ESHTA 2:18 - Jinghpaw Common Language Bible 2009

¹⁸ Dai hpang hkawhkam wa gaw Eshta hpe shagrau sha-a ai lusha poi kaba galaw nna shi a du salang ni hte up hkang salang ni yawng hpe saw shaga dat wu ai. Shi gaw hkawseng mungdan ting a matu ban sa ai shani langai mi masat shana ya nna hkawhkam wa a tsaw ra myit hte maren ging dan ai kumhpa ni hpe garan jaw wu ai.

Jinghpaw Hanson Version Bible

¹⁸ Dai hpang hkawhkam wa gaw, Eshta poi ngu ai, poi kaba, shi a du salang ni hte ali ama ni matu galaw nna, mungdaw ni hta lahkawn hkanse shayawm ai hte, hkawhkam a chyeju myit hte maren, kumhpaw kumhpa karan jaw nga ai.

ESHTA 2:18 ပူးပေါင်းရင်းမြစ်များ

NINGPAWT NINGHPANG 29:22

Laban mung masha shagu hte hpe saw shaga nhtawm hkungran poi galaw ya wu ai.

NEHEMIA 8:11

Lewi masha ni gaw ndai zawn chyoi pra ai shani hta amyu masha ni atsin sha nga nna n yawn n hkyen na matu shanhte hpe tsun ma ai.

ESHTA 1:7

Hkawhkam wa gaw shi lu ai sabyi hpe ntaw ntsang daw ya ai hte maren langai hte langai n bung shajang ai ja gawm ni hta bang nna daw jau ya ai hpe lu shajang nga ma ai.

ESHTA 9:22

Dai gaw Yuda masha ni shanhte nan shanhte a gumlau hpyen ni hpe yeng seng kau ai shani rai nga ai majaw myit htum yawn hkyen ai kaw nna kabu gara myit pyaw ai de kayin wa ai shata rai nga ai; shanhte gaw dai shani ni hta lusha poi ni hpe mung, shada hku hkau ka manawt lusha ai lam hpe mung galaw let langai hte langai lusha kumhpa karan nna matsan mayan ni hpe gam jaw gam ya na lam hkan galaw na tsun da hkrum nga ma ai.

Shawlumon A Mahkawn Ga 3:11

Ziun numsha ni e, Hkawhkam Shawlumon hpe sa yu yu mu. Shi a hkungran poi galaw ai shani, shi a kabu gara ai hte kabu awng sharawng ai shani hta, shi a kanu gaw shi a baw hta shagup ya ai janmau hpe shi gup nga ai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

MAHTE 22:2

“Sumsing lamu a Mungdan gaw, kasha a hkungran poi shachyip da ai Hkawhkam langai mi hte bung nga ai.

MARKU 6:21

Hpang jahtum Herodia gaw shi a matu ahkaw ahkang kaja lu la wu ai. Herod a shangai nhtoi shani hta e, shi gaw asuya ningbaw ningla ni, hpyen du kaba ni, hte Galile mung na dan hkung ai mung masha agyi salang ni yawng a matu shana shat sha poi langai mi galaw daw nga ai.

LUKA 14:8

“Masha langai ngai nang hpe num hkungran poi de shaga yang, reng grau ai shara hta hkum dung et, nang hta grau arawng lu ai wa hpe shi shaga da sai lam byin chye ai.

SHINGRAN 11:10

Ga ntsa e nga ai masha ni gaw, dai myihtoi lahkawng si ai majaw, kabu gara rai nna shada da kumhpaw kumhpa ni galai jaw chyai rai, poi galaw na mara ai; hpa majaw nga yang, dai myihtoi yan gaw ga ntsa e nga ai masha amyu ni hpe nni nkri grai jahkrum yu masai rai nga ai.

SHINGRAN 19:9

Dai hpang lamu kasa gaw, “Dai Sagu Kasha a hkungran poi de shaga da hkrum ai ni gaw a lu ma ai, ngu nna ka da u,” nga nna mung, “Ndai ga gaw Karai Kasang a teng man ai mungga ni rai nga ai,” nga nna mung ngai hpe tsun ai.

1 SAMUELA 25:8

Shanhte hpe naw san yu u, shanhte nang hpe tsun dan na mara ai. Anhte gaw lusha poi shani e sa saga ai rai nna Dawi mung anhte hpe atsawm sha hkap hkalum la na matu nang hpe san yu nga ai. Dai re ai majaw, chyeju hte na a shangun ma anhte hpe mung, na a jinghku wa Dawi hpe mung, nang dang di lu ai daram mi chyeju hte jaw dat na lam hkang dat mi ai.”