ESHTA 1:18 - Jinghpaw Common Language Bible 2009

¹⁸ Persi, Medi mung na du salang ni a madu jan ni gaw hkawhkam jan a arawn alai a lam hpe na ai majaw, shanhte gaw dai lam shanhte a madu wa ni hpe dai shani jang hkan tsun hkawm wa na mara ai. Shara shagu nga ai nta madu jan ni mung shanhte a madu wa ni hpe n kaw n law di nhtawm madu wa ni mung tinang a madu jan ni hpe masin shapawt na mara ai.

Jinghpaw Hanson Version Bible

¹⁸ Hkawhkam jan galaw ai lam, Persi, Medi du jan ni, dai ni pyi na jang, shanhte mung dai hte maren hkawhkam a du ni mahkra hpe di kau nna, asawng asang hte pawt bu kaba pru na ra ai.

ESHTA 1:18 ပူးပေါင်းရင်းမြစ်များ

1 HKAWHKAM 11:3

Shawlumon gaw hkawhkam shayi sha sanit tsa hte hpe hkungran la ai hta lashi num ni masum tsa mung naw lu wu ai. Shanhte gaw shi hpe Karai Kasang kaw nna kayin mat wa shangun nhtawm,

ESHTA 1:17

Hkawseng up ai mungdan hta nga ai numsha shagu gaw hkawhkam jan galaw kau nu ai amu hpe na ai shaloi jang, tinang nang a madu wa ni hpe yu kaji nna n kaw n law di kau hpang na mara ai. Shanhte gaw, ‘Hkawhkam Ahasuru gaw hkawhkam jan Washti shi hpang de pru sa na matu hkang dat tim, shi ningdang kau ya nga ai,’ ngu nna tsun na mara ai.

ESHTA 1:19

Washti hpe hkawhkam wa a man e galoi mung bai n dawng pru lu nu ga, dai lam hpe Madu hkawhkam ra sharawng ai rai yang, hkawhkam ahkang aya hte ndau dip shabra u; dai gaw galoi mung n galai mat lu u ga, Persi hte Medi a tara ni hta ka da u ga. Dai hpang shi a hkawhkam jan aya hpe grau kaja ai numsha hpe jaw kau na mai nga ai.

TARA AGYI 5:29

Shi a numsha manang ni shi hpe htan mu ai hte shi gaw shi a kraw e lang hte lang ning ngu tsun wu ai: