ESHTA 1:11 - Jinghpaw Common Language Bible 2009

¹¹ Shi gaw shanhte hpe hkawhkam jan Washti hkawhkam janmau gup let shi hpang de jashawn la na matu hkang dat wu ai. Hkawhkam jan gaw ahpraw tsawm ai num rai nna shi a du salang ni hte saw shaga da ai manam ni yawng a man e shi a tsawm htap ai ahpraw hpe madun dan na hkawhkam wa ra sharawng nga ai.

Jinghpaw Hanson Version Bible

¹¹ hkawhkam janmau gup let, hkawhkam wa hpang de jashawn na lam, Mehuman, Bizhta, Harabona, Bighta, Abaghta, Zehtara, Hkarahka ngu ai, unuk masha marai sanit hpe hkang da mu ai: kaning rai nme law, shi gaw grai ahpraw tsawm ai num rai nga ai.

ESHTA 1:11 ပူးပေါင်းရင်းမြစ်များ

2 SAMUELA 14:25

Israela amyu hta Absalom zawn ahpraw tsawm nna mying gumhkawng ai masha langai mi mung n nga nga ai. Shi gaw abaw kaw nna lagaw hkren ra rawng ai lam hpa mung n nga ai wa rai nga ai.

ESHTA 1:12

Rai ti mung shangun ma ni hkawhkam wa hkang dat ai ga, hkawhkam jan Washti hpe tsun dan mu yang shi n pru sa hkraw nga ai. Dai lam a majaw hkawhkam wa hpe masin kahtet shangun nga ai.

ESHTA 2:17

Dai hkawhkam wa gaw kaga numsha ni kadai hta mung shi hpe grau yu ra nga ai rai nna, kaga ni hta grau nna myi man pa ai hte tsaw ra ai lam hkam la lu nga ai. Hkawhkam wa gaw shi hpe hkawhkam janmau gup ya nhtawm Washti a shara hta shi hpe hkawhkam jan shatai da wu ai.

GA SHAGAWP 16:9

Na a bungli masing lam hpe nang lajang mai ti mung; Karai Kasang gaw na a shamu shamawt ai lam hpe hkang ya nga ai.

GA SHAGAWP 31:30

Hkum shingyan tsawm ai gaw hkalem chye nga nna, ahpraw nsam gaw hkoi mat chye nga ti mung, dai Madu hpe hkungga ai num chyawm gaw shakawn ging nga ai.