ESHTA 2:21 - Jinghpaw Common Language Bible 2009

²¹ Mordehkai gaw hkawhkam htingnu hta rung dung nga ai aten laman, hkawhkam wa a gawk ni de shang wa ai chyinghka lam sin ai unuk lahkawng rai nga ai Bightana yan Tere gaw Hkawhkam Ahasuru hpe hpyen tai nna shi hpe gyam sat na maw mawn ma ai.

Jinghpaw Hanson Version Bible

²¹ Ya Mordehkai hkawhkam wa a chyinghka hta e dung nga ai aten hte yang, chyinghka sin ai ni hta na, hkawhkam a unuk Bightan yan Tere gaw, myit machyi nga nna, hkawhkam wa hpe sat kau na dakat nga ma ai.

ESHTA 2:21 ပူးပေါင်းရင်းမြစ်များ

2 SAMUELA 16:11

Dawi gaw Abishai hte shi a du salang ni yawng hpe, “Nye a kasha nan ngai hpe sat na tam shakut nga ai rai yang mung, ndai Benyamin masha ni hta nanhte hpa majaw mau kajawng shara naw nga a ni? Dai Madu shi hpe matsa shangun nga sai majaw shi hpe chyu sha tawn da nna, ra mi matsa jung nga shangun ga.

1 HKAWHKAM 16:9

Shi a du salang langai mi rai nga ai Zimri gaw hkawhkam wa a hpyen leng ni a ka-ang hkup hpe hpareng ai wa rai nga ai. Shi hpe gumlau na maw mawn wu ai. Lani mi na aten hta Tiza mare kata hkawhkam hkaw hpe woi hpareng ai Arza a nta hta Ela chyaru nang nga wu ai.

2 HKAWHKAM 12:20

Hkawhkam Yosha a du salang ni shi hpe gumlau nga ma ai rai nna Shimit a kasha Yozahka hte Shoma a kasha Yehozaba yan gaw Sila de yu wa ai lam ntsa na ga jahpring bang da ai Yerusalem mare a sinpraw maga na lamu ga hta gap da ai nta e shi hpe sat kau mu ai. Yosha hpe Dawi a Mare na hkawhkam lupwa hta lup makoi da mu ai. Shi a kasha Amazia gaw shi a hkang hta hkaw galai dung ai hte hkawhkam tai wa sai.

2 HKAWHKAM 21:23

Amon a du salang ni gaw shi hpe gumlau nna shi hpe hkawhkam htingnu kata e mayun sat kau ma ai.

EZRA 4:6

Hkawseng Ahasuru hkaw dung hpang wa ai aten hta, Yuda mung hte Yerusalem mare hta nga ai amyu masha ni a gumlau hpyen ni gaw shanhte hpe mara shagun ai laika ka dat ma ai.

ESHTA 2:19

Dai aten hte yang, Mordehkai gaw up hkang lu ai arawng aya langai hkawhkam wa e lit jaw da hkrum nga wu ai.

ESHTA 6:1

Hkawhkam wa gaw dai shana e n lu yup ai rai nna mungdan e tara shang labau gawn ka matsing da ai ni la shapraw nhtawm shi hpe hti dan na hkang da wu ai.

ESHTA 6:2

Shanhte daw mi naw hti nga yang, hkawhkam wa hpe lagyim sat kau na matu hkawhkam wa a gawk ni hpe sin ya nga ai hkawhkam htingnu na unuk lahkawng rai nga ai Bightana hte Tere yan a maw mawn ai lam hpe Mordehkai kaning rai shabrawng kau dat ya ai lam lawm nga ai.

SHAKAWN KUNGDAWN 144:10

Nang gaw hkawhkam ni hpe awng padang jaw ya nga ndai hte; na a shangun ma wa Dawi hpe mawai la nit dai.

Daniela 2:49

Daniela hpyi shawn ai hte maren, hkawhkam wa gaw Babelon mungdaw a amu ni hpe woi hpareng na matu Shadrak, Meshak, Abednego hte hpe san da ya wu ai. Daniela chyawm gaw hkawhkam wang hta anga nga ai.