ESHTA 1:17 - Jinghpaw Common Language Bible 2009

¹⁷ Hkawseng up ai mungdan hta nga ai numsha shagu gaw hkawhkam jan galaw kau nu ai amu hpe na ai shaloi jang, tinang nang a madu wa ni hpe yu kaji nna n kaw n law di kau hpang na mara ai. Shanhte gaw, ‘Hkawhkam Ahasuru gaw hkawhkam jan Washti shi hpang de pru sa na matu hkang dat tim, shi ningdang kau ya nga ai,’ ngu nna tsun na mara ai.

Jinghpaw Hanson Version Bible

¹⁷ Kaning rai nme nga yang, Hkawhkam Ahasuru gaw hkawhkam jan Washti hpe shi hpang de jashawn na lam hkang da timung, shi n sa hkraw ai, nga nna mung shagu hta kajai gara wa ai hpe numsha ni na jang, shanhte gaw tinang a madu wa ni hpe n kaw n law di kau na mara ai.

ESHTA 1:17 ပူးပေါင်းရင်းမြစ်များ

2 SAMUELA 6:16

Dai Sumpu hpe mare kata de la shang wa nga ma yang, Shawlu a shayi sha Mihkala gaw hkuwawt hku mada yu wu ai, shaloi Hkawhkam Dawi gaw chyoi pra ka manawt hte gumlawt wa nga ai hpe mu wu ai rai nna hkyet yu sharung da wu ai.

EZRA 4:6

Hkawseng Ahasuru hkaw dung hpang wa ai aten hta, Yuda mung hte Yerusalem mare hta nga ai amyu masha ni a gumlau hpyen ni gaw shanhte hpe mara shagun ai laika ka dat ma ai.

ESHTA 1:16

Dai hpang Memuhkan gaw hkawhkam wa hte shi a du salang ni hpe ning ngu nna tsun wu ai: “Hkawhkam jan Washti gaw hkawhkam wa hpe sha n rai, shi a du salang ni hpe mung, kaja wa nan hkawseng up mungdan na masha shagu hte hpe mung n kaw n law di kau nu hka!

ESHTA 1:18

Persi, Medi mung na du salang ni a madu jan ni gaw hkawhkam jan a arawn alai a lam hpe na ai majaw, shanhte gaw dai lam shanhte a madu wa ni hpe dai shani jang hkan tsun hkawm wa na mara ai. Shara shagu nga ai nta madu jan ni mung shanhte a madu wa ni hpe n kaw n law di nhtawm madu wa ni mung tinang a madu jan ni hpe masin shapawt na mara ai.

EHPESU 5:33

Rai ti mung dai gaw nanhte hte mung seng nga ai. Madu wa shagu gaw shi a madu jan hpe tsaw ra lu na rai nna Madu jan shagu mung tinang madu wa hpe tsaw ra lu na rai nga ai.