ESHTA 2:2 - Jinghpaw Common Language Bible 2009

² Shaloi shi hte htep rai nga ai hkawhkam wa a hpaji jaw masha nkau mi gaw, “Nang hpa majaw ahpraw tsawm ai hkawn jet numsha ma nkau mi hpe n tam shangun n ta?

Jinghpaw Hanson Version Bible

² Shaloi hkawhkam wa hpe daw jau ai shi a ali ama ni gaw, “hkawhkam wa matu ahpraw tsawm ai hkawnsek ni hkan tam mu ga; hpraw tsawm ai hkawnsek ni yawng hpe, Shushan htingnu na numsha ni a nta hta jahpawng da nna,

ESHTA 2:2 ပူးပေါင်းရင်းမြစ်များ

NINGPAWT NINGHPANG 12:14

Ya Egutu mung de shi lai bang mat wa ai shaloi shi a madu jan tsawm htap nga ai hpe Egutu masha ni mu ma ai.

1 HKAWHKAM 1:2

Dai rai nna shi a du salang ni gaw shi hpe, “Madu hkawhkam e, nang hte rau nga nga nna nang hpe lanu lahku na matu numsha langai mi tam yu ga. Shaloi shi gaw nang hte htep galeng nna nang hpe shalum ya na ra ai,” ngu nna tsun mu ai.

ESHTA 1:10

Hkawhkam wa a lusha poi galaw ai sanit ya shani hta, hkawhkam wa sabyi lu nhtawm kabu gara myit pyaw nga ai rai nna shi a shangun ma ni rai nga ai Mehuman, Bizhta, Harabona, Bighta, Abaghta, Zehtara hte Hkarahka ngu ai unuk marai sanit hte hpe shaga jashawn la wu ai.

ESHTA 1:14

Shi hpe hpaji jaw la na matu grau nna shi kam ging ai ni gaw Hkarashena, Shehta, Admahta, Tarshi, Mare, Marasena hte Memuhkan ni rai nga ai; dai ni gaw Persi hte Medi mung na du salang sanit hte rai nna, mungdan kata hta tsaw htum ai arawng lu ai ni rai ma ai.

ESHTA 2:3

Nang gaw hkawseng mungdan npu na mungdaw shagu hta nga ai du salang ni hpe san da ai hte mare daju ndai Susa mare na numsha ni a nta de dai ahpraw tsawm ai numsha ma ni yawng hpe woi sa na matu shanhte hpe hkang dat lu nga ndai; shaloi na a numsha ni hpe yu hpareng ai Hegai Unuk a lata de shanhte hpe ap ya u; shing rai shanhte hpe shanhte a tsawm shingni madun dan shangun u.

ESHTA 6:14

Shanhte ga naw shaga nga ma yang, hkawhkam htingnu na unuk ni du sa wa nna Eshta a lusha poi de sa na matu Haman hpe tin tin sa woi la ma ai.