ESHTA 10:3 - Jinghpaw Common Language Bible 2009

³ Yuda masha Mordehkai gaw Hkawhkam Ahasuru a lawu hprut arawng aya hkam la lu ai wa rai nna shagrau sha-a hkrum ai hte shi a Yuda manaw manang ni shi hpe grai yu sharawng nga ma ai. Shi gaw shi a amyu masha ni a matu ngamu ngamai lam hte shanhte a amyu matu ni yawng a shim lam hpe galaw ya nga ai.

Jinghpaw Hanson Version Bible

³ Kaning rai nme law, Yuda masha Mordehkai gaw, hkawhkam Ahasuru a malai rai nga nna, Yuda masha ni hta shi galu kaba nga ai hte, shi a kahpu kanau ni law malaw gaw shi hpe yin la nna, shi gaw, shi a amyu masha ni a ngamu ngamai lam tam let, kashu kasha ni mahkra hpe ngwipyaw ga tsun mu ai.

ESHTA 10:3 ပူးပေါင်းရင်းမြစ်များ

NINGPAWT NINGHPANG 41:40

Ngai gaw nang hpe nye a mungdan ting a ntsa na mung du shatai na nngai; nye a amyu masha ni yawng na a hkang da ai ga ni hpe madat mara na mara ai. Na a ahkang aya mung nye a lawu hprut hta agrin nga lu na rin dai.

NINGPAWT NINGHPANG 45:10

Ngai hte ani sha rai nga ai Goshen mung hta nang mung, na a kasha ni hte kashu ni mung, sagu bainam ni mung, dumsu yam nga ni hte nang lu malu mahkra hte shanu nga lu na ndai.

NINGPAWT NINGHPANG 45:11

Goshen mung hta nang shanu nga ai rai yang, ngai nang hpe bau maka lu na nngai. Ya hku hku na manga ning naw nga ai rai nna nang mung, na a dinghku hte yam nga hpung ni kawsi kyet na hpe n yu sharawng nngai,’” ngu nna tsun dat wu ai.

2 HKAWHKAM LABAU 28:7

Zihkri mying ai Israela hpyenla wa gaw Hkawhkam Ahaza a kasha Masea, hkawhkam htingnu up hkang ai Azrikam hte hkawhkam wa a malai up hkang aya lu ai Elkana hte hpe sat kau wu ai.

NEHEMIA 2:10

Rai ti mung, Israela amyu masha ni a matu mai kaja ai amu galaw na marai langai mi sa wa sai lam, Bet Horon mare na Sanbalat hte Amon mungdaw a du Tobia yan na ma ai shaloi, shan nachying masin pawt nga ma ai.

ESHTA 2:5

Dai Susa mare hta e Yaira a kasha Mordehkai mying ai Yuda masha langai nga nga ai; Shi gaw Benyamin amyu bawsang hta na Kisha hte Shime a amyu matu langai mi rai nga ai.

ESHTA 3:2

Hkawhkam wa gaw shi a amu hta amu galaw nga ai du salang ni yawng Haman hpe hput di ai hte shi hpe gum dagup let hkrit hkungga ai lam madun dan na matu hkang da wu ai. Shanhte yawng galaw ma ti mung Mordehkai chyawm gaw n galaw hkraw nga ai.

Daniela 5:16

Ya chyawm gaw, ndai ga makoi a lachyum ni hte makoi magap ai amu ni a lachyum hpe nang sawk tam lu nga ndai gaw ngai na se ai. Dai rai nna, ndai ka da ai laika hpe nang hti lu ai rai yang, de a lachyum hpa rai nga ai gaw ngai hpe tsun dan e, shaloi nang gaw shaba pu nsam rawng ai hkawhkam palawng galu lu hpun nna na a du hta ja kachyi lu gali ai hte ndai mungdan hta masum ngu na daru magam n-gun rawng ai wa tai na rai ndai,” ngu nna tsun wu ai.

Daniela 5:29

Belshaza gaw Daniela hpe shaba pu nsam rawng ai hkawhkam wa a palawng galu jahpun ya na matu mung, shi a du hta shagrau sha-a ai ja kachyi noi ya na matu mung shi a shangun ma ni hpe dai shaloi jang hkang dat wu ai. Shi gaw Daniela hpe mungdan hta masum ngu na daru magam aya lu ai shara hta tawn da wu ai.

Daniela 6:3

Kade n na yang, Daniela gaw kaga reng hkang ai marai lahkawng hte munggyi ni hta grau mai kaja ai amu bungli galaw lu wu ai hpe madun dan nga ai. Shi gaw grai laklai ai myit nyan hpaji chye ai wa rai nna hkawhkam wa mung hkawseng mungdan ting hpe woi hpareng na matu shi hpe san da na myit da nga wu ai.

ROMA 10:1

Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.

ROMA 14:18

Dai hku hkan nna Hkristu a bungli gun hpai ai wa gaw, Karai Kasang a man e sharawng awng nna, masha a man e mung awlaw ai hkrum nga ai.

1 SAMUELA 18:16

Rai ti mung, Dawi gaw awng dang ai ningbaw rai nga ai majaw Israela amyu ting hte Yuda amyu ni, shi hpe tsaw ra nga ma ai.

1 SAMUELA 23:17

shi hpe, “Hkum hkrit nga et. Nye a kawa Shawlu nang hpe machyi shangun lu na n rai wu ai. Nang gaw Israela a hkawhkam tai wa na lam hpe mung, ngai mung na a lawu na aya hpe hkam la lu na lam hpe mung, shi atsawm sha chye da nga ai.”