ESHTA 2:23 - Jinghpaw Common Language Bible 2009

²³ Dai lam hpe jep yu nna dai shiga teng nga ai hpe mu tam jang, dai masha lahkawng yan hpe masha noi sat ai shara hta noi sat kau ma ai. Hkawhkam wa gaw ndai lam hpe hkawseng mungdan a labau gawn ai laika hta ka matsing da na lam hkang dat wu ai.

Jinghpaw Hanson Version Bible

²³ Dai amu hpe sagawn yu nna, dan leng nga ai hpe chye jang, dai yan hpe hpun hta shadau sat kau nhtawm, hkawhkam a man e labau laika hta ka matsing da mu ai.

ESHTA 2:23 ပူးပေါင်းရင်းမြစ်များ

NINGPAWT NINGHPANG 40:19

Masum ya rai jang hkawhkam wa nang hpe shalawt dat nna baw kahtam di kau ya na ra ai. Dai hpang na a hkum hpe hpun shadaw hta noi da na mara ai; ntsa malen u ni mung na a ashan hpe achye sha na mara ai,” ngu nna htai ya wu ai.

NINGPAWT NINGHPANG 40:22

Dai lam yawng gaw Yosep htai da sai hte maren byin wa sai.

EZRA 4:15

nang hkang dat n-ga, anhte hpaji jaw ga ai. Dai hku nang galaw ai rai yang, ndai mare gaw moi prat kaw nna tut nawng gumlau nga nna hkawhkam ni hte mungdaw up hkang du ni hpe sharu shatsang nga ai hpe mung, dai mare e nga ai masha ni hpe galoi mung up hkang yak nga ai majaw dai mare jahten sharun kau hkrum nga sai lam hpe nang mu sawk na rin dai.

ESHTA 10:2

Shi galaw nu ai mauhpa galu kaba ai amu yawng mayawng hpe mung, Mordehkai hpe shi kaning rai arawng aya shatsaw tawn ai maumwi lam ni hpe mung, Persi, Medi hkawhkam ni a labau gawn laika hta tara shang ka matsing da nga ai.

ESHTA 5:14

Dai rai nna shi a madu jan hte shi a manaw manang ni yawng gaw, “Nang hpa majaw pe 75 tsaw ai masha noi sat shara hpe n galaw da n ta? Hpawt de dai hta Mordehkai hpe noi sat kau lu hkra, hkawhkam wa hpe nang ahkang hpyi lu na rai ndai; shaloi nang gaw lusha poi de kabu gara sa wa lu na rai ndai,” ngu nna hpaji jaw mu ai. Haman mung dai gaw mai kaja ai myit jasat rai nga sai nga nna myit nawn la nhtawm masha noi sat ai shara galaw tawn da wu ai.

ESHTA 6:1

Hkawhkam wa gaw dai shana e n lu yup ai rai nna mungdan e tara shang labau gawn ka matsing da ai ni la shapraw nhtawm shi hpe hti dan na hkang da wu ai.

ESHTA 7:10

Dai re ai majaw Mordehkai a matu Haman galaw da ai masha sat shara hta noi sat kau hkrum nga wu ai. Shaloi hkawhkam wa a masin kahtet ai gaw kawp mat wu ai.

MALAHKI 3:16

Dai hpang, dai Madu hpe hkrit kamyin ai ni gaw shada da tsun nga ma ai, dai Madu hpe hkrit kamyin ai hte shi hpe hkungga ai ni ka matsing laika buk langai hta ka jahkrat da nga ai.

YAWSHU 8:29

Shi gaw Ai mare a hkawhkam wa hpe shana de du hkra hpun hta noi da wu ai; shana de du wa jang, Yawshu hkang da ai hte maren si mang hpe hpun hta na la shayu nhtawm mare chyinghka lam de shang wa ai chyinghka lam e kabai tawn da nna de a ntsa e nlung sumpum kaba sumpum gawng da mu ai rai nna, dai ni du hkra dai yang e naw nga nga ai.