ESHTA 1:20 - Jinghpaw Common Language Bible 2009

²⁰ Na a ndau shabra ai lam ndai galu kaba ai hkawseng mungdan ting de chye shangun dat ai shaloi, numsha ni langai hte langai gaw lu su ai rai tim, matsan ai rai tim tinang nang a madu wa ni hpe kaja wa hkungga lara galaw wa na mara ai.

Jinghpaw Hanson Version Bible

²⁰ Shing rai hkawhkam a mungga gaw, shi a galu kaba ai mungdan ting hproi hkra chyam wa sayang, dinghku num ni nlang hte gaw, tinang a madu wa ni, arawng lu ai n lu ai rai timung, hkungga lara na mara ai,” ngu mu ai.

ESHTA 1:20 ပူးပေါင်းရင်းမြစ်များ

ESHTA 1:21

Dai hkawhkam wa hte shi a du salang ni ndai myit jasat sharawng nga ma ai majaw Memuhkan hpaji jaw ai hte maren hkawhkam wa galaw wu ai.

ESHTA 2:1

Hkawhkam wa masin kawp mat ai hpang pyi, Washti galaw kau nu ai amu hte shi hpe ninghkap let tsun shabra kau sai lam hte seng nna shi a myit nga wu ai.

EHPESU 5:22

Madu jan ni e, nanhte gaw Madu a up hkang ai hpe hkam la nga myit dai hte maren, madu wa a up hkang ai hpe hkam la mu.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.

TARA JAHPRANG 17:13

Shaloi dai shi na ai masha shagu hkrit gari nhtawm shing re ai amu hpe kadai mung galaw gwi na mara ai n rai.

TARA JAHPRANG 21:21

Shaloi mare na lasha nlang shi hpe nlung hte kabai sat kau na rai ma ai. Shing rai dai zawn n hkru n shawp ai amu hpe yeng seng kau na rai myit dai. Shing re ai lam a majaw dai shiga na ai Israela amyu masha shagu hkrit gari nga na mara ai.

KOLOSE 3:18

Madu jan ni e, tinang a madu wa ni hkang ai hku hkan nga mu, dai gaw Hkristan langai mi hku nna dai Madu hta hkan sa na matu sut ai lam rai nga ai.