ESHTA 2:16 - Jinghpaw Common Language Bible 2009

¹⁶ Dai rai nna Hkawhkam Ahasuru hkaw dung ai sanit ning na Tebet ngu ai shata shi hta, Eshta gaw hkawhkam htingnu Hkawhkam Ahasuru hpang de jashawn la ai hkrum wu ai.

Jinghpaw Hanson Version Bible

¹⁶ Shing rai hkawhkam Ahasuru hkaw dung ai sanit ning na, Tebet ngu ai shata shi hta, Eshta hpe shi a hkawhkam htingnu hta shi hpang de jashawn la wu ai;

ESHTA 2:16 ပူးပေါင်းရင်းမြစ်များ

EZRA 4:6

Hkawseng Ahasuru hkaw dung hpang wa ai aten hta, Yuda mung hte Yerusalem mare hta nga ai amyu masha ni a gumlau hpyen ni gaw shanhte hpe mara shagun ai laika ka dat ma ai.

EZRA 7:8

Shanhte gaw shawng na shata a shawng shani e, Babelon mung kaw nna pru wa nhtawm Karai Kasang karum la ai hte shata manga a shawng shani e Yerusalem mare de shanhte du shang wa ma ai.

ESHTA 2:1

Hkawhkam wa masin kawp mat ai hpang pyi, Washti galaw kau nu ai amu hte shi hpe ninghkap let tsun shabra kau sai lam hte seng nna shi a myit nga wu ai.

ESHTA 2:15

Kasha zawn yin la sai hte Mordehkai a kanau daw ai Abihala a shayi sha Eshta gaw hkawhkam wa kaw pru sa wa na aten du ai shaloi, Eshta hpe mu mamu ni shi hpe shakawn shagrau nga ma ai. Shing rai shi a aten du jang shi bu hpun na matu numsha ni a nta woi hpareng ai Hegai unuk shi hpe hpaji jaw ai hku sha, shi bu hpun sumraw nga ai.

ESHTA 2:17

Dai hkawhkam wa gaw kaga numsha ni kadai hta mung shi hpe grau yu ra nga ai rai nna, kaga ni hta grau nna myi man pa ai hte tsaw ra ai lam hkam la lu nga ai. Hkawhkam wa gaw shi hpe hkawhkam janmau gup ya nhtawm Washti a shara hta shi hpe hkawhkam jan shatai da wu ai.

ESHTA 2:3

Nang gaw hkawseng mungdan npu na mungdaw shagu hta nga ai du salang ni hpe san da ai hte mare daju ndai Susa mare na numsha ni a nta de dai ahpraw tsawm ai numsha ma ni yawng hpe woi sa na matu shanhte hpe hkang dat lu nga ndai; shaloi na a numsha ni hpe yu hpareng ai Hegai Unuk a lata de shanhte hpe ap ya u; shing rai shanhte hpe shanhte a tsawm shingni madun dan shangun u.

ESHTA 8:9

Ndai lam gaw shata masum ngu na Siwan shata hkun masum ya shani e byin nga sai. Mordehkai gaw hkawhkam wa a amu madu ni hpe shaga la nhtawm laika ni ka la ai hte India mungdan kaw nna Hkusha mung du hkra rai nga ai mungdaw latsa e hkun sanit hta de nga ai Yuda masha ni, munggyi ni, up hkang ai ni hte du salang ni yawng hpang de, mungdaw langai hte langai tinang a ga hte laika ka ai hku Yuda masha ni hpang de mung, shanhte shaga ai ga hte laika ka ai hku hkan nna shabra dat ma ai.