ESAIA 9:4 - Jinghpaw Common Language Bible 2009

⁴ Shanhte hpe lit shali shangun ai kandang hte shanhte a lahpa hpe adup ai hkawn ni hpe nang agrawp shadaw kau ya nit dai. Lai sai aten, Midian hpyen luksuk ni hpe nang anut dang kau ai zawn na a amyu masha ni hpe dip gamyet sha ai hte n-gun maku daw sha nga ai amyu baw hpe nang dang kau nga nit dai.

Jinghpaw Hanson Version Bible

⁴ Hpyen luksuk laba ni a hpyen kyepdin hte, sai galu ai hpun nba ni yawng, wan nat na matu wan shat tai na ra ai.

ESAIA 9:4 ပူးပေါင်းရင်းမြစ်များ

NINGPAWT NINGHPANG 27:40

Na a nhtu hte nang hkrung nga lu na ndai. Rai ti mung na a kanau a mayam tai nga u; Nang gumlau rawt yang, shi a reng hkang ai hpe nang daw kau ya lu na rin dai,” ngu nna tsun wu ai.

SHAKAWN KUNGDAWN 125:3

Tara n lang ai ni ding hpring ai ni a lamu ga hpe tut nawng e, up hkang lu ma ai n rai; lama wa, shanhte up hkang lu ai rai yang mung, ding hpring ai masha ni nan n hkru ai amu hpe galaw na ma ai.

SHAKAWN KUNGDAWN 81:6

“Nanhte a shingma na lit ni hpe ngai shayu kau ya nna, nanhte a wut tawng hpai ai ka htang ni hpe ngai jahkrat da ya ni ai.

ESAIA 10:16

Chyahtum Chyalai N-gun rawng ai dai Madu gaw ya hpum sau nga ai ni hpe ari jaw na matu ana zinli dat dat na ra ai. Shanhte a hkum ni hta wan rawng nga nna, dai gaw hkru chyu hkru nga na ra ai.

ESAIA 10:5

Dai Madu gaw, “Asuri e, ngai masin pawt nga ai ni hpe ari jaw na matu hkawn langai zawn Asuri hpe ngai lang nngai.

ESAIA 14:25

Ngai gaw Asuri masha ni hpe nye a lamu ga ngu ai Israela mung hta shamyit kau nhtawm shanhte hpe nye a bum ni a ntsa hta kabye anut kau na we ai. Ngai gaw nye a amyu masha ni hpe Asuri ni a kandang kaw nna mung, shanhte gun hpai nga ai lit ni kaw nna mung shalawt dat na we ai.

ESAIA 16:4

Na a mung hta anhte nga lu mi ga. Anhte hpe shamyit kau mayu ai ni a lata kaw na anhte hpe makawp maga la mi,” ngu nna tsun ma ai. (Dip gamyet sha hkrum ai hte jahten shaza ai amu gaw htum mat na ra ai, mungdan hpe agrawp jahten kau ai ni mung hkoi mat na mara ai.

ESAIA 47:6

Ngai gaw nye a amyu masha ni hpe masin pawt ni ai; ngai gaw shanhte hpe nye a matu zawn kachyi mi mung n sawn ai sha di kau ni ai: Ngai gaw shanhte hpe na a daru magam n-gun npu hta tawn da ni ai, nang shanhte hpe matsan dum myit n madun ndai, asak kaba sai ni hpe pyi laja lana di nga ndai.

ESAIA 49:26

Ngai gaw nang hpe dip gamyet sha ai ni hpe shada da sat hkat shangun na nngai; shanhte gaw lu nang nna masha sat ai hte n-yun bu na mara ai. Dai hpang amyu masha ni yawng gaw ngai nan dai Madu rai nga nngai hpe mung, nang hpe hkye la ai hte nang hpe shalawt dat ai wa rai nga nngai hpe chye wa na mara ai. Shanhte gaw ngai nan Israela a daru magam n-gun hte hpring ai Karai Kasang rai nga nngai hpe chye wa na mara ai.”

ESAIA 51:13

Nang gaw nang hpe hpan da ai, sumsing lamu ni hpe kahpyan da ai wa, ginding aga a npawt nhpang ni hpe jahkrat tawn ai wa dai Madu hpe malap kau nu ni? Nang hpe dip gamyet sha ai ni a n-yun bu ai a tut nawng hkrit ra ai shara hte, nang hpe shamyit kau na matu jin jin rai nga ai ni a shara hta nang hpa majaw nga ang nga n ta? Shanhte a n-yun bu ai gaw nang hpe galoi mung hkra lu na n rai.

ESAIA 52:2

Yerusalem e, nang nan ndut ndang ashun nga u! Ga nhpu kaw na rawt nhtawm na a tingnyang hta dung u! Ziun a bawng dung amyu masha ni e, nang hpe gyit ai sumri ni hpe raw kau u!

ESAIA 54:14

Teng man rap ra ai tara hte ding man ai gaw nang hpe n-gun shaja ya na ra ai. Nang gaw dip gamyet sha hkrum ai hte hkrit kajawng ai amu kaw na shim nga lu na ndai.

ESAIA 9:5

Shang gasat ai luksuk a hpyen hkyepdin ni hte shanhte a sai galu ai hpun nba ni yawng, wan hte jahten kau hkrum na mara ai.

YEREMIA 30:8

Chyahtum Chyalai N-gun Rawng ai dai Madu gaw, “Dai shani du jang, shanhte a du hta mara da ai kandang hpe ngai agrawp daw kau nna shanhte a sumri ni hpe raw kau ya na nngai. Shanhte gaw maigan masha ni a mayam galoi mung tai na masai n rai.

YEREMIA 48:17

“Shi a makau grup yin e nga nna, shi a mying dan hkung ai hpe chye ai ni nanhte yawng gaw, dai masha amyu baw a matu sharung shayawt nga mu. ‘Dai mung a daru magam n-gun hte hpring ai up hkang lam gaw daw agrawp mat nga sai; de a arawng sadang hte chyalai n-gun gaw galoi mung dawng pru lu na sai n rai,’ nga nna tsun ai.

JAW JAU 26:13

Ngai gaw dai Madu nanhte a Karai Kasang rai nga nngai; nanhte hpe Egutu mung kaw na woi shapraw wa ni ai; dai re ai majaw nanhte galoi mung mayam bai tai lu na myit dai n rai. Nanhte hpe mashi htingkung hkra galaw shangun ai daru magam n-gun hpe ngai shadaw kau ni ai; nanhte hpe baw sharawt let hkawm shangun ma sade ai,” ngu nna tsun wu ai.

NAHUM 1:13

Ya chyawm gaw, nanhte hpe up hkang ai Asuri a daru magam n-gun hpe jahtum kau ya nna nanhte hpe gyit hkang da ai sumri ni hpe di kau ya na we ai.”