ESAIA 9:19 - Jinghpaw Common Language Bible 2009

¹⁹ Chyahtum Chyalai N-gun rawng ai dai Madu gaw pawt sindawng nga ai majaw, shi jaw ai ari gaw mungdan ting hkru mat wa ai wan zawn hkru nga nna, amyu masha ni hpe jahten kau nga ai, masha ni gaw shanhte a kahpu kanau ni hpe ngam da na n rai.

Jinghpaw Hanson Version Bible

¹⁹ Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

ESAIA 9:19 ပူးပေါင်းရင်းမြစ်များ

ESAIA 1:31

Wan n-yang hte yihku wan hkru ai zawn, wa ngan n-gun ja ai masha ni mung, shanhte a n hkru ai sat lawat arawn alai hta hten byak mat na mara ai. Dai hten run ai hpe kadai mung jahkring kau lu na ra ai n rai.

ESAIA 10:6

Ngai gaw ngai hpe masin shapawt ai amyu masha, karai kata ai amyu baw hpe gasat na matu Asuri hpe shangun dat nngai. Ngai gaw shanhte hpe lanep hta, arai lagu na hte lam nmaw na ga nhpu hpe zawn amyu masha ni hpe kabye anut kau na matu dat dat nngai,” ngu nna tsun wu ai.

ESAIA 13:13

Ngai gaw sumsing lamu ni hpe gari ashun shangun na nngai, Chyahtum Chyalai N-gun rawng ai Ngai Madu nan nye a sindawng kahtet ai hpe madun ai shani hta ginding aga gaw gari ashun ai hte shi a shara htawt mat na ra ai.

ESAIA 13:18

Shanhte gaw shanhte a ndan pala ni hte shabrang ni hpe sat kau na mara ai. Shanhte gaw ma chyangai ni hpe matsan dum ma ai n rai, ma kaji ni a ntsa e mung n-gaw nwai ai myit rawng ai n rai.

ESAIA 13:9

Dai Madu a nhtoi du wa nga sai, dai nhtoi gaw pawt sindawng ai hte masin kahtet ai shi a gumshem ai nhtoi rai na rai nga ai. Ginding aga gaw nam mali tai mat nna yubak lu ai masha shagu jahten sharun kau hkrum na mara ai.

ESAIA 24:6

Dai rai nna, Karai Kasang gaw ginding aga hpe dagam ga tsun nu ai. Dai hta shanu nga ai amyu masha ni gaw shanhte galaw kau sai amu a matu shabrai jaw ya nga ma ai. Naw hkrung ngam nga ai ni gaw n law hta n law mat wa na mara ai.

ESAIA 26:11

Nang gaw na a gumlau hpyen ni hpe ari jaw na ra ai lam hpe shanhte n chye ma ai. Madu e, shanhte hpe kaya kahpa jahkrum nna nni nkri hkam sha shangun u; nang hkyen da ya sai ari ahpri shanhte hpe hkam sha shangun u. Na a amyu masha ni hpe nang kade daram tsaw ra nga ndai gaw, shanhte hpe madun dan u law.

ESAIA 3:5

Masha hkum shagu hte gaw shada da zai hku nna adip arip di hkat na mara ai. Shabrang ni gaw asak kaba ai ni hpe hkungga lara na mara ai n rai, hpa n tai ai masha ni gaw shanhte a ntsa na masha ni hpe hkungga lara na mara ai n rai.

ESAIA 33:14

Yubak kap ai Ziun a amyu masha ni gaw hkrit gari nga ma ai. Shanhte gaw, “Karai Kasang a tara jeyang ai gaw htani htana agrung nga ai wan zawn rai nga ai. Anhte hta na kadai wa dai zawn re ai wan hta asak hkrung lu nga a ta?,” ngu nna tsun ma ai.

ESAIA 4:4

Dai Madu gaw shi a daru magam n-gun hte tara jeyang nna amyu baw hpe jasan jaseng ai hte Yerusalem a mara hpe mung dai mare hta jahkaw kau sai asai hpe mung kashin kau ya na ra ai.

ESAIA 42:25

Dai rai nna, shi gaw shi a masin kahtet ai n-gun anhte hpe hkam sha shangun nna, kashun kashe du daw sai hkaw majan a nni nkri hpe hkrum sha shangun nga ai. Shi a masin kahtet ai gaw wan zawn Israela mung ting hta dinghkren hkru nga ai, rai ti mung hpa byin nga ai lam hpe anhte galoi mung n chye ga ai; anhte gaw shing re byin hkrum ai kata kaw na hpa mung n sharin la nga ga ai.

ESAIA 5:24

Dai majaw, Chyahtum Chyalai N-gun rawng ai dai Madu Israela a chyoi pra ai Karai Kasang gaw anhte hpe sharin da ya mi ai hpe nang ningdang kau nga ndai majaw yihku hte tsingdu jahkraw ni nyip mat nna wan hta hkru mat ai zawn na a ru ni tsam mat nna na a nampan pu ni hkraw nyui mat ai hte poi mat wa na ra ai.

ESAIA 5:30

Dai nhtoi du ai shaloi, shanhte gaw panglai hka wu kadu ai nsen zawn Israela amyu ni a ntsa e marawn shabam wa na mara ai. Ndai mungdan hpe mada yu mu! Dai gaw nsin hte myit htum myit chyum rai nga a hka! Nhtoi gaw nsin e mayu sha kau hkrum nga sai.

ESAIA 60:2

Kaga masha amyu baw ni gaw nsin hte ka-up da hkrum na mara ai, Rai ti mung dai Madu a nhtoi gaw na a ntsa e htoi tu na ra ai; Shi a htoi kabrim ai hpung shingkang gaw nang hte rau nga nga na ra ai.

