ESHTA 2:10 - Jinghpaw Common Language Bible 2009

¹⁰ Ya chyawm gaw Mordehkai hpaji jaw ai hte maren, shi Yuda masha rai nga ai hpe Eshta n tsun shapraw ai sha ip da wu ai.

Jinghpaw Hanson Version Bible

¹⁰ Eshta gaw shi a amyu hte kahpu kanau ni a lam hpa mung n tsun shapraw na lam, Mordehkai hkang da ai majaw, hpa mung tsun shapraw ai, n rai.

ESHTA 2:10 ပူးပေါင်းရင်းမြစ်များ

ESHTA 2:11

Shi kaning rai nga ai mung, shi hta hpa byin wa na lam hpe chye lu hkra nga, Mordehkai gaw numsha ni a nta ndaw hku htaw de, le de rai shani shagu gahkrang hkawm nga ai.

ESHTA 2:20

Eshta a matu chyawm gaw shi Yuda masha rai nga ai hpe n chye shangun wu ai. Shi gaw Mordehkai a bau maka ai npu, ma kaji aten kaw nna shi a ga madat mara nga ai hte maren, ndai lam hta mung shi a ga madat nga ai rai nna, Mordehkai shi hpe tsun da wu ai hte maren, kadai hpe mung n tsun shabrawng wu ai.

ESHTA 2:7

Shi hta kasha daw ai Hebre hku Hadasa mying ai Eshta nga nga ai; dai numsha gaw ahpraw nsam tsawm nna hkum shingyan htap nga ai. Kanu kawa si mat ai hpang Mordehkai gaw shi hpe shi a shayi sha majing zawn bau kaba dat wu ai.

ESHTA 3:8

Dai rai nna Haman gaw hkawhkam wa hpe, “Na a hkawseng mungdan na mungdaw shagu hkan amyu baw langai hkran nga ai hpe mu nngai. Shanhte gaw kaga masha ni kadai hte mung n bung ai htung lailen ni hkan nga ma ai. Dai hta grau nna shanhte gaw hkawseng mungdan na tara ni hpe n madat nga ma ai majaw shanhte hpe yu hkam sharang nna mung nang hta hpa akyu mi n hkam la lu na ndai.

ESHTA 7:4

Nye a amyu masha ni hte ngai gaw sat shamyit kau hkrum na matu, dut kau ai hkrum nga saga ai. Mayam tai na matu dut kau hkrum ai hta hpa mung grau n sawng ai rai yang, ngai atsin sha nga nna dai hte seng ai lam nang hpe n sharu shatsang na nngai; rai ti mung anhte gaw shamyit kau hkrum na matu ri ri sha rai nga saga ai-atsai awai sat shagrawm kau hkrum na saga ai!,” ngu nna htan wu ai.

MAHTE 10:16

“Madat mu! chyahkyawn ni a ka-ang de sagu hpe zawn, ngai nanhte hpe shangun dat made ai. Dai rai nna nanhte gaw lapu zawn hpaji rawng nna hkrudu zawn myit sumnung shingdi nga mu.

EHPESU 6:1

Ma ni e nanhte a Kanu yan Kawa a ga hpe madat mara nga mu, shing rai galaw ai gaw Hkristan ni hku nna galaw na ang ai amu rai nga ai;

RUHTA 3:6

Dai rai nna Ruhta gaw chyarang pa de sa mat wa nhtawm, shi a kamoi shi hpe tsun matsun dat ai hte maren hkan galaw wu ai.