasuru gaw Yuda masha ni a gumlau hpyen Haman a sut gan yawng hkawhkam jan Eshta a lata de ap ya kau wu ai. Eshta gaw Mordehkai shi hte amyu daw hkat ai lam hkawhkam wa hpe tsun dan wu ai; Mordehkai gaw dai shani kaw nna hkawhkam wa a man de shang lu na ahkang lu wu ai.

YOBA 31:17

Ngai lusha sha nga yang, jahkrai nmai ni hpe galoi mung kyet si shangun ai n rai.

YOBA 31:18

Nye a asak prat tup shanhte hpe lanu lahku ni ai.

2 KORINHTU 6:18

Nanhte a Kawa ngai tai na nngai, rai nna nanhte gaw nye a shadang sha ni hte shayi sha ni tai na marin dai, nga nna chyahtum chyalai n-gun atsam rawng ai Madu gaw atsun nga ai.”

EHPESU 6:4

Nanhte mung Nu wa ni e, nanhte a kasha ni hpe masin pawt na hku hkum galaw mu. Shing rai na malai shanhte hpe dai madu a daru sharin lam hte matsun madun ai hta bau maka nga mu.

1 YAWHAN 3:1

Yu mu Karai Kasang gaw anhte hpe gade wa tsaw ra nga a hka! Shi a tsaw ra myit gaw grai kaba la nga ai rai nna anhte hpe Karai Kasang a kashu kasha ni ngu nna shamying mi ai hte maren kaja wa mung anhte Karai Kasang a kashu kasha ni rai nga ga ai. Rai ti mung mungkan ga gaw Karai Kasang hpe n chye wu ai majaw anhte hpe mung n chye mi ai.