ESAIA 8:22

ga de azi yu rai na ma ai, rai ti mung shanhte gaw hpa mung n mu, rai ti mung ru yak tsin-yam hte nsin hpe sha mu lu na mara ai, shanhte gaw hkrit shara nsin kata de gawt bang ai hkrum na mara ai.

YEREMIA 13:16

Shi gaw nsin hpe garai n sin shangun ai hte bum ni a ntsa e nang garai n ahtu kataw nna, shi gaw htat ai nsin de garai n kayin kau ai hte nhtoi hpe nang naw myit mada nga yang, dai Madu na a Karai Kasang hpe shagrau sha-a nga u.

EZEKELA 20:47

Dai Tsaw Htum ai Madu kaning nga tsun ai mungga hpe na la na matu dingda maga de na maling hpe htawn tsun u: Yu u, ngai gaw wan shachyi dat na nngai; dai wan gaw nang hta tu ai tsit lali ai hte hkun hkraw mat ai hpun shagu hte hpe hkru kau na ra ai. Dai wan hpe hpa hte mung sat shangap kau lu na ra ai n rai, dai wan gaw dingda maga kaw nna dingdung maga de du hkra hkru mat wa nna masha shagu gaw kang kahtet ai wan numli ni hpe hkam sha na mara ai.

EZEKELA 9:5

Karai Kasang gaw kaga masha ni hpe, “Shi a hpang hkan nhtawm mare ting hta dinghkren hkawm let kahtam sat kau mu. Langai mi hpe mung asak a hkyamsa lam hkum jaw myit; kade a ntsa e mung matsan hkum yu dum myit.

YOELA 2:2

Dai nhtoi gaw nsin sin nna, sin mak nhtawm chyang htat ai hte sumwi mung ai shani rai na ra ai. Bum ni a ntsa e nsin ka-up nga ai zawn n-gun ja ai dinggam-yaw hpyen hpung ni rawt lung wa nga ai. Dai zawn re ai gaw shawng de galoi mung n byin yu, htawm hpang de mung, galoi mung bai byin sana ra ai n rai.

YOELA 2:3

Wan zawn shanhte hkai nmai ni sha ma ai. Shanhte a shawng na lamu ga gaw Eden Sun hte bung nga ai, rai ti mung shanhte a hpang e, dai gaw akrin ayang rai nga ai. Shanhte a lata kaw na hpa mung lawt lu ai n rai.

JAW JAU 26:26

Ngai gaw n nanhte hpe shadaw ai malu masha hpe dawm kau ya na nngai, shaloi numsha marai shi gaw wan mang langai hta sha shanhte a muk yawng kabaw ra na mara ai. Shanhte gaw dai hpe karan jaw na mara ai, nanhte gaw dai ni yawng sha kau ti mung, naw kawsi kyet na rai myit dai.

AMO LAIKA (AMOS) 5:18

Dai Madu a nhtoi hpe ala nga ai nanhte a matu kade sha hkrit hpa rai nga a hka! Dai shani e, nanhte mai kaja lam hpa baw galaw lu na rai myit ni? Dai shani gaw nanhte a matu nhtoi n rai, nsin a shani tai na ra ai.

OBEDIA 1:18

Yaku hte Yosep a amyu masha ni gaw wan zawn rai wa nna; shanhte gaw Esaw a masha ni hpe yihku wan shachyi ai zawn jahkru kau na mara ai. Esaw a amyu matu ni kadai mung ngam nga na ra ai n rai. Dai Madu ngai nan ga tsun ni ai.

MIHKA 7:2

Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

MIHKA 7:6

Ndai prat aten hta, kasha ni gaw shanhte a kawa ni hpe angawk mana ni hpe zawn galaw na mara ai, shayi sha ni gaw shanhte a kanu ni hpe ninghkap na ra ai, kanam ni gaw shanhte a kamoi ni hte ga law ga la rai na ra ai; nanhte a gumlau hpyen ni gaw nanhte a dinghku masha ni kaw na rai ma ai.

ZEHKARIA 11:6

(Dai Madu gaw, “Ngai gaw ginding aga ntsa na masha kadai hpe mung galoi mung n matsan dum na nngai. Ngai nan amyu masha ni hpe shanhte a mung up du ni a lata hta ap kau na mawe ai. dai mung up du ni gaw ginding aga hpe jahten shaza kau na mara ai; shanhte a lata kaw na ngai hkye hkrang la na nngai n rai,”) ngu nna tsun wu ai.

ZEHKARIA 11:9

Dai hpang, ngai gaw sagu hpung hpe, “Ngai gaw nanhte a sagu rem wa galoi mung tai sana n rai; si ai wa mung si mat nu ga; shamyit kau hkrum na wa mung shamyit kau ai hkrum nu ga; naw ngam nga ai ni mung shanhte shada da shaza hkat manu ga,” ngu nna tsun we ai.

MALAHKI 4:1

Chyahtum Chyalai N-gun rawng ai dai Madu gaw, “Dai nhtoi gaw gumrawng gumtawng ai ni hte n hkru ai masha ni yawng yihku zawn hkru mat ai shaloi du na ra ai. Dai shani e, shanhte hkru mat nna dai yang e shanhte kadai mung ngam nga na mara ai n rai.

MAHTE 27:45

Shani ka-ang jan pungding madi ai ten kaw nna shana de hkying masum du hkra, mung ting hta e nsin sin chyip rap rai mat ai.

KASA 2:20

Karai Kasang a galu kaba ai hte hpung shingkang rawng ai Nhtoi garai n du yang, jan gaw nsin chyip rai mat nna, shata mung sai zawn hkyeng mat na ra ai.

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.