ESHTA 1:19 - Jinghpaw Common Language Bible 2009

¹⁹ Washti hpe hkawhkam wa a man e galoi mung bai n dawng pru lu nu ga, dai lam hpe Madu hkawhkam ra sharawng ai rai yang, hkawhkam ahkang aya hte ndau dip shabra u; dai gaw galoi mung n galai mat lu u ga, Persi hte Medi a tara ni hta ka da u ga. Dai hpang shi a hkawhkam jan aya hpe grau kaja ai numsha hpe jaw kau na mai nga ai.

Jinghpaw Hanson Version Bible

¹⁹ Hkawhkam wa hkraw n yang, gaw, htawm hpang e Washti gaw hkawhkam a man de shang na ahkang n lu u ga, nga nna hkawhkam wa jaw dat ai mungga gaw, n gale n galai mat lu hkra, Persi yan Medi a tara laika hta ka da u ga; dai hta kaga hkawhkam wa gaw, shi a hkawhkam jan aya hpe, shi hta grau kaja ai num hpe jaw kau u ga.

ESHTA 1:19 ပူးပေါင်းရင်းမြစ်များ

1 HKAWHKAM 3:28

Shawlumon a daw dan hparan ai hpe Israela masha ni na ma yang, Karai Kasang shi hpe jaw ya ai hpaji byeng-ya hta amu rawng ai lam hpe rap ra ai hku daw dan hparan ya nga ai hpe shanhte chye mu ai majaw shanhte yawng shi hpe grai hkrit hkungga nga ma ai.

ESHTA 1:18

Persi, Medi mung na du salang ni a madu jan ni gaw hkawhkam jan a arawn alai a lam hpe na ai majaw, shanhte gaw dai lam shanhte a madu wa ni hpe dai shani jang hkan tsun hkawm wa na mara ai. Shara shagu nga ai nta madu jan ni mung shanhte a madu wa ni hpe n kaw n law di nhtawm madu wa ni mung tinang a madu jan ni hpe masin shapawt na mara ai.

ESHTA 1:21

Dai hkawhkam wa hte shi a du salang ni ndai myit jasat sharawng nga ma ai majaw Memuhkan hpaji jaw ai hte maren hkawhkam wa galaw wu ai.

ESHTA 2:1

Hkawhkam wa masin kawp mat ai hpang pyi, Washti galaw kau nu ai amu hte shi hpe ninghkap let tsun shabra kau sai lam hte seng nna shi a myit nga wu ai.

ESHTA 3:9

Madu hkawhkam wa e, nang ra sharawng ndai rai yang, shanhte sat kau ai hkrum lu na rai mu ai, ngu nna daw dan ai aming htuk shapraw ya u ga; dai hku nang galaw ndai rai yang, hkawseng mungdan up hkang ai amu a matu hkawseng sut dek hta gumhpraw tan 375 hta n-ga, ngai bang da ya lu na nngai ngu, ngai pahkam hkam nngai,” ngu nna tsun wu ai.

ESHTA 8:5

“Nye a madu hkawhkam awng sharawng ai hte ngai hpe myit manoi nna na a matu jaw hkrak ai zawn myit nawn la n yang gaw hkawseng mungdan hta nga ai Yuda masha ni yawng hpe sat shagrawm kau na matu Agag amyu matu na Hamedahta a kasha Haman a hkang da ai ga hkan galaw na matu matsun dat ai lam hpe hkan shabai na matu ndau laika hpe chyeju hte ka shapraw ya e.

ESHTA 8:8

Rai ti mung, hkawhkam wa a mying gang let hkawhkam wa a dazik hte dawk shakap sai ndau laika hpe dawm la kau lu sai n rai; hpa mi rai tim, nan ra sharawng ai hpa lam mi rai rai, Yuda masha ni hpang de ka mai nga myit dai. Nye a mying gang let nan laika ka nhtawm hkawhkam dazik hte dai hpe dawk mai nga myit dai,” ngu nna tsun wu ai.

Daniela 6:17

Nhkun mahka kaw nlung langai hte pat da nhtawm Daniela hpe kadai mung n hkye mawai la lu hkra nga, hkawhkam wa a dazik hte du magam ni a dazik hpe nlung ntsa hta dawk da ya wu ai.

1 SAMUELA 15:28

Samuela gaw shi hpe, “Dai ni, dai Madu gaw Israela mungdan hpe nang kaw na gang je kau nhtawm, nang hta grau kaja ai masha langai ngai hpe jaw kau nu ai.