ESHTA 2:5 - Jinghpaw Common Language Bible 2009

⁵ Dai Susa mare hta e Yaira a kasha Mordehkai mying ai Yuda masha langai nga nga ai; Shi gaw Benyamin amyu bawsang hta na Kisha hte Shime a amyu matu langai mi rai nga ai.

Jinghpaw Hanson Version Bible

⁵ Dai aten e, Shushan htingnu hta, Ben-yamin amyu, Kisha dap lakung, Shime a kashu Ya-ira kasha Mordehkai mying ai Yuda masha langai mi nga ai;

ESHTA 2:5 ပူးပေါင်းရင်းမြစ်များ

2 SAMUELA 16:5

Hkawhkam Dawi gaw Bahurim mare de du jang, Shawlu a ru sai langai rai nga ai Gera a kasha Shime gaw shi hpe sa hkrum na nga pru sa wa ai. Shi gaw Dawi hpe matsa let sa wa nga ai.

2 HKAWHKAM 24:12

Hkawhkam Yehoiahkin hte rau shi a kanu, shi a shadang sha ni, du salang ni, hkawhkam wang na rap daw salang ni gaw, Babelon masha ni hpe asum hkap jaw kau mu ai. Nebuhkadneza hkaw dung ai matsat ning hta shi gaw Yehoiahkin hpe bawng masha hku rim la nhtawm,

2 HKAWHKAM 24:15

Nebuhkadneza gaw Yehoiahkin hte rau shi a kanu, shi a madu jan ni, shi a du salang ni, Yuda mung a ningbaw ningla ni hpe Babelon mung de woi mat wa wu ai.

ESHTA 10:3

Yuda masha Mordehkai gaw Hkawhkam Ahasuru a lawu hprut arawng aya hkam la lu ai wa rai nna shagrau sha-a hkrum ai hte shi a Yuda manaw manang ni shi hpe grai yu sharawng nga ma ai. Shi gaw shi a amyu masha ni a matu ngamu ngamai lam hte shanhte a amyu matu ni yawng a shim lam hpe galaw ya nga ai.

ESHTA 2:3

Nang gaw hkawseng mungdan npu na mungdaw shagu hta nga ai du salang ni hpe san da ai hte mare daju ndai Susa mare na numsha ni a nta de dai ahpraw tsawm ai numsha ma ni yawng hpe woi sa na matu shanhte hpe hkang dat lu nga ndai; shaloi na a numsha ni hpe yu hpareng ai Hegai Unuk a lata de shanhte hpe ap ya u; shing rai shanhte hpe shanhte a tsawm shingni madun dan shangun u.

ESHTA 2:4

Dai hpang nang ra sharawng htum ai numsha langai mi hpe la nna, Washti a shara hta shi hpe hkawhkam jan shatai da u,” ngu nna hpaji jaw ma ai. Hkawhkam wa mung dai gaw mai kaja ai hpaji jaw ga rai nga ai ngu myit la ai rai nna dai lam hpe hkan galaw shangun nga ai.

ESHTA 5:1

Eshta gaw shi lusha gam ai masum ya ngu na shani hta hkawhkam hpun palawng ni hpe sumraw la nna, hkawhkam tingnyang gawk hte man chyaw re ai hkawhkam htingnu a kata wang hta tsap nga ai. Shaloi hkawhkam wa gaw shang wa chyinghka lam hte man chyaw na hkawhkam htingnu kata na shi a hkawhkam tingnyang hta dung nga ai.

1 SAMUELA 9:1

Benyamin amyu bawsang hta na Kisha mying nhtawm sut su nna daru magam rawng ai wa langai mi nga nga ai. Shi gaw Ahpia amyu lakung lama a amyu daw chyen rai nga ai Behkorat dinghku kaw na ran yu wa ai Zerora a kashu, Abiela a kasha rai nga ai.