ESHTA 2:17 - Jinghpaw Common Language Bible 2009

¹⁷ Dai hkawhkam wa gaw kaga numsha ni kadai hta mung shi hpe grau yu ra nga ai rai nna, kaga ni hta grau nna myi man pa ai hte tsaw ra ai lam hkam la lu nga ai. Hkawhkam wa gaw shi hpe hkawhkam janmau gup ya nhtawm Washti a shara hta shi hpe hkawhkam jan shatai da wu ai.

Jinghpaw Hanson Version Bible

¹⁷ Hkawhkam wa gaw numsha ni mahkra hta, Eshta hpe grau tsawra wu ai rai nna, shi gaw hkawnsek ni mahkra hta, shi a man e chyeju hte myi man pa nga ai; shing rai, shi hpe hkawhkam janmau shagup ya nna, Washti a malai hkawhkam jan shatai wu ai.

ESHTA 2:17 ပူးပေါင်းရင်းမြစ်များ

ESHTA 1:11

Shi gaw shanhte hpe hkawhkam jan Washti hkawhkam janmau gup let shi hpang de jashawn la na matu hkang dat wu ai. Hkawhkam jan gaw ahpraw tsawm ai num rai nna shi a du salang ni hte saw shaga da ai manam ni yawng a man e shi a tsawm htap ai ahpraw hpe madun dan na hkawhkam wa ra sharawng nga ai.

ESHTA 2:16

Dai rai nna Hkawhkam Ahasuru hkaw dung ai sanit ning na Tebet ngu ai shata shi hta, Eshta gaw hkawhkam htingnu Hkawhkam Ahasuru hpang de jashawn la ai hkrum wu ai.

ESHTA 4:14

Ndai zawn re ai aten hta nang atsin sha nga ai rai n yang gaw, sumsing lamu kaw nna karum la ai lam, Yuda masha ni a matu pru wa nna shanhte nlang hkye mawai la ai hkrum ti mung nang chyawm gaw si na rai ndai; na nwa a dinghku mung htum mat na mara ai. Ti mung ndai zawn re ai aten hta nang hkawhkam jan shatai la hkrum nga nit dai gaw kadai wa chye nga a hka!”

GA SHAGAWP 21:1

Dai Madu gaw hka shi hpe de a lwi lam de, aloi sha shalen dat wu ai zawn, hkawhkam wa a myit mang ai lam hpe mung, hkang ya nga ai.

EZEKELA 17:24

Dai mung na hpun ni yawng gaw ngai nan dai Madu rai nga nngai hpe chye na mara ai. Ngai gaw hpun galu ni hpe kran kau nna hpun kaji ni hpe tu galu shangun na nngai. Ngai gaw tsit lali ai hpun ni hpe shanyip kau nna hkraw ai hpun ni hpe tsit lali shangun na nngai. Dai Madu ngai nan tsun ni ai. Ngai galaw na ngu tsun sai amu hpe ngai galaw na we ai.”

1 SAMUELA 2:8

Shi gaw matsan mayan ni hpe ga nhpu kaw na mung, ra kadawn ai ni hpe shanhte a nni nkri kata kaw na mung sharawt la nga ai. Shi gaw dai ni hpe hkawhkam kasha ni a manang shatai nhtawm shagrau sha-a ai shara ni hta tawn da nga ai. Dai Madu gaw ginding aga a npawt nhpang ni hpe madu da nga ai; dai ni a ntsa e mungkan ga hpe shi gaw da nga ai.