ESHTA 10:2 - Jinghpaw Common Language Bible 2009

² Shi galaw nu ai mauhpa galu kaba ai amu yawng mayawng hpe mung, Mordehkai hpe shi kaning rai arawng aya shatsaw tawn ai maumwi lam ni hpe mung, Persi, Medi hkawhkam ni a labau gawn laika hta tara shang ka matsing da nga ai.

Jinghpaw Hanson Version Bible

² Mordehkai galaw ai daru magam amu bungli mahkra hte, shi a hpung shingkang, hkawhkam wa shi hpe shagrau shatsaw ai majaw, shi galu kaba dan hkung ai lam, Medi yan Persi hkawhkam ni a labau laika ni hta azin ayang ka da nga ai, n rai ni?

ESHTA 10:2 ပူးပေါင်းရင်းမြစ်များ

1 HKAWHKAM 11:41

Shawlumon galaw nu ai shi a amu magam hte shi a hpaji byeng-ya lam magup hpe Shawlumon a Labau Laika hta yawng ka matsing da nga ai.

1 HKAWHKAM 14:19

Hkawhkam Yeroboam galaw nu ai lam magup shagu ngu na, shi gasat lai wa sai majan ni a lam hpe mung, mungdan hpe gara hku up hkang ai lam yawng hpe mung, Israela Hkawhkam ni a Labau Laika hta ka matsing da nga ai.

1 HKAWHKAM 22:39

Hkawhkam Ahab shi galaw nu ai lam magup shagu ngu na shi a hkawhkam htingnu hpe magwi kawng hte mawn shatsawm da ai mung, shi de da sai mare ni yawng a lam lawm hkra mung, Israela Hkawhkam ni a Labau Laika hta ka matsing da nga ai.

ESHTA 2:23

Dai lam hpe jep yu nna dai shiga teng nga ai hpe mu tam jang, dai masha lahkawng yan hpe masha noi sat ai shara hta noi sat kau ma ai. Hkawhkam wa gaw ndai lam hpe hkawseng mungdan a labau gawn ai laika hta ka matsing da na lam hkang dat wu ai.

ESHTA 6:1

Hkawhkam wa gaw dai shana e n lu yup ai rai nna mungdan e tara shang labau gawn ka matsing da ai ni la shapraw nhtawm shi hpe hti dan na hkang da wu ai.

ESHTA 8:15

Mordehkai gaw amut, ahpraw nsan ai hkawhkam palawng galu bu hpun nna shaba pu nsam rawng ai mani ai lachyit nba lawai let, hkik hkam ai ja janmau gup nhtawm hkawhkam htingnu kaw nna pru wa wu ai. Susa mare nmaw lam hkan nna kabu gara ai hte jahtau garu nga ma ai.

ESHTA 8:2

Hkawhkam wa mung shi a dazik dawk shakap da ai lachyawp hpe raw la nna (Haman kaw na bai la ai) Mordehkai hpe jaw ya wu ai. Eshta mung Mordehkai hpe Haman a sut gan hpareng ya na matu san tawn wu ai.

ESHTA 9:4

Mordehkai gaw hkawhkam htingnu hta daru magam n-gun rawng wa ai hte grau grau nna jat kaba wa nga ai gaw hkawseng mungdan ting hta kajai gumhkawng nga sai.

SHAKAWN KUNGDAWN 18:35

Madu e, nang gaw ngai hpe makawp maga ai hte hkye hkrang la nga ndai; na a n-gaw nwai ai myit gaw ngai hpe galu kaba shangun nga ai, na a daru magam n-gun gaw ngai hpe shim lum shangun nga ai.

Daniela 2:48

Dai hpang shi gaw Daniela hpe shagrau shatsaw let hkik ai kumhpa law law sak jaw wu ai; shi hpe mung Babelon mungdaw hpe woi hpareng na matu mung, hkawhkam wa hpe hpaji jaw ai ni yawng a ningbaw galaw na matu mung san da wu ai.