ESHTA 1:3 - Jinghpaw Common Language Bible 2009

³ Shi hkaw dung ai masum ning hta shi a du salang ni hte up hkang hpareng ni yawng a matu lusha poi langai galaw nga ai. Persi, Medi hpyen hpung ni mung kaga mungdaw munggyi ni hte arawng lu ai du magam ni mung nga nga ma ai.

Jinghpaw Hanson Version Bible

³ shi hkaw dung ai masum ning hta e, shi a du salang ni hte ali ama ni mahkra a matu poi galaw nga ai Persi, Medi hpyen du ni, mungdaw ni a agyi salang ni hte du ni gaw, shi a man e nga nga ma ai:

ESHTA 1:3 ပူးပေါင်းရင်းမြစ်များ

NINGPAWT NINGHPANG 40:20

Masum ya nhtoi lai jang, hkawhkam wa shi a shangai nhtoi shani hta, shi a du salang ni yawng hpe lusha poi galaw daw wu ai; dai hpang sabyi jau ai wa hte muk kabaw ai agyi yan hpe shi a du salang ni a man de woi shapraw dat wu ai.

1 HKAWHKAM 3:15

Shawlumon gaw yup hprang wa nna dai gaw yup mang hta Karai Kasang shi hpe ga shaga nga ai hpe dum hprang wa wu ai. Dai hpang shi gaw Yerusalem mare de sa wa nhtawm dai Madu a Sakse Sumpu man e tsap let wan nat hkungga hte mahku hkungga ni dai Madu a matu nawng ya wu ai. Dai hpang shi a du salang ni yawng a matu lusha poi langai galaw ya wu ai.

EZRA 1:2

“Ndai gaw Persi Hkawseng Kuru a hkang da ai ga rai nga ai. Dai Madu sumsing lamu a Karai Kasang gaw mungkan ga ting ngai hpe up hkang shangun ni ai hte Yuda mung Yerusalem hta shi a matu Nawku Htingnu langai gap na lit ngai hpe jaw da ni ai.

ESHTA 1:14

Shi hpe hpaji jaw la na matu grau nna shi kam ging ai ni gaw Hkarashena, Shehta, Admahta, Tarshi, Mare, Marasena hte Memuhkan ni rai nga ai; dai ni gaw Persi hte Medi mung na du salang sanit hte rai nna, mungdan kata hta tsaw htum ai arawng lu ai ni rai ma ai.

ESHTA 1:4

Shi gaw shi a hkawhkam mungdan ting hte seng ai hkaw wang na sut gan ni hte dai ni a hkik hkam ai lam hte daru magam kaba htum ai arawng sadang ni hpe shata kru ting madun dan wu ai.

ESHTA 2:18

Dai hpang hkawhkam wa gaw Eshta hpe shagrau sha-a ai lusha poi kaba galaw nna shi a du salang ni hte up hkang salang ni yawng hpe saw shaga dat wu ai. Shi gaw hkawseng mungdan ting a matu ban sa ai shani langai mi masat shana ya nna hkawhkam wa a tsaw ra myit hte maren ging dan ai kumhpa ni hpe garan jaw wu ai.

ESHTA 3:7

Hkawhkam Ahasuru hkaw dung ai shi lahkawng ning a shawng na shata ngu na Nisan shata hta shi a maw mawn ai amu galaw shapraw dat na jaw hkrak ai nhtoi shata, tam shapraw na matu (“Purim mying ai,”) hpaida da na hkang dat wu ai. Shing rai shata shi lahkawng ngu ai Adara shata shi masum ya shani hpe daw dan shagrin da nga ai.

ESAIA 21:2

Ngai gaw mazut byin masa ni a shingran, gumle gumlau ai hte jahten shabyak ai shingran ni hpe mu se ai. Elam hpyen luksuk e, htim gasat mu! Medi hpyen luksuk e, mare ni hpe wang tawn mu! Karai Kasang gaw Babelon mung e shabyin nu ai nni nkri hpe jahtum kau na ra ai.

YEREMIA 51:11

Dai Madu gaw Babelon mung hpe shamyit kau na matu shatawng shada da nu ai majaw shi gaw Medi hkawhkam ni a myit hpe jasu ya nu ai. Dai gaw shi a Nawku Htingnu hpe jahten shaza kau ya ai a matu matai htang ai lam rai nga wu ai. Gasat na du salang ni gaw, “Nanhte a pala ni hpe mayoi da mu! Nanhte a hpyen ninggang ni hpe jin jin galaw da mu!

Daniela 5:1

Lana mi na aten hta, Hkawhkam Belshaza gaw du magam hkying mi hpe hkik hkam ai lusha poi kaba de sa na matu saw shaga dat wu ai; shanhte gaw rau sha sabyi ntsin jawm lu nga ma ai.

Daniela 5:28

Ga karan mat ai: Na a mungdan gaw ga karan mat nna Medi hte Persi masha ni a lata de ap kau nu ai.”

Daniela 6:1

Dari gaw shi a hkawseng mungdan ting hta rung dung na matu munggyi latsa e hkun san da na daw dan da wu ai.

Daniela 8:20

“Nang mu ai nrung lahkawng tu ai sagu la gaw Medi hte Persi mungdan ni rai nga ai.

MARKU 6:21

Hpang jahtum Herodia gaw shi a matu ahkaw ahkang kaja lu la wu ai. Herod a shangai nhtoi shani hta e, shi gaw asuya ningbaw ningla ni, hpyen du kaba ni, hte Galile mung na dan hkung ai mung masha agyi salang ni yawng a matu shana shat sha poi langai mi galaw daw nga ai.