ESHTA 2:22 - Jinghpaw Common Language Bible 2009

²² Dai lam hpe Mordehkai chye wu ai rai nna Hkawhkam jan Eshta hpe tsun dan wu ai; shi mung Mordehkai mu tam da ai lam hkawhkam wa hpe tsun dan wu ai.

Jinghpaw Hanson Version Bible

²² Dai lam Mordehkai chye wa nna, hkawhkam jan Eshta hpe madun dan wu ai: shing rai Mordehkai madun dan ai lam hpe Eshta gaw hkawhkam wa hpe tsun dan wu ai.

ESHTA 2:22 ပူးပေါင်းရင်းမြစ်များ

ESHTA 7:9

Dai hpang shanhte hta na Harbona mying ai wa gaw, “Madu hkawhkam a asak hpe hkye la yu sai Mordehkai hpe noi sat kau lu hkra nga, shi a nta e masha sat shara langai galaw da nga ai rai nna dai gaw pe 75 tsaw nga ai,” ngu nna tsun dan wu ai. Shing rai hkawhkam wa gaw, “Dai hta e Haman hpe noi sat kau mu!,” ngu nna hkang dat wu ai.

HPAJI NINGLI 10:20

Hkawhkam wa hpe kraw kata e pyi hkum dagam et; na a yup gawk kata hta pyi sut su ai ni hpe hkum dagam et. Ntsa malen u gaw nang hpa tsun ai shiga gun mat wa nna shanhte hpe tsun dan chye nga ai.

ROMA 11:33

Karai Kasang a chyeju gaw gade wa n taw n tsang law htam nga a hka! Karai Kasang a hpaji byeng-ya hte chye chyang ai lam gaw gade wa sung nga a hka! Shi a daw dan hparan ai lam ni hpe kadai wa sanglang htai dan lu a ta? Shi a lam ni hpe kadai wa chye na lu na a ta?

HPILIPI 2:4

Langai hte langai tinang hte seng ai lam hpe sha n rai, masha gale hte seng ai lam hpe mung myit yu nga mu ga.