ESHTA 1:4 - Jinghpaw Common Language Bible 2009

⁴ Shi gaw shi a hkawhkam mungdan ting hte seng ai hkaw wang na sut gan ni hte dai ni a hkik hkam ai lam hte daru magam kaba htum ai arawng sadang ni hpe shata kru ting madun dan wu ai.

Jinghpaw Hanson Version Bible

⁴ Dai shaloi e shi gaw, nhtoi na na ngu ai, nhtoi latsa e matsat shi ya tup, shi a galu kaba ai mungdan a sutgan hpe mung, shi a daru magam kaba htum ai arawng sadang hpe mung, shanhte hpe madun dan mu ai.

ESHTA 1:4 ပူးပေါင်းရင်းမြစ်များ

1 HKAWHKAM LABAU 29:25

Dai Madu gaw amyu baw ting Shawlumon hpe hkrit hkungga shangun ai hte Israela mung hpe up hkang lai wa sai kaga hkawhkam ni kadai hta mung shi hpe grau nna dan hkung shangun nga ai.

ESHTA 1:3

Shi hkaw dung ai masum ning hta shi a du salang ni hte up hkang hpareng ni yawng a matu lusha poi langai galaw nga ai. Persi, Medi hpyen hpung ni mung kaga mungdaw munggyi ni hte arawng lu ai du magam ni mung nga nga ma ai.

ESHTA 1:5

Dai hpang, hkawhkam wa gaw mare daju Susa e nga ai matsan lu su n nga, masha yawng a matu lusha poi galaw ya wu ai. Dai poi hpe hkawhkam htingnu a sun wang kata hta sanit ya tup galaw nga ai.

YOBA 40:10

Dai hku rai yang, na a shagrau sha-a hte gumrawng gumtawng ai hta rawt tsap u; nang hkum nan daru magam hte hpung shingkang bu hpun da u.

SHAKAWN KUNGDAWN 145:5

Na a hpung shingkang hte arawng sadang hpe mung shanhte tsun hkai dan na mara ai; na a mauhpa magam bungli ni hpe ngai myit aru yu nga na nngai.

SHAKAWN KUNGDAWN 21:5

Nang karum la ai a majaw, shi a hpung shingkang galu kaba nga ai; nang shi hpe gumhkawng ai hte arawng sadang jaw ya nit dai.

SHAKAWN KUNGDAWN 45:3

N-gun chyalai rawng ai hkawhkam wa e, na a nhtu hpye u; nang gaw hpung shingkang hte daru magam hpring nga ai wa rai nga ndai.

SHAKAWN KUNGDAWN 93:1

Madu gaw hkawhkam rai nga ai. Shi gaw daru magam hpung shingkang hte n-gun hpe bu hpun da nga ai. Mungkan ga hpe ngang ngang kang kang shi gaw da nna dai gaw shamu shamawt n lu nga ai.

ESAIA 39:2

Hezekia gaw dat kasa ni hpe atsawm sha hkalum la nhtawm shanhte hpe shi a sut gan rai nga ai aja gumhpraw, manam pyaw ai baw namji namya hte manam hawm ai sau hte shi a hpyen laknak arung arai mahkra hte hpe madun dan wu ai. Shi shanhte hpe n madun yu ai shi a sut gawk ni hte shi a mungdan shara shagu hkan e nga ai arai yawng mayawng hte hpe n madun kau ai shara mi pyi n nga mat salu ai.

EZEKELA 28:5

Nang gaw hpaga amu ni hta myit sam ai hte galaw nna hpaga amyat law law galaw shapraw nit dai. Na a sut gan a majaw, nang kade wa myit kaba gumrawng nga n hka!

Daniela 4:30

shi gaw, “Yu u, Babelon mung gaw kade wa galu kaba nga a hka! Dai gaw nye a hpung dagu, n-gun atsam, hpung shingkang dan hkung ai hte hpung rawng ai lam madun dan na matu nye a mare daju shatai na ngu, ngai de da ai mare rai nga ai,” ngu nna tsun wu ai.

Daniela 4:36

“Nye a myit bai gring wa ai shaloi, nye a arawng sadang, nye a hpung dagu hte nye a mungdan hpung shingkang gaw mi na zawn ngai hpe bai jaw nga ai. Nye a du salang ni hte du magam ni ngai hpe hkap hkalum la ma ai; ngai gaw shawng de na hta pyi grau kaba ai arawng aya hte daru magam n-gun bai hkam la lu nga nngai.

Daniela 5:18

“Tsaw Htum ai Karai Kasang gaw na a nwa Nebuhkadneza hpe hkawhkam kaba shatai nna hpung rawng ai sari sadang hte daru magam hpung dagu jaw ya nu ai.

MAHTE 4:8

Bai, Nat gaw, nachying tsaw la ai bum ntsa de shi hpe woi lung wa da nna, mungkan ga na mungdan ni hte dai ni a hkik hkam ai arawng sadang hpe, shi hpe madun dan nhtawm,

MAHTE 6:13

Agung alau nga ai de anhte hpe n sa shangun ai sha, n kaja ai lam hta na mung shaw la mi law, (N gawn tawa hpe hkang ai ahkang hte hpung shingkang arawng sadang gaw, htani htana nang hta anga nga u ga law) Amen.

ROMA 9:23

Dai hta n ga Madu gaw shi a matsan dum lama ai lam hkam la na masha ni ngu ai anhte hpe shi a n hpaw n ya re ai hpung shingkang hpe mu lu shangun na matu ra sharawng nga ai. Dai ni gaw Karai Kasang a hpung shingkang hkam la lu na matu hkyen lajang shajin da sai masha ni rai nga ma ai.

EHPESU 1:18

Madu gaw nanhte hpe hpa baw myit mada ai lam hta shaga la sai hpe mung Madu a amyu masha ni hpe ndat da ai mauhpa chyeju sali wunli ni gaw, kade wa n taw n tsang rai nga ai hpe mung,

KOLOSE 1:27

Karai Kasang a shatawng shada ai lam gaw, masha amyu baw shagu a matu hpung shingkang rawng nna mauhpa hte sung htum ai mungga a lam shi a amyu masha ni hpe shadan dan na lam rai nga ai. Dai sung htum ai mungga gaw, Hkristu nan nanhte a kraw lawang hta shanu nga ai lam rai nga ai; lam mi hku tsun ga nga yang, nanhte gaw Karai Kasang hte rau dai hpung shingkang hpe hkam la lu na lam rai nga ai.

SHINGRAN 4:11

“Anhte a Madu Karai Kasang e! Nga yawng nga pra hte hpe nang hpan tawn da nna, dai hte gaw na a myit ra ai hku sha grin nga ma ai hte asak hkrung nga ma ai. Dai majaw nang gaw, hpung shingkang arawng sadang hte, hpung dagu lu la na gingdan nga ndai law!,” nga nna tsun ma ai.